WEAWEA 1:3 - Hawa Naga Bible 2001

³ rullungx roknueyc maq htauk kox ralx khvt lot jix htenc muingc kuex wvl shuinz.

ASII LAKDAP Bible (BSI)

³ Tsangshiq ka arawii wiiroqnai maq phawan raüta maiqlare phenla ma jawan milottibi mang ka waiq ronglaq.

WEAWEA 1:3 Referencias Cruzadas

2 SAMUEL 24:9

Tsuinghez rueq hokhvmx waz muex nolaungx yaungc lot jix miq Israel mungx wawc 800,000 nuiyc Yuda mungx wawc 500,000 httax yaq lvmz kuex tvtay tvkhic wvnc tueq.

1 KAÜWA WERAÜ 5:18

Ruben, Gad nuiyc Shaldungc Manase phvnx htenc wawc paq htenc, yaung htenc nuiyc laq htenc shuimc thenc hvlc jix nolaungx bix 44,760 waz httax yaq.

2 KAÜWA WERAÜ 25:5

Hokhvmx Amazia rueq tsuingshiq vtaungx htenc tv-phvnc wawc nolaungx muex yaungc tvkoc Yuda nuiyc Benjamin phvnx wawc miq htenc kuex tvtuimx vtueq, hingshiz guimz jix nuiyc shashiz guimz jix vyungx vlaungx bix kuex taq tueq. Kvruex nolaungx bix kuex rullungx wawc rok nueyc, rvmuq ngoz ruiux kvruex maq htauk kox miq lotlaz 300,000 httax yaq. Tsuingshiq kuex nolaungx yaungc mvy yaq shex rvtueq paq nuiyc lak shuimc thenc hvlc ralx khvt tvkoc tvyoalc yoalx shex rvtueq.

DUNGWVNC 12:17

Moalx vruex mkaq muinz moalx tvkoc tvtsuingc taq shuinz, yvmx khoc lac ngoz ruiux lec kvruex raungnuiyq ngaz rueq nuimshiq phvnx htenc kuex Ejip mungx wawc tvdung shvlx wvnc phaungx. Nuimshiq rueq mkaq muinz majuiuc raungnuiyq vkhoc moalx wuez shuinz.

DUNGWVNC 30:14

Rullungx wawc rok nueyc maq htauk kox miq, muingc lvmc nuex lomx yoalx jix lotlaz rueq ngaz muex hihic kuimphox kuex kuy rax.

DUNGWVNC 38:26

Kvruex kuimphox kuex muingc wvlc nuex nyuip jix miq tek rueq tawk rvkhauk maq shenc vtueq vkuq kuimphox shenc rvtueq. Rullungx wawc roknueyc maq htauk kox, muingc wvlc nuex lomx jix miqwaz rulx kuex 603,550 waz rvtueq.

WEAWEA 14:29

Nuimshiq kuex yaruix tvnx nuex thueyc wvnc wuez tuinx, vruex rumz kuex nuimshiq maungx luip juing muex yaungx tuex. Yvmx khoc lac ngoz ruiux lec nuimshiq rueq ngaz muex mvrax tvgurc kvbot nyvnx tuit ningkhvnc nuex rullungx wawc rok nueyc jvnc miq kuex washiz muinz kvruex mungx kvyuq nyuip lvp tuinx rvmuq.

WEAWEA 26:2

“Israel miqsaz htenc kvwawc rullungx wawc roknueyc maq htauk kox, ralx khvt taungx jix miqwaz rulc muingc wvlc kuex vphvnx tv-phvnc lvmz shuinz,” ngoz rueq jungx tueq.

WEAWEA 3:15

Lewi phvnx wawc miqwaz saz yapix lex shiz maq htauk kox miq lotlaz kuex vtaungx nuiyc yuimx taungx tv-phvnc muingc wvlc lvmc tvkoc nvr tueq rulc rv-ngvlc,

WEAWEA 32:11

‘Nuimshiq rueq ngvy lvmx rvkhauk phvnx muit ningkhvnc nuex Ejip mungx maq vkaz wvnc miq kvwawc rullungx wawc roknueyc maq htauk kox miq, miqwaz rulx htenc kuex Abraham, Esak, Yaku muex ngaz rueq kuq phaungx ngoz tueq bomkhvmc vtaq mungx kvyuq nyuip lvp muq,’ ngoz tueq tuemc vtueq jungx kuq tueq.

WEAWEA 33:1

Moshe nuiyc Arun rueq shunshvlx vtueq Ejip mungx maq vphvnx tv-phvnc kaz wvnc wuez tueq, Israel miqsaz rueq jerak tec wvnc tueq baung htenc vmuingc vlvmz kuex vkhoc rvtueq.

WEAWEA 4:3

rullungx wawc rokthuimx maq wawc rok bv-ngac nuex httuiuc laz Yehowa httax yaq Tap nuex yauk shuimc taungx lot jix miqwaz rulx htenc kuex vtaungx muingc tv-phvnc muingc lvmz shuiuz.

TRI CHONGKE 24:5

“Miqlvmc nyalx jix waz rueq nolaungx yauk shuimc shuimc mvy muq, yauk shuimc vganc muinz tvshuimc mvy muq; vtaungx nyuiuz rulc vdvmz nuex vlenc vlauk maq yuimx nuex httaz tvkoc wawc shiz vkhangx kuy rax. Vtaungx nyuiuz rulc yuimx nuex vlenc vlauk maq httax tuex.

TRI CHONGKE 3:18

“Kvruex lauk kvkaq dvyx ngaz rueq tsuingshiq muex ngoc, ‘Yehowa naungshiq Tishox rueq Yodan Ruilx maq shaldungc kox nuex httax yaq mungx vruex nuimshiq muex tvkhvt tvlvp kuq yaq. Majuiuc nuimshiq shvrvyx bix muex koz vlak kuex tvshuimc shuinz, vganc Israel phvnx htenc laung ghaq vraungx lvp wvnc tvkoc ralx khux romc kuy kay tvkoc nuimshiq rueq Yodan Ruilx kuex yauk lox rvp wvnc wuez shuinz.