JOSHUA 18:11 - BUKUIT NE TILIIL Sireet ne Dutero Kanon

¹¹ Ki piit kuraitap pororyetap lagogap Benjamin ko uu ortinwekwak. Ak ki wo kiwotetap parbaryannywa, kwenutap lagogap Judah ak lagogap Joseph.

Bukuit Ne Tilil

¹¹ Ki piit kuraitap pororyetap lagogap Benjamin ko uu ortinwekwak. Ak ki wo kiwotetap parbaryannywa, kwenutap lagogap Judah ak lagogap Joseph.

BUKUIT NE TILIL

¹¹ Ak kibiit bororietab lagokab Benjamin ko u ortinwekwak: ak kiwa kiwotetab barbariandenywa kwenutab lagokab Juda ak lagokab Josep.

JOSHUA 18:11 Referencias Cruzadas

TAUNET 35:24

Chu ko weeriigap Rael: Joseph ak Benjamin.

2 SAMUEL 2:9

Ki inde ineendet koek laitoryat koboi Gilead, Ashurik, Jezreel, Ephraim, Benjamin ak koboi Israel tugul.

EZEKIEL 48:23

Ak eng' ortinwek che ng'etunotiin: kobooch komostap kong'asiis agoi komostap cherongo; koegu kebeberta agenge ne po Benjamin.

NG'ATUTIK 13:12

“Ngigas keng'alaale age eng' nganasoguk ne koonin Kamuktaindet ne Toroor Kamuktaindeng'ung' imeny keleen,

JOSHUA 18:10

Ak ki iser `Joshua parbareek agobo icheek eng' Shiloh eng' taitap Kamuktaindet ne Toroor; Ak kipchechi `Joshua emet piigap Israel ko uu pcheutikwak eng' olooto.

JOSHUA 18:12

King'eete kiwotennywa ne po komostap kaataam Jordan ak kitogosta kiwotennywa kobun tabandap Jeriko eng' murot kaataam ak kotogosta kobun emetap tuloonook kotokyigei cherongo. Kimong'ji kiwotennywa surkwen ne po Beth-aben.