KIRUOGIK 6:10 - BUKUIT NE TILIIL Sireet ne Dutero Kanon

¹⁰ Ki aleenjok, ‘Aa Kamuktaindet ne Toroor Kamuktaindeng'wong'; moiywei kamuktaigap Amorik, che omenye emennywa.’ Ago ma ogas iit kutinnyu.”

Bukuit Ne Tilil

¹⁰ Ki aleenjok, ‘Aa Kamuktaindet ne Toroor Kamuktaindeng'wong'; moiywei kamuktaigap Amorik, che omenye emennywa.’ Ago ma ogas iit kutinnyu.”

BUKUIT NE TILIL

¹⁰ ak kialenjok, A Jehovah Kamuktaindeng’wong’; moiywei cheptalelisiekab Amorik, che omenye emenywa: ago ma ogas it kutinnyu.

KIRUOGIK 6:10 Referencias Cruzadas

2 LAITORINIK 17:13

Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”

2 LAITORINIK 17:33

Ki iywei Kamuktaindet ne Toroor ago kiote kora kanamonikwak, ko uu ye ki iyweitoi pororyosyek eng' ole ki kiuune icheek kobwa.

2 LAITORINIK 17:7

Ki yaak ko uu nooto, amu kiga yachi piigap Israel tengekto Kamuktaindet ne Toroor Kamuktaindennywa, ne ki imutu icheek komong' eng' emetap Misiri, komang'une eutap Pharaoh laitoryatap Misiri, Kiga koywei icheek kanamonik,

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

KOMONG'U 34:12

“Riipkei, si meyai arorutyet ak piik che menyei emonooto iwendi si ma ek mesteet eng' kwenung'wong'.

KOMONG'U 34:14

among'urukyi kamuktain age tugul. Amu Kamuktaindet ne Toroor ne kainennyi ko ng'etkong', ineendet Kamuktaindet ne amei ng'etkong'.”

KALEWANAIK 5:13

Ama agas iit kaneetikyuk, ama epchi iit piik che ki ineeta.

JEREMIA 10:2

Mwaei Kamuktaindet ne Toroor kole, “Amat oneetkei ortinwegap pororyosyek, amoaragense agobo kaboorunoigap kipsengwet; amu aragendos pororyosyek, agobo chooto.

JEREMIA 17:23

ago ma kas, anan koep iit, ago ki iuit kaatwekwak, si ma kas, ak kotaach kaneetisyet.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 3:25

Ongeruiye eng' kalilanennyo ak ingotuchech teweernatennyo. Amu kigeyachi tengekto Kamuktaindet ne Toroor Kamuktaindennyo, acheek ak kwanisyekyok kobooch ming'inatennyo agoi peetuuni; ak ma ki kas iit kutitap Kamuktaindet ne Toroor Kamuktaindennyo.

JEREMIA 42:21

ak kaamwaiwok ng'aleechooto rani; ago ma ogas iit kutitap Kamuktaindet ne Toroor Kamuktaindeng'wong' eng' kiy age tugul ne kogoyogunena amwaiwok.

JEREMIA 43:4

Ma kas iit anyun kutitap Kamuktaindet ne Toroor Johanan weeriitap Karea, ak kiptainik tugul che po lugoosyek, ak piik tugul, si kobiit komeny emetap Judah.

JEREMIA 43:7

ak kiit emetap Misiri; amu ki ma kas iit kutitap Kamuktaindet ne Toroor: ak ki pwa agoi Tapanes.

JEREMIA 9:13

Ak mwaei Kamuktaindet ne Toroor kole, amu ki kometo ng'atuutyennyu ne kiande tainnywa, ama kas iit kutinnyu, ama pendate chooto.

SEPANIA 3:2

Ki ma kas iit mwaet; kimataach katigonet; ki ma imang' Kamuktaindet ne Toroor; ki ma riikyi Kamuktaindennyi.

ROMANIK 10:16

Ago ki ma kas iit tugul logoiywek che myach. Amu mwaei Isaiah kole, “Kiptaiyat, ki koyan ng'oo ng'aleekyok?”

HEBRANIK 5:9

ak kingo kageyai koek ne ititaat, koek ineendet ne kitaunegei yetunet ne po koigeny eng' icheek tugul che kase iit ineendet;

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

KIRUOGIK 2:2

Eng' kebebertang'wong' ko mat oyai arorut ak piik che menyei emoni. Obut kapkorosusyekwak.’ Ago ma ogas iit kutinnyu. Nee ni ka oyai?

KIRUOGIK 6:9

Ki atyachak eng' eutap Misiriik, ak eng' eutap tugul che ki inyaliilak, ak ki aoon icheek koba eng' taing'wong', ak agoonok emennywa.’