JEREMIA 2:20 - BUKUIT NE TILIIL Sireet ne Dutero Kanon

²⁰ Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

Bukuit Ne Tilil

²⁰ Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

BUKUIT NE TILIL

²⁰ Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

JEREMIA 2:20 Referencias Cruzadas

1 LAITORINIK 12:32

Ki ng'at Jeroboam keyai igoorto eng' arawetap sisiit eng' peetuutap taman ak muut, ko uu igoorto ne ki mi Judah, ak kitogosta ye mi kapkorosuut. Ki yai ko uu nooto eng' Bethel, koeng'ji moek che kiga kotany. Ki inde Bethel tisiik che po komoswek che torooreen che kiga yai.

1 LAITORINIK 14:23

Amu kiteekyigei ak icheek komoswek che torooreen, tolochik ak Aserik eng' tulweet age tugul ne kooi ak eng' keetit keel eng' keetit age tugul ne tuon.

TIENWOGIKAL 107:14

Ki imoong'une mesundeito ak urwetap meet, ak kong'eti tuguukwak che ki kirate.

TIENWOGIKAL 2:3

Mwaei icheek kole, “Ongeng'eti tuguukwak che ratiisye, ak kewiirte poroonikwak eng' oldanyo.”

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

KOMONG'U 19:8

Ki wol piik tugul eng' kibagenge kole, “Kiyae chooto tugul kamwa Kamuktaindet ne Toroor.” Ki ipchi anyun `Musa Kamuktaindet ne Toroor ng'aleegap piik,

KOMONG'U 24:3

Ki nyo anyun Musa komwachi piik ng'aleek tugul che po Kamuktaindet ne Toroor ak kirwoogutik tugul, ak ki wol piik tugul eng' kutit agenge kole, “Kiyae ng'aleechooto tugul kamwa Kamuktaindet ne Toroor.”

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

ISAIAH 1:21

Kaegundo ano chepkugoniot nganaseet ne ko po iman, ne kotinyei kirwooget ne po iman! Komenyei imanda nganasanooto, ago nguno komi rumiik.

ISAIAH 10:27

Ak eng' peetuunooto, koistoegei tigikyeng'ung' lautyennyi, ak koistoegei kaating'ung' choginnyi, ak keng'em chogit amu kaiilet.” Kagotogosta ineendet kwo eng' Rimmon,

ISAIAH 14:25

ale atonatoni piigap Assyria eng' emennyu, ak atyech eng' tuloonookyuk; koistoegei eng' icheek choginnyi, ak koistoegei lautyennyi tigikyennywa.

ISAIAH 9:4

Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 17:2

kota kobwaati lagokwak, kapkorosusyekwak, ak Aserik che mi ole mi keetiik che tuonen eng' tuloonook parak,

JEREMIA 2:31

Ee ibini, ogas ng'olyootap Kamuktaindet ne Toroor! Tos ki aegu emetap melewet ne oo eng' Israel? Amu nee anyun si komwa piikyuk kole, “Ki kityaachech, ma kebwane kogeny ole imi?”

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 30:8

Ak tuun airie eng' peetuunooto choginnyi ne mi kaating'ung', mwaei Kamuktaindet ne Toroor ne po lugoosyek, ak ang'etii anooguk; ama koyaei toek ineendet koek otwogindennywa.

JEREMIA 5:5

Awendi ye mi piik che eecheen, ak ang'alaalji icheek, amu ingen icheeget ooreetap Kamuktaindet ne Toroor, ak kirwoogetap Kamuktaindennywa. Ago kigoiri chu kabo tai chogit kibagenge ak kong'eti ratuutik.

EZEKIEL 16:28

Ki iyai kogeny kugoinatet kobooto Asurik, amu ki ma koyamin kiy; ee ki iyai kugoinatet kobooto icheek, ago ma yamin kora.

EZEKIEL 16:31

amu iteeche oldang'ung' ole tagunoot, ak iyachigei oldang'ung' ole kitororit eng' ooreet age tugul; ama iige chepkugoniot, amu isase alisyet.

EZEKIEL 16:41

Ak kobeel kooriguk, ak koyaun kirwoogutik eng' taitap kwonyiik che chaang'; ak aeetenen kugoinatet, ama ialisyei kogeny.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

EZEKIEL 23:5

Ak ki yai Oholah kugoinatet ye kita ko nenyu; ak ki cham miising' chamanikyik, chooto ko piigap Assyria, piigap kokwennyi,

HOSEA 1:2

Ye kingo ng'alaalji `Kamuktaindet ne Toroor Hosea eng' tai, koleenji `Kamuktaindet ne Toroor Hosea, “Ui imutyigei chepkugoniot koek osotyong'ung', ak lagogap kugoinatet, amu yaei emet kugoinatet ne oo kometoi Kamuktaindet ne Toroor.”

HOSEA 2:5

Amu ki yaei kamet kugoinatet; ki yai teweernateet ineendet ne ki manachi icheek. Amu ki mwa kole, asuboti chamanikyuk, che koono amitwogikyuk ak peekyuk, koroorikyuk che po keechiirek ak mabuteekyuk, mwanikyuk ak tuguuk che aee.

HOSEA 3:3

Ak ki aleenji, “Itebye ko ii nenyu eng' peetuusyek che chaang'; meyae kugoinatet amat iegu osotyotap chii age tugul, ma yae ko uu nooto agane eng' inyee.”

HOSEA 4:13

Enyei tiseiywek eng' tuloonook parak, ak kobeelei nyamdutik eng' tuloonook, eng' kelutap keetiik, keetiik alak che uu siliboik, ak keetiigap alayet, amu myee urwennywa. Nooto anyun yaei tiibiikwok kugoinatet, ak koyai murerenikwok ibeetapkei.

HOSEA 9:1

Amat ibaibaitu, ee Israel, ko uu ye poiboitu pororyosyek; amu ki iyaate kugoinatet imete Kamuktaindeng'ung', ak ki icham tuguuk che kigoigoisye eng' rwanyut age tugul.

ATEPTAP LAWIK 26:13

Aa Kamuktaindet ne Toroor Kamuktaindeng'wong', ne ki amutwak omong'u eng' emetap Misiri, si mata oegu otwogikwak. Ak ki airii keetiigap choging'wong' ak ang'eetak obe komyee.

NAHUM 1:13

Airie choginnyi eng' kaating'ung', ak ang'etii ratuutiguk.”

NG'ATUTIK 12:2

Ong'em anyun ak owong'u oldinwek tugul ole kioote kanamonikwak pororyosyek che oluule. Ong'em oldinwek chooto tugul che mi tuloonook che kooen, che mi legemosyek ak che mi keetiik che tuonen keel.

NG'ATUTIK 15:15

Ibwaat ile ki ii otwogin eng' emetap Misiri ak ki ityaachin Kamuktaindet ne Toroor Kamuktaindeng'ung': kang'atiin anyun agobo ng'olyoondoni rani amu nooto.

NG'ATUTIK 26:17

Keng'aany rani Kamuktaindet ne Toroor ile, ineendet ko Kamuktaindeng'ung' ak ile kanyool iwendote ortinwekyik ak iriip kaneetisyosyekyik, ng'atuutikyik kirwoogutikyik ak igas iit kutinnyi.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 4:34

Anan kityem Kamuktaindet au komutyigei pororyet eng' pororyet age, eng' tyemuutik, eng' kaboorunoik, eng' kwang'utik, eng' pooryeet ak eng' euut ne kiim ne chuulaat eng' kamuisosyek che eecheen ko uu tugul che kiyaiywok Kamuktaindet ne Toroor Kamuktaindeng'wong' eng' Misiri eng' taitap konyekwok?

NG'ATUTIK 5:27

Riikte inyee si igas tugul che mwaei `Kamuktaindet ne Toroor, Kamuktaindennyo. Yeityo inyoo imwaiwech tugul che mwaun Kamuktaindet ne Toroor, Kamuktaindennyo si kegas ak keyai.’ ”

JOSHUA 1:16

Kowolji `icheek Joshua koleenji, “Kiyae chooto tugul keng'atech, ak kibendi olda age tugul ole keyooktech keebe.

JOSHUA 24:24

Koleenji `piik Joshua, “Kiboisyechini Kamuktaindet ne Toroor, Kamuktaindennyo ak kegas iit kutinnyi.”

JOSHUA 24:26

Ki sir ng'aleechuuto `Joshua eng' bukuitap ng'atuutigap Kamuktaindet. Ki inem koita ne oo ak konde kotonon eng' keetitap alayet keel ne ki mi ye po ole-tiliil ne po Kamuktaindet ne Toroor.

NG'ANG'UTYET 17:1

Ki nyo age eng' malaikaisyechooto tisap che ki tinyei taabook tisap, ak konyo kong'alaalwo, kole, “Nyoo yu, si aboorun kirwoogetap chepkugoniot ne oo ne tebee peek che chaang';

KIRUOGIK 10:6

Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.

KIRUOGIK 2:11

Ki yai piigap Israel yaityet eng' taitap Kamuktaindet ne Toroor koot Baalik.

KIRUOGIK 2:13

Ki meto Kamuktaindet ne Toroor, ak koot Baal ak Astarot.

1 SAMUEL 12:10

Ki riirchi `icheek Kamuktaindet ne Toroor koleenji, ‘Ki kiplelutiin, amu kigebagaakte Kamuktaindet ne Toroor ak keoot Baalik ak Astarot. Sarwech anyun nguno eng' eutap puunikyok si keotin.’