KIRUOGIK 6:11 - BUKUIT NE TILIIL Sireet ne Dutero Kanon

¹¹ Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

Bukuit Ne Tilil

¹¹ Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

BUKUIT NE TILIL

¹¹ Ak kinyo malaikaiyatab Jehovah, ak kotebe ketit kel ne kimi Opra, ne ki bo Joas Abiesrindet: ak kituei werinnyi Gideon nganok eng’ ole kitue sabibuk, si kobiit kouny nganochoto eng’ Midianik.

KIRUOGIK 6:11 Referencias Cruzadas

TAUNET 16:7

Ki nyoorchi `malaikaiyatap Kamuktaindet ne Toroor Hagar ole neegitee kondap peek eng' surkwen, yooto ko ole kutune peek eng' ooreet ne tokyingei Shur.

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

1 LAITORINIK 19:19

Kwo anyun eng' yooto, ak kinyoor Elisha weeriitap Sapat, ne ki ibatisye eiik tiptem ak ang'wan, che po chogit eng' tainnyi, ak ki kweryei ineendet che po chogitap taman ak aeng', ne po let. Ki wo Elijah ye mi ineendet ak kowiirchi ineendet ngoryennyi.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

KAITOSYEK 26:30

Weeriigap Gilead chu: Ieser, che ooreetap Iesrik; che po Helek, che ooreetap Helegik;

HEBRANIK 11:32

Ara nee anyun age neta amwae? Amu mayama poroindo ngot amwa agobo Gideon, Barak, Samson, Jephtha; ak agobo Daudi ak Samuel ak maotik:

JOSHUA 17:2

Ki punji lagogap Manasseh che ki ng'et, ko uu ortinwekwak, chooto lagogap Abiezer, lagogap Helek, lagogap Asriel, lagogap Shekem, lagogap Hepher ak lagogap Shemida. Chooto murenik che po iyoteetap Manasseh weeriitap Joseph, ko uu ortinwekwak.

JOSHUA 18:23

Abim, Para ak Ophrah;

KIRUOGIK 13:3

Kimong'ji malaikaiyatap Kamuktaindet ne Toroor kwonyooto ak koleenji, “Keero, ii soon, ma isigisye, ago imanachi ak isich weeriit.

KIRUOGIK 13:6

Ki wo anyun kwonyooto ak komwachi manong'otyondennyi koleenji, “Kanyoonjo chiitap Kamuktaindet ak ka uu itoondanyi itoondap malaikaiyatap Kamuktaindet, ne imuisei miising'. Ma ateebee ole kabunu, ama mwaiwo agine kainennyi.

KIRUOGIK 5:23

Ochup Meros, mwaei malaikaiyatap Kamuktaindet ne Toroor, ochup eng' chubeet ne ng'waan piik che menyei olooto, amu ma pwa kotoret Kamuktaindet ne Toroor, kotoret Kamuktaindet ne Toroor agobo che kiimeen.

KIRUOGIK 6:12

Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

KIRUOGIK 8:2

Ago ki leenji ineendet, “Koayai nee ne siirei ne kooyai okweek? Tos ma kaigai turetap sabibugap Ephraim kosiir kesisyetap Abiezer?

KIRUOGIK 9:5

Ki wo anyun kootap kwandanyi eng' Ophrah, ak kibarchi koita agenge tupchosyekyik, weeriigap Jerubaal, chooto tamanwogik tisap. Ago kichilil Jotham weeriit ne ming'in ne po Jerubaal, amu kiunygei.