DANIEL 2:23 - Bukuit Ne Tilil

²³ Aweegun kongoi ak alasun, ee inyee, Kamuktaindetap kwanisyekyuk, ne ki igoono utaatyet ak kamuget, ak kaiboorwon nguno kiit ne kogimagenen, amu kaiboorwech ng'olyootap laitoryat.”

BUKUIT NE TILIL

²³ Aweegun kongoi, ak alosun, ee inye, Kamuktaindetab kwanisiekyuk, ne kiigona ng’omnatet ak kamuget, ak kaiborun nguno kit ne kogimagenen: amu kaiboruech ng’olyotab laitoriat.

DANIEL 2:23 Referencias Cruzadas

TAUNET 18:17

Ak ki le Kamuktaindet ne Toroor, “Tos aung'e Abraham iman kiit ne amache ayai,

TAUNET 31:42

Nda ki ma komi kobooto Kamuktaindet ne po abba, Kamuktaindetap Abraham, ak Ineendet ne iywei Isak, ko kiteona awo puch. Kogogeer Kamuktaindet nyalildanyu ak poisyetap eunekyuk, ak kogerin kong' lagat anyun amu nooto.”

1 LAITORINIK 18:36

Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

1 LAITORINIK 8:57

Ingotep Kamuktaindet ne Toroor, Kamuktaindennyo kobootech ko uu ye kimi ak kwanisyekyok; amat kobagaaktech anan kometech.

1 ATEPTAP PEETUUSYEK 29:10

Ki ilas anyun `Daudi Kamuktaindet ne Toroor eng' taitap tuiyet tugul, ak ki le, “Iberuurot inyee, Kamuktaindet ne Toroor, Kamuktaindetap Israel kwandanyo, koigeny ak koigeny.

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilasu kaineng'ung' ne po toroornatet.

2 ATEPTAP PEETUUSYEK 20:6

ak ki le, “Ee Kamuktaindet ne Toroor, Kamuktaindetap kwanisyekyok, tos ma ii Kamuktaindet eng' kipsengwet? Tos ma ii pounindet ne pou laitornatosyek tugul che po pororyosyek? Mi eung'ung' kimnateet ak kamuktaet, ne ma mi ne imuuchi kogirinden.

TIENWOGIKAL 21:2

Ki igoochi kiit ne machei muguleldanyi, ama ietee kiit ne kosoom.

TIENWOGIKAL 21:4

Kisoomin saboondo, ak ki igoochi; agot chaang'indap peetuusyek che pendi koigeny ak koigeny.

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

TIENWOGIKAL 50:14

Igoochi Kamuktaindet korosyotap kongoi; ak yaakyi Ineendet Ne Toroor Miising' arorutiguk.

KOMONG'U 3:15

Ak ki leenji `Kamuktaindet Musa kogeny, “Imwachini piigap Israel ng'olyoondoni ileenjini, Kagoyokwo Anyoonjok Kamuktaindet ne po Toroornatet ne po kwanisyekwok, Kamuktaindetap Abraham, Kamuktaindetap Isak, Kamuktaindetap Jakobo; kainennyu niito agoi koigeny, ak kabwaatennyu niito agoi ibinwek tugul.

KALEWANAIK 21:22

Laanyei chiito ne utaat nganaseetap che kiimeen, ak kobut kimnateetap kamang'unennyi.

KALEWANAIK 24:5

Kiim chiito ne utaat kosiir chii ne kiim; ak kiim chiito ne tinye naet kosiir ne tinye kimnateet;

KALEWANAIK 8:14

Nenyu kirwooget ak utaatyet ne ititaat. Atinye naet ak atinye kamuget.

AMDOINDET 7:19

Utaatyet ko kimnateetap chiito ne utaat ne siirei pounik taman che mi nganaseet.

AMDOINDET 9:16

Ki ale anyun, “Myee utaatyet kosiir kimnateet.” Nganda uu nooto, kesasei utaatyet kibananiat, ama kigasei ng'aleekyik.

AMDOINDET 9:18

Myee utaatyet kosiir kariik che po lugeet. Ago ng'emei kiptengekyot agenge myeinwek che chaang'.

ISAIAH 12:1

Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

DANIEL 1:17

Ago ki igoochi Kamuktaindet naet ak utaatyet neranichuuto ang'wan eng' kaneetetapkei tugul ak ng'omnateet. Ki tinyei Daniel kaguiyet ne po ng'ang'utik tugul ak karwotitaosyek.

DANIEL 2:18

si kosoom rireenosyegap Kamuktaindetap kipsengwet agobo ung'ootyoni kole si ma ki par Daniel ak choronokyik kobooto piik alak che ng'oomen che po Babilon.

AMOS 3:7

Iman ma yaei kiy Kiptaiyat Kamuktaindet ne Toroor kotom kong'aang'ji ung'ootyennyi otwogikyik maotik.

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

LUKA 10:21

Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

JOHANA 11:41

Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa.

JOHANA 15:15

Ma aguurenok otwogik; amu ma naei otwogindet kiit ne yaei kiptaiyandennyi: ago kaaguurenok choronok; amu kaang'ang'wok tuguuk tugul che ki agase Abba.

NG'ANG'UTYET 1:1

Ng'ang'utyet ne po Jeso Kristo, ne ki igoochi Kamuktaindet ineendet koboorchi otwogikyik tuguuk che piitu kochogu ne matiny. Ki iyook `ineendet malaikaiyandennyi kole koboorchi kiboityondennyi Johana,

NG'ANG'UTYET 5:5

Ki leenjo age eng' poisyechugai, “Merire! Keero, ki koterter Ng'etundo ne po ooreetap Judah, Tigityot ne po Daudi, si kobiit koyaat bukuinooto ak ng'ooksosyechooto tisap.”