KIRUOGIK 6:12 - BUKUIT NE TILIIL Sireet ne Dutero Kanon

¹² Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

Bukuit Ne Tilil

¹² Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

BUKUIT NE TILIL

¹² Ak kimong’ji inendet malaikaiyatab Jehovah, ak kolenji, Mi Jehovah koboten, inye chito ne i kim ak ko i nyigan.

KIRUOGIK 6:12 Referencias Cruzadas

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

LUKA 1:11

Ak ki mong'ji malakaiyatap Kiptaiyat kotonone komostap tai ne po kapkorosuut ne kibeelee nyamdutik.

LUKA 1:28

Ak ki nyo ole mi chebooto, ak koleenji, “Chamge, inyee ne ii chamat miising', mi Kiptaiyat kobooten.”

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

JOSHUA 1:5

Ma piitu chii ne imuuchi kotonon eng' taing'ung' peetuusyek tugul kotee isabe. Ko uu ye ki ami kobooto Musa, ko uu nooto ami kobooten. Ma meteen anan abagaakteen.

JOSHUA 1:9

Tos ma anee ne ki ang'atiin? Kimitu ak inyiganitu. Meiywei anan itoptoben amu mi Kamuktaindet ne Toroor Kamuktaindeng'ung' kobooten eng' ui tugul ole iwendi.”

KIRUOGIK 11:1

Ki nyiganeet ne kiim ak ko po lugeet Jephta Gileadindet. Ki sich `Gilead Jephta ago kamennyi ko ki chepkugoniot.

KIRUOGIK 13:3

Kimong'ji malaikaiyatap Kamuktaindet ne Toroor kwonyooto ak koleenji, “Keero, ii soon, ma isigisye, ago imanachi ak isich weeriit.

KIRUOGIK 2:18

Kingo ng'eetyi `Kamuktaindet ne Toroor kirwoogik, ko ki mi Kamuktaindet ne Toroor kobooto kirwoogindet, ak kosar icheek eng' eunegap puunikwak eng' peetuusyek tugul che po kirwoogindonooto. Ki riiree Kamuktaindet ne Toroor eng' tigenennywa ak eng' icheek che ki inyalili ak koimi.

KIRUOGIK 6:11

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

KIRUOGIK 6:13

Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”

RUTH 2:4

Ki it anyun koit Boaz kobunu Bethlehem, ak kogat kesiik koleenji, “Ingotep Kamuktaindet ne Toroor kobootok.” Kowolji `icheek ineendet kole, “Ingoberuurin Kamuktaindet ne Toroor.”

1 SAMUEL 10:7

Ye pwaanjin kaboorunoichu, iyai ko uu ye kenyooru poroindo, amu miitei Kamuktaindet kobooten.