JOSHUA 18:12 - BUKUIT NE TILIIL Sireet ne Dutero Kanon

¹² King'eete kiwotennywa ne po komostap kaataam Jordan ak kitogosta kiwotennywa kobun tabandap Jeriko eng' murot kaataam ak kotogosta kobun emetap tuloonook kotokyigei cherongo. Kimong'ji kiwotennywa surkwen ne po Beth-aben.

Bukuit Ne Tilil

¹² King'eete kiwotennywa ne po komostap kaataam Jordan ak kitogosta kiwotennywa kobun tabandap Jeriko eng' murot kaataam ak kotogosta kobun emetap tuloonook kotokyigei cherongo. Kimong'ji kiwotennywa surkwen ne po Beth-aben.

BUKUIT NE TILIL

¹² Ak king’eete kiwotenywa ne bo komostab katam Jordan; ak kitogosta kiwotenywa kobun tabandab Jeriko eng’ murot ne bo katam, ak kotogosta kobun emetab tulonok kotokyigei cherongo; ak kimong’ji kiwotenywa ong’atetab Bet-aben.

JOSHUA 18:12 Referencias Cruzadas

HOSEA 10:5

Iyweisyei miising' piik che menyei Samaria amu kanamonigap moegap Beth-aben: amu riirchin piigap emonooto olooto, kobooto tisiikyik che kiboiboitune kanamwonooto po moita amu toroornatennyi ne kiga koistoegei.

HOSEA 4:15

Agot ngiyae inyee Israel kugoinatet, ko mat koyai Judah. Amobwa Gilgal, anan otogoste Beth-aben, anan oyosye ole, “Ko uu ye sabei Kamuktaindet ne Toroor.”

HOSEA 5:8

Oguut igoondit eng' Gibea, ak oguut iryageet eng' Ramah. Owaach eng' Beth-aben; keer ole po let eng' inyee, ee Benjamin.

JOSHUA 16:1

Kebeberta ne ki ibutyi eng' parbaryat lagogap Joseph kotaune Jordan eng' Jeriko eng' kong'asiis agoi surkwen, ak kotogosta eng' Jeriko kobun emetap tuloonook kwo Bethel.

JOSHUA 18:11

Ki piit kuraitap pororyetap lagogap Benjamin ko uu ortinwekwak. Ak ki wo kiwotetap parbaryannywa, kwenutap lagogap Judah ak lagogap Joseph.

JOSHUA 2:1

Ki iyookto Joshua weeriitap Nun piik aeng' eng' Shitim koba eng' ung'oot kosegei emet. Ki ng'at icheek koleenji, “Oba ogeer emet komugul, miising' ko Jeriko.” Ki pa anyun icheek ak ki it kootap chepkugoniot ne kigainennyi ko Rahab ak koruiyo yooto.

JOSHUA 3:16

kotononso anyun peek che punu meto koba parak. Kitoten eng' ole loo eng' Adam, nganaseet ne neegitee Zarethan, ko peek che kichoortagei kobendi araraitap Arabah, nooto po Munyuk, ko ki igestagei. Ki ilanda anyun piik kolong'ji ole tokyingei Jeriko.

JOSHUA 6:1

Kiga kiger Jeriko kot amu piigap Israel. Ki ma komandoi chii anan kochut oriit.

JOSHUA 7:2

Ki iyookto `Joshua piik eng' Jeriko koba Ai, ne neegitee Beth-aben eng' komostap kong'asiis ne po Bethel komwachi koleenji, “Oba ak osegei emonooto.” Ak ki pa anyun piik kosegei Ai.

JOSHUA 8:15

Ak ki yaigei Joshua ak Israel tugul ko uu yo kagiterter eng' tainnywa, ak ki mwei kobun ooreetap surkwen.

1 SAMUEL 13:5

Ki iyumgei Philistiik si kobargei ak Israel kotinyei kariisyek eliphuusyek sosom ak piik eliphuusyek lo che ketei paraisisyek, kobooto piik che tee ng'aniegap ngeguutap nyanjet eng' chaang'indo. Ki togos koteech Mikmas ne tokyingei kong'asiis eng' Beth-aben.