JOSHUA 12 - BUKUIT NE TILIIL Sireet ne Dutero Kanon

Laitorinik che ki iterteer Musa

¹ Chu ko laitorinigap emonooto che ki par `piigap Israel ak konam emennywa kobunji; eng' Jordan pitoniin ole tokyingei kong'asiis, kobooch atebweetap Arnon kot koit tulweetap Hermon kobooto Arabah tugul ne tokyingei kong'asiis:

² Sihon laitoryatap Amorik ne ki menyei Hesbon, ak ki pou Aroer ne mi tabandap atebweetap Arnon, ak kobooch kwenutap atebweet kot koit aineetap Jabbok, ne kiwotetap lagogap Ammon, ni ko kebebertap Gilead.

³ Ki pou kora Arabah agoi nyanjetap Kinnereth kong'asiis kot koit nyanjetap Arabah ne nooto Araraitap Munyuk, ne tokyingei kong'asiis ooreet ne wendi Beth-Jesimoth ak eng' murot tai eng' chepkeigeusyegap Piska keel,

⁴ ak Laitoryat Og ne po Bashan, ne po che ki ng'etune Repaik, che ki menyei Astarot ak Edrei.

⁵ Ki pounisyei ineendet eng' tulweetap Hermon, Saleka ak Bashan komugul kot koit kiwotetap Gesurik, Maakatik ak kebeberta ne po Gilead kiwotetap Sihon laitoryatap Hesbon.

⁶ Ki par `Musa otwogindetap Kamuktaindet ne Toroor ak `piigap Israel icheek. Ak kogoochi `Musa otwogindetap Kamuktaindet ne Toroor emonooto piigap Reuben ak che po Gad ak kebebertap pororyetap Manasseh kobunji.

Laitorinik che ki iterteer Joshua

⁷ Chuuto laitorinigap emonooto che ki par `Joshua ak piigap Israel eng' Jordan pitoniin ole tokyingei cherongo, kobooch Baal-gad eng' atebweetap Lebanon kot koit tulweetap Halak, ne togostoi agoi Seir (ak ki igoochi `Joshua emonooto pororyosyegap Israel kobunji ko uu pcheutikwak:

⁸ emetap tuloonook, warenget, Arabah, chepkeigeusyek, surkwen, murot tai, Hitik, Amorik, Kanaanik, Perisik, Hibik ak Jebusik):

⁹ laitoryatap Jeriko agenge, laitoryatap Ai, ne neegitee Bethel agenge;

¹⁰ laitoryatap Jerusalem agenge, laitoryatap Hebron agenge;

¹¹ laitoryatap Jarmut agenge, laitoryatap Lakish agenge;

¹² laitoryatap Eglon agenge, laitoryatap Gezer agenge;

¹³ laitoryatap Debir agenge, laitoryatap Geder agenge;

¹⁴ laitoryatap Horma agenge, laitoryatap Arad agenge;

¹⁵ laitoryatap Libna agenge, laitoryatap Adulam agenge;

¹⁶ laitoryatap Makeda agenge, laitoryatap Bethel agenge;

¹⁷ laitoryatap Tappuah agenge, laitoryatap Hepher agenge;

¹⁸ laitoryatap Apek agenge, laitoryatap Lasaron agenge;

¹⁹ laitoryatap Madon agenge, laitoryatap Hasor agenge;

²⁰ laitoryatap Simron-meron agenge, laitoryatap Aksap agenge;

²¹ laitoryatap Taanak agenge, laitoryatap Megiddo agenge;

²² laitoryatap Kedesh agenge, laitoryatap Jokneam eng' Karmel agenge;

²³ laitoryatap Dor ne ki mi Dor parak agenge, laitoryatap Goim eng' Gilgal agenge,

²⁴ ak laitoryatap Tirzah agenge. Ki ek laitorinichooto tugul sosom ak agenge.