JEREMIA 2:21 - BUKUIT NE TILIIL Sireet ne Dutero Kanon

²¹ Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

Bukuit Ne Tilil

²¹ Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

BUKUIT NE TILIL

²¹ Ago kiga aminin inye ketitab sabibuk ne kararan, keswot ne bo iman: kilya anyun si iwalage iegu ketit ne ya ne mangen?

JEREMIA 2:21 Referencias Cruzadas

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TAUNET 32:28

Kowolji koleenji, “Ma keguurenen Jakobo agoi, ago ka kiguurenen Israel, amu kaobelgei ak Kamuktaindet ak piik ak icheek, ak kaiterteer.”

TIENWOGIKAL 105:6

ee okweek, kesweegap Abraham kiboityondennyi, okweek lagogap Jakobo, chechiik che kigelewen.

TIENWOGIKAL 44:2

Keele, eng' eung'ung' ko ki ioon pororyosyek, ak ki igoochi cheguuk komeny olooto; ki inyaliil inyee piik, ago icheeget cheguuk ko ki ityaach.

TIENWOGIKAL 80:8

Ki ibu inyee sabibuk eng' Misiri: ki ioon pororyosyek, ak imin sabibunooto.

TIENWOGIKAL 80:9

Kisip ichopchi poroindo, Ak ki pa ng'wony oriit tigitikyik, ak koyom emet.

KOMONG'U 15:17

Imutu icheek komong' ak inde icheek kominogis eng' tulweetap poroteng'ung', komosta ne ki ichopchigei si imeny, ee Kamuktaindet ne Toroor, Ole-Tiliil, ee Kamuktaindet, ne ki kogimit eung'ung'.

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 27:2

Eng' peetuunooto, “Otyenji anyun mbareetap sabibuk ne po divaik.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 5:4

Nee ne kita ta keyaei ne siirei eng' mbareennyu ne po sabibuk, ne ma ayai? Amu nee anyun, ye kinga leen yiei sabibuk, koi sabibuk che yaacheen?

ISAIAH 60:21

Ak koek che po imanda kogeny piiguk tugul, ak koek emet porotennywa koigeny; temeet ne ki amin, poisyetap eunekyuk, si kobiit kegonyita.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

JEREMIA 11:16

Kiguure Kamuktaindet ne Toroor kaineng'ung', Emdit ne tuon, ne karaaran ak kotinyei logoek che myach. Ki ilaal maat eng' yooto eng' polatetap wasetapkei ne oo ak kagoilyo mooriikyik.

JEREMIA 11:17

Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 5:10

Otogoste irimoikyik ak ong'em, ago mong'em ogesu. Oiste mooriikyik, 2 amu ma po chooto Kamuktaindet ne Toroor.

RIREKAB JEREMIA 4:1

Kalya si komurwoniitu thahabu! Kalya si kowalagiis thahabu che tiliileen miising'! Kagirong' koigap ole-tiliil eng' tabandap ooreet age tugul.

EZEKIEL 15:2

Ee weeriitap chii, siirei eng' nee keetitap sabibuk keetit age tugul, anan temetap keetitap sabibuk ne mi kwenutap keetiigap timiin?

MATAYO 21:33

“Ogas kalewenet age: ki mi chiito age ne ki tinyei koot, ne kiminji sabibuk mbareet, ak kong'oot, ak kobal keriinget ole kiruruung'e logoek, ak koteech koot ne kooi. Kimanakyi meek ak kwo emet age.

MARIKO 12:1

Ak ki toi kong'alaalji icheek eng' kalewenaik kole, “Ki minji chiito age sabibuk mbareet, ak kong'oot, ak kobal keriinget ole kiruruung'e sabibuk, ak koteech koot ne kooi, ak komanakyi meek, ak kwo emet age.

LUKA 20:9

Ak ki toi komwachi piik kalewenoni, kole: Kimin chii sabibuk eng' mbar, ak komanakyi meek, ak kwo emet age kotebi peetuusyek che chaang'.

JOHANA 15:1

Aa keetit ne po iman ne po sabibuk, ak semberindet Abba.

NG'ATUTIK 32:32

Amu ketinnywa ne po sabibuk kobunu keetitap Sodom, ne punu mbareenigap Gomorah; murmuri piich sabibukwak, ak ko ng'woneen sabibukwak.

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

JOSHUA 24:31

Kiboisyechi Israel Kamuktaindet ne Toroor eng' peetuusyek tugul che po Joshua ak eng' peetuusyek tugul che po poisyek che kita komi ko kagome Joshua, che ki ingen poisyet tugul ne po Kamuktaindet ne Toroor ne kiga koyai agobo Israel.