JOSHUA 12:1 - BUKUIT NE TILIIL Sireet ne Dutero Kanon

¹ Chu ko laitorinigap emonooto che ki par `piigap Israel ak konam emennywa kobunji; eng' Jordan pitoniin ole tokyingei kong'asiis, kobooch atebweetap Arnon kot koit tulweetap Hermon kobooto Arabah tugul ne tokyingei kong'asiis:

Bukuit Ne Tilil

¹ Chu ko laitorinigap emonooto che ki par `piigap Israel ak konam emennywa kobunji; eng' Jordan pitoniin ole tokyingei kong'asiis, kobooch atebweetap Arnon kot koit tulweetap Hermon kobooto Arabah tugul ne tokyingei kong'asiis:

BUKUIT NE TILIL

¹ Chu ko laitorinikab emonoto, che kibar lagokab Israel, ak konam emenywa kobunji eng’ Jordan bitonin, ole tokyingei ole chorune asista, koboch atebwetab Arnon kot koit tulwetab Hermon, ak Araba tugul ne tokyingei kong’asis:

JOSHUA 12:1 Referencias Cruzadas

1 LAITORINIK 4:19

Geber weeriitap Uri, eng' emetap Gilead, kooretap Sihon laitoryatap Amorik ak ne po Og laitoryatap Bashan; ak ki kiptaiyat ineegei ne ki mi emonooto.

TIENWOGIKAL 133:3

Uu rewootap Hermon, che choorchingei tuloonoogap Zion. Amu olooto ole king'ate Kamuktaindet ne Toroor kaberuret, agot saboondap koigeny.

TIENWOGIKAL 136:21

ak ki igoito emennywa koek poroteet, amu tebyei rireenennyi koigeny;

TIENWOGIKAL 89:12

Ki itau iyai murot kaataam ak murot tai: Tyendos eng' poiboiyet Tabor ak Hermon eng' kaineng'ung'.

ISAIAH 16:2

Igeitu toriitik che ombenioti, ak keswetap ne ki kobutok, tiibiigap Moab eng' ole kilandoe eng' Arnon.

KAITOSYEK 21:13

Ki pa eng' olooto, ak komuung'e Arnon pitoniin, ne mi surkwen ne punu kiwotetap Amorik. Amu Arnon kiwotetap Moabik, kwenutap Moabik ak Amorik.

KAITOSYEK 21:21

Ki iyookto `Yahudik piik koba kap Sihon laitoryatap Amorik koleenji,

KAITOSYEK 21:24

Ki par `Israel ineendet eng' rotwetap chok ak konam emennyi kobooch Arnon agoi Jabbok, agoi kiwotetap piigap Ammon; amu king'ootaat kiwotetap piigap Ammon.

KAITOSYEK 32:19

Amu ma kinyabani kobooto icheek eng' pitoniindo po Jordan anan oliin po tai, amu mi porotennyo Jordan pitoni tokyingei kong'asiis.”

KAITOSYEK 32:32

Kilandoi eng' taitap Kamuktaindet ne Toroor, kebendi emetap Kanaan ketinye kariik, ak ng'etu eng' Jordan pitoni, che punjinech che po porotennyo.”

KAITOSYEK 32:33

Ki igoochi `Musa icheek, chooto lagogap Gad, lagogap Reuben ak kebebertap ooreetap Manasseh weeriitap Joseph, laitornatetap Sihon laitoryatap Amorik ak laitornatetap Og laitoryatap Bashan, emet ko uu nganasookwak kobooto ole poochin kiwotosyekwak, agot nganasoogap emet che ki yiem.

NG'ATUTIK 2:24

“Yeityo kong'atech `Kamuktaindet ne Toroor anyun koleenjech, ‘Onam pandang'wong' olandae atebweetap Arnon. Kande eung'ung' Sihon Amorindet laitoryatap Hesbon, kobooto emennyi. Tau anyun nam kobunjiin ak iyai lugeet ak ineendet.

NG'ATUTIK 2:32

Kimong'jech anyun Sihon ineendet ak piikyik tugul, kobwa koyai lugeet eng' Jahas.

NG'ATUTIK 3:1

`Kingeweege anyun `ketogoste ooreet ne wendi Bashan, kobokyech Og laitoryatap Bashan ak piikyik tugul konyo koyai lugeet eng' Edrei.

NG'ATUTIK 4:44

Ni ng'atuutyet ne ki inde Musa taitap piigap Israel.

NG'ATUTIK 4:46

komiitei Jordan pitoniin eng' atebweet ne tokyingei Beth-peor, emetap Sihon laitoryatap Amorik, ne ki menyei Hesbon ne kibar `Musa ak piigap Israel ye kingo kagomong' icheek eng' Misiri.

NG'ATUTIK 4:48

kobooch Aroer, ne mi tabandap atebweetap Arnon, agoi tulweet ne po Siyon (kainet age ne po tulweetap Hermon)

JOSHUA 1:15

Otoret icheek agoi kogoochi `Kamuktaindet ne Toroor tupchosyekwok kamuung'et ko uu okweek, agoi konam ak icheek emet ne igoochin Kamuktaindet ne Toroor Kamuktaindeng'wong'. Ye ibata oweege obwa emeng'wong' ak onam kobunjook, emet ne ki koonok Musa otwogindetap Kamuktaindet ne Toroor eng' Jordan pitoniin ole chorunee asiista.”

JOSHUA 11:17

Ki nam kora kobooch tulweetap Halak ne tokyingei Seir agoi Baal-gad eng' atebweetap Lebanon eng' Hermon keel. Ki nam laitorinikwak tugul, ak kokweerot kobar.

JOSHUA 11:3

Ki iyookyi ng'olyoo kora Kanaanik eng' kong'asiis, ak eng' cherongo kobooto Amorik, Hitik, Perisik, Jebusik eng' emetap tuloonook ak Hibik eng' Hermon keel eng' emetap Mispa.

JOSHUA 13:8

Ki sich porotennywa piigap Reuben ak che po Gad kobooto ne kigaigoochi Musa eng' Jordan pitoniin tokyingei kong'asiis, ko uu ye ki igoochi `icheek Musa otwogindetap Kamuktaindet ne Toroor:

JOSHUA 22:4

Ak nguno ko kagogoochi `Kamuktaindet ne Toroor Kamuktaindeng'wong' tupchosyekwok kamuung'et ko uu ye ki mwachi. Oweeige anyun nguno ak obe emaisyekwok agoi emet ne kibunjok ne ki koonok Musa otwogindetap Kamuktaindet ne Toroor eng' Jordan pitoniin.

KIRUOGIK 11:18

Yeityo kobun surkwen, koyiem icheek emetap Edom ak emetap Moab. Ki pun icheek kong'asiis ne po emetap Moab ak koteech Arnon pitoniin. Ago ma siir icheek kiwotetap Moab, amu aineetap Arnon ko ki kiwotetap Moab.