WEAWEA 1:4 - Hawa Naga Bible 2001

⁴ Waruiuz shiz wawc miqlaungx washiz shiz rueq nuimshiq muex mromc kuq kv-phuinx,” ngoz tueq jungx tueq.

ASII LAKDAP Bible (BSI)

⁴ Maiq phan kaüwa weraütek wa welabi ka weshi shi ümnaq khrumke miitu thaülaq.”

WEAWEA 1:4 Referencias Cruzadas

1 HOKHVMX 8:1

Kvruex yimaq Hokhvmx Solomon rueq Israel phvnx htenc nuiyc vtaungx htenc lotlaz wawc walaungx bix kuex Yehowa Bomkhvrc Jep kuex Zion ngoz yaq Dawid Ghaqyungx wawc Shomc Yuimx nuex lvmc wvnc tvkoc piq httax yaq Yerusalem nuex gvl tueq.

DUNGWVNC 18:21

Yuq muinz kvruex htauk nuex vshunc vshvlc jix miq wvyvmc kuex mnoz rueq thvl vtueq: miq hingshiz, shashiz, rok bv-ngac, rokshiz kuex shunshvlc lot jix walaungx bix kuex taq shuiuz; kvruex hez kuex Tishox muex hiyaz jix tvluimc juing miq, khauloayc yauk noalc lvmz muq jix yaungc rax.

DUNGWVNC 18:25

Israel miqsaz lotlaz wawc vshunc vshvlc lot jix miqwaz rulx kuex thvl taq tueq. Piq rueq miq hingshiz, shashiz, rok bv-ngac, rokshiz phungc htenc shunshvlx jix walaungx bix nuiyc piq walaungx bix kuex tvhungx taq tueq.

WEAWEA 17:3

Lewi miqsaz laung ngvlhtulc kvyuq kuex Arun muingc wuiyq tvy rax. Vphvnx walaungx washiz nuex ngvlhtulc vshiz phok httaz rax.

WEAWEA 25:14

Midian shvlx rulc vdvmz nuex thvt gay tueq Israel miqwaz kuex Simeon waruiuz wawc vyungx vlaungx yaungc jix Salu saz Zimri rvtueq.

WEAWEA 25:4

Moshe muex ngoc, “Ngvy thuinkhvy shiz tvkoc Israel miqsaz walaungx bix htenc kuex tvdung vtueq mungx miqsaz khaungkac nuex thvt gay shuiuz,” ngoz tueq jungx tueq.

WEAWEA 30:1

Moshe rueq Israel phvnx htenc wawc walaungx bix muex vphvnc juing bomc jungx kuq tueq.

WEAWEA 4:34

Yehowa rueq nvr tueq rulc rv-ngvlc Moshe, Arun nuiyc walaungx bix rueq Lewi phvnx wawc Kohat, Gershon nuiyc Merari taungx thuimx wawc rullungx wawc rokthuimx maq wawc rok bv-ngac hvlwvl miq, yauk shuimc taungx jix miqwaz rulx kuex Yehowa httax yaq Tap nuex yauk shuimc tvkoc jix vwaz tv-phvnc vtaungx maq vtaungx muingc vlvmz taq muingc wvlc kuex vkhoc rvtueq: Vtaungx Muingwvlc Kohat 2,750 Gershon 2,630 Merari 3,200 Romshauk: 8,580

WEAWEA 7:2

Kvruex yimaq muingc wvlc lvmz tueq nuex yauk shuimc lawc jix Israel miqsaz wawc walaungx bix yaungx yaq, vtaungx wawc shungc waz yaungc jix htenc rueq,

TRI CHONGKE 1:15

Kvkhoc rvtueq ngaz rueq tsuingshiq phvnx htenc kvwawc wvhonc wvtharc jix nuiyc vthenc vtuiuz jix, vkhic vtay vpaung jix walaungx bix htenc kuex thvl vtueq, tsuinghez muex tvguimz tvlawc tauk. Wvyvmc kuex miq hingshiz guimz jix, wvyvmc kuex miq shashiz guimz jix, wvyvmc kuex miq rok bv-ngac guimz jix, wvyvmc kuex miq rokshiz guimz jix muex tvhungx taq tauk. Ngaz rueq walaungx bix vganc muinz vphvnx tv-phvnc tvhungx taq shex tauk.

JOSHUA 22:14

Phineha rulc vdvmz shalx nyuip kox miqphvnx htenc wawc washiz phok, vtaungx htenc yuimx kac tek wawc vkhux yaungc jix hez rulc vdvmz walaungx rokshiz kuex kaz wvnc naungx tueq.