DANIEL 8:13 - Bukuit Ne Tilil

¹³ Ki agas anyun ineendet ne tiliil kong'alaali; ak ki teebe age ne tiliil nooto kang'alaali koleenji tebyei kot kotyanit ng'ang'utyet agobo kagoochinet ne kibeelei, ak pistoet ne ng'emisyei, si kigoito ole-tiliil kobooto lugeet ketyechatyech?

BUKUIT NE TILIL

¹³ Kiagas anyun inendet ne tilil kong’alali; ak kiteebe age ne tilil noto kang’alali, kolenji, Tebyei kot kotianit ng’ang’utiet agobo kagochinet ne kibeelei, ak bistoet ne ng’emisiei, si kigoito ole tilil koboto luget ketiechatiech?

DANIEL 8:13 Referencias Cruzadas

TIENWOGIKAL 74:10

Ee Kamuktaindet, rosu puunyoot kot kotyanit? Tos chubei puunyoot kaineng'ung' agoi koigeny?

TIENWOGIKAL 74:9

Ma kigeere kaboorunoikyok; Ma komi maotyondo; Ama mi kwenunnyo age tugul ne ingen kole tyanitu.

TIENWOGIKAL 79:5

Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?

ISAIAH 28:18

Yeityo kewal kayomiseng'wong' ne ki oyomiske ak meet koek puch, ama tononi kayanjineng'wong' ne ki oyanjine ak ye mi meet. Ye siirto pireet ne oo, ketyegatak anyun eng' yooto.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

ISAIAH 63:18

Ki nyaban piiguk che tiliileen; ago ne matya kotyech puunikyok oldang'ung' ne tiliil.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 12:10

Kigong'em mbareennyu ne po sabibuk mestoweek che chaang', ki kotyegat kebebertanyu, ki koyai kebebertanyu ne karaaran koek surkwen ne ma mi kiy.

DANIEL 11:31

Ak kotononso lugoosyek eng' komostanyi ak komurwon ole-tiliil kobooto irimeet, ak koisto kagoochinet ne kibeelei ne po kotugul, ak konde kiit ne kiwechei ne ng'emisyei.

DANIEL 12:11

Kobooch peetuusyek che ki istoi kagoochinet ne kibeelei ne po kotugul, ak kinde kiit ne kiwechei ne ng'emisyei, ko egu peetuusyek eliphuut agenge ak pogol aeng' ak tamanwogik sogool.

DANIEL 12:8

Ki agas ago ma aguiye; yeityo amwa ale, “Ee kiptaiyandennyu, egu nee kagesunetap tuguuchuuto?”

DANIEL 4:10

Ye ki ami itogunnyu; ko ki ageer keetit komi kwenutap ng'wony, ak ki oo kooindap tononennyi.

DANIEL 4:13

Ki atestai ageer, eng' ng'ang'utik che ki pwanjo ami itogunnyu, ak ogeero, ki choorgei riibindet ne tiliil kobunu kipsengwet.

DANIEL 4:23

Ak ko uu ye ki keer laitoryat `riibindet ne tiliil kochoorugei eng' kipsengwet ak kole, oep keetit ak oong'em, ago obagaakte tigitigap musukyennyi ak eng' ng'wony, ko miiroot eng' karnet ak sugunwet, eng' ole mi susweek che ng'orng'or. Ingobutyi ineendet rewootap kipsengwet, ak kotebi kobooto tyong'igap timiin, kot kogeskei peetuusyek che ki king'at, konyil tisap.

DANIEL 7:16

Ki ariikyi age eng' chooto ki tonondos eng' yooto, ak ateebe ineendet kaguiyetap tuguuchuuto tugul. Komwaiwo anyun, ak koboorwo kaaroretap tuguuchooto.

DANIEL 7:23

Ki mwa anyun ko uu ni kole, “Egu tyonyooto po ang'wan pounateet ne po ang'wan eng' ng'wony, ne egu ne teer eng' pounatosyek tugul, ak amei ng'wony komugul, ak kotyekyi ak kotonaton.

DANIEL 9:27

Ak koyomiskei kobooto piik che chaang' eng' kayomiset ne kiim ne po wigiit agenge, ak kogees tiseiywot ak kagoochinetap peek che ng'ootiin eng' kebeberyatap wigiit. Ak konyo age ne ibu ng'emisyet eng' kebepchetap tuguuk che kiwechei; ak keroong'ji ng'emindet nereegek che kigeng'at, agoi kagesunet.

SEKARIA 1:19

Ki ateebee malaikaiyat ne ki ng'alaalwo aleenji, “Nee chu?” Ak ki wolwo koleenjo, “Chu ko kuinoik che ki iyeesta Judah, Israel, ak Jerusalem.”

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 24:15

“Ye ogeer anyun kiit ne kiwechei ne po ng'emisyet kotonone ole-tiliil, ko uu ye ki mwa maotyot Daniel (ingoguiyo ineendet ne somani),

MARIKO 13:14

“Ago ye tuun ogeer kiit ne kiwechei ne po ng'emisyet kotonone ole ma nyoljin kotonone (ingoguiyo ne somani), ingomwechi anyun che mi Judea tuloonook:

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

LUKA 21:20

Ak ye tuun ogeer lugoosyek koyiem Jerusalem, onai anyun ole, kagoriik ng'emisyennyi.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

NG'ATUTIK 33:2

Ki toi komwa kole, “Ki nyo Kamuktaindet ne Toroor eng' Sinai, king'eet eng' Seir amu icheek. Ki iluu eng' tulweetap Paran, Ki nyo eng' tamanusyegap eliphusyegap che tiliileen: ki mi eunnyi ne po tai ng'atuutyet ne uu maat eng' icheek.

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

HEBRANIK 10:29

obwaatitoi ano okweek, ng'wanitu ne tya pireet ne tuun nyoljin kirwookyine ineendet ne ki kotyech Weeriitap Kamuktaindet, ak koiit korotiigap kayomiset, che ki kitiliile ineendet, koek tuguuk che ma tiliileen, ak kosas Kabuusetap myeeindo?

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

JUDA 1:14

Ki maoten Enok agine, chiito ne po tisap kobooch Adam, koamdochi pichu kole, Ogeero, ki nyo Kiptaiyat kobooto piikyik che tiliileen eliphuusyek ng'iisyat,

NG'ANG'UTYET 11:2

Ago pagakte, amat ikwa seremut ne miitei Hekaluut saang'; amu ki kigoochi Pororyosyek: ak kotyechei eng' keelyekwak nganaseet ne tiliil eng' arawek artam ak aeng'.

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”

KIRUOGIK 13:18

Kowolji malaikaiyatap Kamuktaindet ne Toroor kole, “Kalya si iteebena kainennyu, ago kainaniito ko po kwang'ut?”