DANIEL 8:17 - Bukuit Ne Tilil

¹⁷ Ki riik anyun ye ki atonone; ak kingo it ole ami, aiyweisye, ak abut kot kotiiny togeet ng'wony. Ago ki leenjo, “Ee, weeriitap chii, iguiye anyun; amu po ng'ang'utyoniito peetuusyek che po let.”

BUKUIT NE TILIL

¹⁷ Kirik anyun ye kiatonone; ak kingoit ole ami, aiyweisie, ak abut kot kotiiny toget ng’ony: ago kilenja, Ee, weritab chi, iguiye anyun; amu bo ng’ang’utionito betusiek che bo let.

DANIEL 8:17 Referencias Cruzadas

TAUNET 17:3

Ak ki ibutyi ng'wony kogutuny Abram, ak ki ng'alaalji Kamuktaindet koleenji,

EZEKIEL 1:28

Ko uu ole teptoi itoondap chepkuinobor eng' poolik eng' peetuutap ropta, ko ki uu nooto itoondap kakweng'et eng' komoswek tugul. Ki niito itoondap kergeindo ne po liilindap Kamuktaindet ne Toroor. Ak kinga keer, abut kot kotiiny togeet, ak ki agas kutitap ineendet ne ki ng'alaali.

EZEKIEL 2:1

Ak kimwaiwo koleenjo, Ee, weeriitap chii, tonon, si ang'alaalun.

EZEKIEL 44:4

Yeityo komutwaa anyo ooreet ne po ormariichet ne po murot kaataam ne po taitap koot; ak ki ageer, ogeero, ki nyi kootap Kamuktaindet ne Toroor liilindap Kamuktaindet ne Toroor: ak ki abut, kot kotiiny togeet ng'wony.

EZEKIEL 6:2

Ee weeriitap chii, tokyi togeng'ung' tuloonoogap Israel, ak imaotenji,

DANIEL 10:11

Ki leenjo, “Ee Daniel, inyee chiito ne ii chamat miising', iguiye ng'aleek che amwaun, ak itonon komyee; amu kagiyokwo anyo oli imi.” Kingo kagomwaiwo ng'olyoondoniito, atonon abotani.

DANIEL 10:16

Ak ogeero, ki twa kutinnyu age ne kergei ak weeriigap piik, ayaat kutinnyu anyun ang'alaal, ak aleenji ineendet ne ki tonon eng' tainnyu, “Ee kiptaiyandennyu, kagobwanjo aragenosyekyuk amu ng'ang'utyet, ak ma atinyei kimnon.

DANIEL 11:27

Ak che uu laitorinichuuto tuwai, ko tuun tokyingei mugulelwekwak koyai yaityet, tuun tebyei eng' meset agenge ak komwaei lembechek. Ago maborei; amu ta koitu kagesunet eng' peetuut ne ki king'at.

DANIEL 11:40

Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto.

DANIEL 12:13

Ago ui inyee oldang'ung' agoi koit kagesunet: amu imuunyi, ak tuun itononi eng' komostang'ung', eng' kagesunetap peetuusyechooto.

DANIEL 12:4

Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

DANIEL 2:46

Kobutyi ng'wony anyun Laitoryat Nebukadnezar ak kolas Daniel, ak kong'at kole kigoochi kagoochinet kobooto nyamdutik che anyiny.

DANIEL 7:16

Ki ariikyi age eng' chooto ki tonondos eng' yooto, ak ateebe ineendet kaguiyetap tuguuchuuto tugul. Komwaiwo anyun, ak koboorwo kaaroretap tuguuchooto.

DANIEL 8:15

Kingo kaageer anee Daniel ng'ang'utyonooto, acheeng' anyun ale aguiyo; ak ogeero, ki tonon eng' tainnyu itonda ne uu ne po chii.

DANIEL 8:19

Ak ki le, keero, aboorun inai tuguuk che tuun piitu let che po nereegek; amu po ng'ang'utyonooto peetuut ne ki king'at ne po let.

DANIEL 8:27

Ara ki atanui anee Daniel, amyan peetuusyo; ye ibata, ang'eet ak ayai poisyetap laitoryat. Ago ki akwong'ee ng'ang'utyonooto ak ma piit chii ne ki iguiyo.

DANIEL 9:23

Ki mong' ng'olyoo eng' taunetap soomutiguk, ak kanyo amwaun, amu ii chamat miising'. Ibwaat anyun komyee ng'olyoondoni amu nooto, ak iguiye ng'ang'utyet.

DANIEL 9:27

Ak koyomiskei kobooto piik che chaang' eng' kayomiset ne kiim ne po wigiit agenge, ak kogees tiseiywot ak kagoochinetap peek che ng'ootiin eng' kebeberyatap wigiit. Ak konyo age ne ibu ng'emisyet eng' kebepchetap tuguuk che kiwechei; ak keroong'ji ng'emindet nereegek che kigeng'at, agoi kagesunet.

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

MATAYO 17:8

Kingo yoot met, koma keer chii kobatee Jeso ineegei.

NG'ANG'UTYET 1:17

Kinga keer ineendet, abutyi keelyekyik ko uu chiito ne kagome. Ago ki igonoora eunnyi ne po tai, ak kole, “Meiywei! Aneendet ko aa ne po tai ak ne po let.

NG'ANG'UTYET 22:8

Anee Johana ne ki agas tuguuchu ak ageer. Ak ye kinga kas ak ageer, abutyi ng'wony alasu eng' keelyegap malaikaiyat ne ki iboorwo tuguuchuuto.