JOSHUA 12:1 - BUKUIT NE TILIL

¹ Chu ko laitorinikab emonoto, che kibar lagokab Israel, ak konam emenywa kobunji eng’ Jordan bitonin, ole tokyingei ole chorune asista, koboch atebwetab Arnon kot koit tulwetab Hermon, ak Araba tugul ne tokyingei kong’asis:

Bukuit Ne Tilil

¹ Chu ko laitorinigap emonooto che ki par `piigap Israel ak konam emennywa kobunji; eng' Jordan pitoniin ole tokyingei kong'asiis, kobooch atebweetap Arnon kot koit tulweetap Hermon kobooto Arabah tugul ne tokyingei kong'asiis:

BUKUIT NE TILIIL Sireet ne Dutero Kanon

¹ Chu ko laitorinigap emonooto che ki par `piigap Israel ak konam emennywa kobunji; eng' Jordan pitoniin ole tokyingei kong'asiis, kobooch atebweetap Arnon kot koit tulweetap Hermon kobooto Arabah tugul ne tokyingei kong'asiis:

JOSHUA 12:1 Referencias Cruzadas

1 LAITORINIK 4:19

Geber weritab Uri, eng’ emetab Gilead, koretab Sihon laitoriatab Amorik ak ne bo Og laitoriatab Basan; ak ki kiptaiyat inegei ne kimi emonoto.

TIENWOGIKAL 133:3

U rewotab Hermon, Che chorjingei tulonokab Sion: Amu oloto ole king’ate Jehovah kaberuret, Agot sobondab koigeny.

TIENWOGIKAL 136:21

Ak kiigoito emenywa koek borotet: Amu tebyei rirenennyi koigeny:

TIENWOGIKAL 89:12

Kiitau iyai murot ne bo katam ak murot ne bo tai: Tiendos eng’ boiboiyet Tabor ak Hermon eng’ kaineng’ung’.

ISAIAH 16:2

Amu kergeitu tibikab Moab eng’ ole kilandoe eng’ Arnon, ak taritik che ombenioti, ak keswet ne kigobutok.

KAITOSYEK 21:13

Ak kiba eng’ oloto, komuung’e Arnon bitonin, ne mi ong’atet, ne bunu kiwotetab Amorik: amu Arnon kiwotetab Moabik, kwenutab Moabik ak Amorik.

KAITOSYEK 21:21

Ak kiiyokto Israelik bik koba oldab Sihon laitoriatab Amorik, kolenji,

KAITOSYEK 21:24

Ak kibar Israel inendet eng’ rotwetab chok, ak kinam emennyi koboch Arnon agoi Jabok, agoi kiwotetab bikab Amon: ak king’otat kiwotetab bikab Amon.

KAITOSYEK 32:19

Amu maginyabani koboto ichek eng’ bitonindo bo Jordan ak olin bo tai; amu mi borotennyo Jordan bitoni tokyingei kong’asis.

KAITOSYEK 32:32

Kilandoi eng’ taitab Jehovah, kebendi emetab Kanan, ketinye karik, ak ng’etu eng’ Jordan bitoni, che bunjinech che bo borotennyo.

KAITOSYEK 32:33

Ak kiigochi Musa ichek, choto lagokab Gad, ak lagokab Reuben, ak kebebertab oretab Manase weritab Josep, bororietab Sihon laitoriatab Amorik, ak bororietab Og laitoriatab Basan, emet, ko u nganasokwak koboto ole bochin kiwotosiekwak, agot nganasokab emet che kiyiem.

NG'ATUTIK 2:24

Ong’eetye anyun, onam bandang’wong’, olandae atebwetab Arnon: ogeero, kande eung’ung’ Sihon Amorindet laitoriatab Hesbon, koboto emennyi: itau anyun inam kobunjin, ak iyai luget ak inendet.

NG'ATUTIK 2:32

Ak kimong’jech anyun Sihon, inendet ak bikyik tugul, kobwa koyai luget eng’ Jahas.

NG'ATUTIK 3:1

Kigiweege anyun ketogoste oret ne wendi Basan: ak kiibokyech Og laitoriatab Basan, inendet ak bikyik tugul, konyo koyai luget eng’ Edrei.

NG'ATUTIK 4:44

Ni ng’atutiet ne kiinde Musa taitab lagokab Israel:

NG'ATUTIK 4:46

Jordan bitonin, eng’ atebwet ne tokyingei Bet-peor, emetab Sihon laitoriatab Amorik, ne kimenyei Hesbon, ne kibar Musa ak lagokab Israel, kingo kagomong’ ichek eng’ Misri.

NG'ATUTIK 4:48

koboch Aroer, ne mi tabandab atebwetab Arnon, agoi tulwet ne bo Sion, (noto ko Hermon),

JOSHUA 1:15

Agoi kogochi Jehovah tupchosiekwok kamuung’et, ko u okwek, ak konam agichek emet ne igochin Jehovah Kamuktaindeng’wong’: oweege anyun obwa emeng’wong’, si kobunjok, ne kigonok Musa otwogindetab Jehovah eng’ Jordan bitoni ole chorune asista.

JOSHUA 11:17

koboch tulwetab Halak, ne togostoi Seir, agoi Baal-gad eng’ atebwetab Lebanon tulwetab Hermon kel: ak kinam laitorinikwak tugul, ak kokwerot kobar.

JOSHUA 11:3

agoi oldab Kananik eng’ kong’asis, ak eng’ cherongo, koboto Amorik, ak Hitik, ak Perisik, ak Jebusik eng’ emetab tulonok, ak Hibik eng’ Hermon kel eng’ emetab Mispa.

JOSHUA 13:8

Kisich borotenywa bikab Reuben ak che bo Gad koboto inendet, ne kiigochi Musa ichek, eng’ Jordan bitonin ole tokyingei kong’asis, ko u ye kiigochi Musa ichek, otwogindetab Jehovah;

JOSHUA 22:4

Ak kagogochi Jehovah Kamuktaindeng’wong’ tupchosiekwok kamuung’et nguno, ko u ye kimwachi: oweeige anyun nguno ak obe emaisiekwok, agoi emet ne kibunjok, ne kigonok Musa otwogindetab Jehovah eng’ Jordan bitonin.

KIRUOGIK 11:18

Yeityo kobun ong’atet, ak koyiem emetab Edom, ak emetab Moab, ak kibun kong’asis ne bo emetab Moab, ak koteech Arnon bitonin; ago ma siir kiwotetab Moab, amu Arnon ko ki kiwotetab Moab.