DANIEL 2:14 - Bukuit Ne Tilil

¹⁴ Ki wol anyun Daniel eng' naet ak ng'omnateet, kowolji Ariok, kiptaiyatap riibiigap laitoryat ne ki kawo kole kobar piik che ng'oomen che po Babilon.

BUKUIT NE TILIL

¹⁴ Kiwol anyun Daniel eng’ naet ak ng’omnatet, kowolji Ariok kiptaiyatab ribikab laitoriat ne kigawa kole kobar bik che ng’omen che bo Babulon;

DANIEL 2:14 Referencias Cruzadas

TAUNET 37:36

Ak ki alda `Midianik Joseph kwo Misiri, koal Potipar, kiboityotap Pharaoh, kiptaiyatap riibiik.

JEREMIA 39:9

Yeityo komut Nebusaradan kiptaiyatap riibiik, piik che kiga ng'et eng' nganaseet koba Babilon koek luulenik, kobooto piik che ki mwei eng' nganaseet konamgei ak ineendet, kobooto piik che kiga ng'et.

JEREMIA 52:12

Ak eng' arawetap muut, eng' peetuutap taman ne po arawanooto, ne ki kenyiitap taman ak sogool ne po Laitoryat Nebukadresar laitoryatap Babilon, konyo Nebusaradan, kiptaiyatap riibiik, ne kitononi eng' taitap laitoryatap Babilon, agoi Jerusalem:

JEREMIA 52:14

Ak kibut lugeet tugul ne po Kaldeik ne ki mi kobooto kiptaiyatap riibiik, irimoik tugul che po Jerusalem, komoswek tugul.

DANIEL 2:15

Ki wolji `Daniel Ariok kiptaiyatap laitoryat koleenji, “Amu nee si kogoromit ko uu ni ng'atuutyoni punu laitoryat?” Ki mwachi Ariok anyun Daniel agobo ng'olyoondonooto.

DANIEL 2:24

Ki wo anyun Daniel ole mi Ariok, ne kiga kong'at laitoryat kole kobar piik che ng'oomen che po Babilon, ak komwachi kole, “Amat ibar piik che ng'oomen che po Babilon, imuta ole mi laitoryat, si aboorchi laitoryat kaaroret.”