DANIEL 2:37 - Bukuit Ne Tilil

³⁷ Ee laitoryat, ii laitoryatap laitorinik, ne kogogoochi Kamuktaindetap kipsengwet pounateet, kamuget, kimnateet ak toroornatet;

BUKUIT NE TILIL

³⁷ Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

DANIEL 2:37 Referencias Cruzadas

1 LAITORINIK 4:24

Amu ki pou kooret tugul ne po aineet Yufrets, Tiphsah agoi Gaza, kiboi laitorinik tugul che mi aineet komosi. Ki chamdos ak piik che ki mi komoswekyik tugul.

2 LAITORINIK 25:28

Ki ng'alaalji ineendet eng' rireenetapkei ak kieet ineendet kotororit kosiir laitorinik che ki mi kobooto ineendet eng' Babilon.

2 ATEPTAP PEETUUSYEK 36:23

kamwa ko uu ni Cyrus laitoryatap Persia, kole, “Ki koono Kamuktaindet ne Toroor, Kamuktaindetap kipsengwet, laitornatosyek tugul che po ng'wony; ak king'ata ateekyi koot eng' Jerusalem, ne mi Judah. Ingotogosta age tugul eng' okweek che oo po piikyik tugul, ak ingotep Kamuktaindet ne Toroor Kamuktaindennyi kobooto chiichooto.”

EZRAH 1:2

“Kamwa ko uu ni Cyrus laitoryatap Persia, ‘Ki koono Kamuktaindet ne Toroor, Kamuktaindetap kipsengwet laitornatosyek tugul che po ng'wony, ak kagong'ata ateekyi koot eng' Jerusalem ne mi Judah.

EZRAH 7:12

Anee Artaserses, laitoryatap laitorinik, asirchini Ezrah tisiindet, siriindetap ng'atuutigap Kamuktaindetap kipsengwet ne ititaat; Taach chametapkei.

TIENWOGIKAL 62:11

Kitwek Kamuktaindet konyil agenge, ki agas nooto konyil aeng': ale po kimnateet Kamuktaindet;

KALEWANAIK 8:15

Laitorani laitorinik amu anee, ak irwoochi pounik eng' imanda.

ISAIAH 10:8

Amu ki mwa kole, “Tos, ma laitorinik pounikyuk tugul?

ISAIAH 47:5

Tebi eng' siisek, ak iwe mesundeito, ee cheptap Kaldeik: amu ma keguurenen kogeny Chebyosetap laitornatosyek.

JEREMIA 28:14

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Kande chogitap karnet kaatwegap pororyosyechu tugul, si kobiit koot Nebukadnezar laitoryatap Babilon; ak otei ineendet: ak kaagoochi ineendet tyong'igap timiin ak icheek.

JEREMIA 34:1

Ki nyoonji Jeremiah `ng'olyoot ne ki punu Kamuktaindet ne Toroor, ye ki pargei Nebukadnezar laitoryatap Babilon, ak lugeennyi tugul, ak pounatosyek tugul che po ng'wony che ki mi pounatennyi, ak pororyosyek tugul kobaregei ak Jerusalem, ak nganasookyik tugul, koleenji:

EZEKIEL 26:7

Amu mwaei anyun Kiptaiyat Kamuktaindet ne Toroor kole: Ogeero, amuti Nebukadresar laitoryatap Babilon, ineendet laitoryatap laitorinik, kobookyi Tyro, kobunu murot kaataam, kobooto paraisisyek, ak kariisyekyik che po lugeet, ak piik che ketei paraisisyek, ak kweanet, ak piik che chaang'.

DANIEL 1:2

Ki igoochi `Kiptaiyat kimnateet Nebukadnezar koterteer Jehoiakim laitoryatap Judah. Ki kimut inee kobooto tuguuk alak che po kootap Kamuktaindet. Ki ip tuguuchooto koba emetap Sinar, ak konde kootap konoraik che po kamuktaikyik.

DANIEL 2:31

Koigeer inyee, ee laitoryat, kanamwet ne oo. Ki tonone taing'ung' kanamwonooto oo, ne ko karaaran miising' kakweng'ennyi ak komuisyei itondanyi.

DANIEL 2:44

Ak tuun lumdoi Kamuktaindetap kipsengwet eng' peetuusyegap laitorinichooto pounateet ne ma koi king'em, ama kigoochin laitornatanooto poror age. Tuun tuatui ak kogees pounatosyechuuto tugul, ak tononi koigeny,

DANIEL 4:19

Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

DANIEL 4:22

Inyee nooto, ee laitoryat, ne koieetu ak igimiitu. Kogotesak etunateng'ung' ak koitei kipsengwet, ak koitei ole poochin ng'wony pounateng'ung'.

DANIEL 4:25

keele ki onin iwe eng' ole mi piik, ak imeny kobooto tyong'igap timiin, ak kegoonin iaget ko uu tuuga, ak kobutyin rewoot, kot kogeskei peetuusyek che ki king'at, konyil tisap; agoi inai ile pou Ineendet Ne Toroor Miising' pounatetap piik, ak kogoochin age tugul ne makyin.

DANIEL 4:3

Eechen ne tya kaboorunoikyik! Kiimeen ne tya kwang'utikyik! Laitornatennyi ko laitornatet ne po koigeny, ak ko po pounatennyi ibinwek tugul.

DANIEL 4:32

Ki onin eng' ole mi piik, ak imeny kobooto tyong'igap timiin. Ki koonin iagete ko uu tuuga, agoi kogeskei peetuusyek che ki king'at, konyil tisap; agoi inai ile pou Ne Toroor Miising' pounatetap piik ak kogoochin age tugul ne makyin.”

DANIEL 4:34

Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

DANIEL 5:18

Ee laitoryat, ki igoochi Kamuktaindet Ne Toroor Miising' Nebukadnezar kwandang'ung' pounateet, ooindo, toroornatet ak etunateet.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

HOSEA 8:10

Ee, agot nganda alei eng' pororyosyek, ayumi anyun icheek; ak kotoi kong'ering'itu amu nyigiisindap lautyet ne ki igoochi icheek `laitorinik ak pounik.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

JOHANA 19:11

Kowolji Jeso koleenji, “Kama ko tetinye kimnateet iyaiywo kiy, nda kama kigoonin eng' parak; nooto anyun, tinyei ineendet ne koindea euneguk tengekto ne oo kosiir.”

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 19:16

Ak kotinyei eng' ngoryennyi ak eng' kubestanyi kainet ne ki kisir kole, “Laitoryat ne po Laitorinik ak Kiptaiyat ne po Kiptainik.”

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”

NG'ANG'UTYET 5:12

komwaei eng' kutit ne oo kole: “Nyoljin Aarwet ne ki kibar konyoor kimnateet, ak mogornatosyek ak utaatyet, ak kamuktaet, ak teegisto, ak toroornatet ak kaberuret.”