DANIEL 2:45 - Bukuit Ne Tilil

⁴⁵ ko uu ye koigeer ile ko ki ep koita ne komi tulweet ama eng' eunek, ak kotuatui karnet, sugunwet, meneet, fedha, ak thahabu. Kagoboorchi `Kamuktaindet ne oo laitoryat tuguuk che tuun piitu let. Po iman karwotitoet ak kosuldoi kaarorennyi.

BUKUIT NE TILIL

⁴⁵ Ak ko u ye koigeer ile kogieb koita ne komi tulwet ama eng’ eunek, si kotuatui karnet, sugunwet, menet, feda, ak tahabu; kagoborji Kamuktaindet ne o, laitoriat, tuguk che tun biitu let: ak bo iman karuotitoet, ak kosuldoi kaweeksennyi.

DANIEL 2:45 Referencias Cruzadas

TAUNET 41:26

Tuuga chooto tisap che myachen ko kenyiisyek tisap, ak itichooto tisap myachen ko kenyiisyek tisap; agenge karwotitaoniito.

TAUNET 41:28

Nooto ko kiit ne kaamwachi Pharaoh. Kagoboorchi `Kamuktaindet Pharaoh kiit ne machei si koyai ko neegit.

TAUNET 41:32

Kogiboorchi anyun Pharaoh karwotitaoniito konyil aeng' amu ki kochobok nooto eng' Kamuktaindet, ak chogune Kamuktaindet kiito kosulda.

2 SAMUEL 7:22

Ii oo amu nooto, ee Kamuktaindet ne po Toroornatet, amu ma mi ne ogerge, ama mi Kamuktaindet age kobatenen, ko uu eng' tugul che kigegas eng' itiikyok.

1 ATEPTAP PEETUUSYEK 16:25

Amu oo Kamuktaindet ne Toroor, nyolu kilas ineendet miising'; kanyool kiywei ineendet kosiir kamuktaik tugul.

NEEMIA 4:14

Ak ye ki ageer ole uu, ang'eet ak aleenji piik che taagunotiin, pounik ak piik tugul, “Amoiywei icheek. Obwaat Kamuktaindet ne Toroor ne oo ak ko po kamuiset ak oyai lugeet agobo tupchosyekwok, weeriikwok, tiibiikwok, osotikwok ak kooriikwok.”

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

Kitabuutap JOB 36:26

Oo Kamuktaindet, ama kinae ineendet; ma naaksei koitetap kenyiisyekyik.

TIENWOGIKAL 135:5

Amu angen ale oo Kamuktaindet ne Toroor; ak siirei Kiptaiyandennyo kamuktaik tugul.

TIENWOGIKAL 145:3

Oo Kamuktaindet ne Toroor, ak kanyool kilas miising'; ama isiagaksei etunatennyi.

TIENWOGIKAL 2:9

Itue icheek `kirokto ne po karnet; ak ituatui icheek ko uu rokyetap cheptereniot.”

TIENWOGIKAL 48:1

Oo Kamuktaindet ne Toroor, ak kanyool kilas miising' eng' nganaseennyi ak eng' tulweennyi ne tiliil.

TIENWOGIKAL 96:4

Amu oo Kamuktaindet ne Toroor, nyolu kilas ineendet miising': Kanyool kiywei ineendet kosiir kamuktaik tugul.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

DANIEL 2:24

Ki wo anyun Daniel ole mi Ariok, ne kiga kong'at laitoryat kole kobar piik che ng'oomen che po Babilon, ak komwachi kole, “Amat ibar piik che ng'oomen che po Babilon, imuta ole mi laitoryat, si aboorchi laitoryat kaaroret.”

DANIEL 2:28

ago mi Kamuktaindet kipsengwet ne ng'aanyei ung'ootik, ak kagoboorchi Laitoryat Nebukadnezar tuguuk che tuun piitu eng' peetuusyek che po let. Karwotitoeng'ung' ak ng'ang'utik che ki pwa meting'ung' eng' itogung'ung' ko chu:

DANIEL 2:29

Inyee, ee laitoryat, ye ko imi eng' itogung'ung', ko ki pwonjin kabwaatutik agobo tuguuk che tuun piitu let; ak kagoboorun ineendet ne ng'aanyei ung'ootik, tuguuk che tuun piitu.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 8:25

Eng' ng'aalsennyi, kogoochi `ineendet kaberberisyet konyoor poroteet, ak koeetkei eng' muguleldanyi. Ak kong'em che chaang' komi kalyennywa, ak koborye pounindetap pounik, ak ilei ineegei ama twa chii.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

SEKARIA 12:3

Ak ayae Jerusalem eng' peetuunooto koek koita ne nyigiis ne iimi piik tugul; nyooru perutik che chaang' icheek che kanabi koyato: ak koyumjigei ineendet pororyosyek tugul che po ng'wony.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MATAYO 21:24

Kowolji Jeso koleenji, “Amache agane ateebenak ng'olyoo agenge, ne ngo mwaiwo, amwaiwok agane kimnatonooto ayae tuguuchu.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

LUKA 17:20

Ak kingo teebee Pharisaik kole “Nyoonei au laitornatetap Kamuktaindet”, kowolji icheek koleenji, “Ma nyoonei laitornatetap Kamuktaindet kegeeronu:

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ANG'UTYET 1:19

Sir anyun tuguuk che kaigeer, ak tuguuk che miitei, ak tuguuk che tuun piitu eng' let.

NG'ANG'UTYET 19:17

Ak ki ageer malaikaiyat kotononi eng' asiista; ak kiwaach eng' kutit ne oo, koleenji toriitik tugul che tirirendos eng' kwenutap kipsengwet, “Obwa otuiyechi igoorto ne oo ne po Kamuktaindet,

NG'ANG'UTYET 4:1

Kingo pata tuguuchu, ageer, ak ki yaatak kurgeet eng' kipsengwet. Ak kutit ne po tai ne ki agas ko ki uu ne po iryageet, ne ki ng'alaalwo kole, “Togosu oli, si aboorun tuguuk che tuun piitu eng' let matiny.”