WEAWEA 1:3 - ASII LAKDAP Bible (BSI)

³ Tsangshiq ka arawii wiiroqnai maq phawan raüta maiqlare phenla ma jawan milottibi mang ka waiq ronglaq.

Hawa Naga Bible 2001

³ rullungx roknueyc maq htauk kox ralx khvt lot jix htenc muingc kuex wvl shuinz.

WEAWEA 1:3 Referencias Cruzadas

2 SAMUEL 24:9

Raüta tsangshiq raq maiqwea raüpot ka hokhamwe jaq niishe kuqto. Maiq rekhat kai alotti Israil mung na 800,000 riito. Kiimaq Juda mung niika 500,000 riito.

1 KAÜWA WERAÜ 5:18

Reuben phan, Gad phan, kiimaq Shedong nü na siti Manase phan wiika rekhatti liiq sham, nepjasai sham, kiimaq liq sham tlangkeje phenlabi ka 44,760 asi riito.

2 KAÜWA WERAÜ 25:5

Hokhamwe Amajia raq Juda phan nai Benjamin phan wa mungmaiqse kunli ka phen phung ma phoqto. Raüta aweraü aweraü maq tiikho raüta maiqwere hingshi khuthaq phentu ashishi, kiimaq shishi khuthaq na phentu weshishi shongto. Arka maiq arawii wiiroq nai maq phaho raüta riimakla kriithaq maiqlabi thun kra shiikapto. Raüta tsangshiq tlotli ka 300,000 riito. Tsangshiq ka atsea arwan phen phung, rekhat miitu khekham, piq sham nai liiqsham smabi sreakong.

DUNGWVNC 12:17

Ara poi arka namshiq raq lang ronglaq. Jamkhano ngukla ara ranaiq na Ngi raq namshiqnok maiq phan thun ka Ejip mung wa tiidong wan kang. Pattup pat-sa na saüli namshiq raq ümchaü ranaiq arka poi klo lanta lang ratlo.

DUNGWVNC 30:14

Maiqwere loweatek ara maiqwea na tlomdamtlaqti, maiq loweatek arawii wiiroq nai sheti nai kriima maiqlati thun raq, Ngi ma ara kampho ka ke ratlo.

DUNGWVNC 38:26

Riita maiq mang wea akhing na maiqwere loweatek raq mung raq langtlaq tok maq shin raüta akuq kampho kiimin tlotli ka achu hali riito. Maiq mang wea akhing na mang waiq wantaq maiqwere thun wiiroqnai maiq, riimakla kriima maiqla lin she thun ka tlotli 603,550 riito.

WEAWEA 14:29

Namshiq ka mijiim han. Kiimaq namshiq maa phong ka ara rumnyangkhi bintang jüngi mung na minyin baiq wan. Namshiq raq Ngi ngeng wan bottsaü wan lan kha na, namshiq phong wa maiq arawii wiiroqnai pat thaq na siti thun ka juwe riimin kra mung na saü wan lot man she mirhan.

WEAWEA 26:2

“Israilnok mungmaiqse ka ata ata aweatek maq maiqwere arawii wiiroqnaiti thun nai kriithaq na maiqlare sitlaq thun kra re na kai ma maitlaqti thun maiq ka wea lanta waiq ronglaq.”

WEAWEA 3:15

Lewinok ka aweraü maq kiimaq ata ata maq maiqwesere ka arawii wiishi maq phaho raüta maiqlare na saüli ka awea laüta rejistar na waiq thülaq nguta aming kuqto.

WEAWEA 32:11

‘Ngi raq atiitum lata ngutiikang, tsangshiq ka iwokhong na phaq chii nichii maq simak kha na, maiqwere arawii wiiroqnai riimakla kriima alati thun Ejip mung wa laü wantaq phong kiiwa weshi ra dongdii min, Ngi raq Abraham, Isak, kiimaq Jakob ma mung ashi mikuqha nguta kiq kham kuq kang kiijaq saü wan lot mak miraq.’

WEAWEA 33:1

Israilnok ka Ejip mung wa Mosheq nai Aron wokhong maq laü wantaq akhing na maiqmii phan wela takiq na tsangshiq lamjap piitiip ka arjaq chongtlaq maiqhiq thun na tei wanto nguta chongtlo.

WEAWEA 4:3

laüta maiqwere tlotli arawii wiiroqtsam maq pha raüta wiiroq biingi na saüli maiq ka wealaq, laüta Tatiwe asi Tombutiip na jaqsham milotti thun tsangshiq mang ka lakdap na waiqthülaq nguta chongto.

TRI CHONGKE 24:5

“Maiqwe achak lam nyeti ka phenla ma shiikap raamak. Riimakla laihin mung jaqsham niimin shiikap raamak. Apaiq ka wiishi miitu akhnok mung jaqsham wa atiihangke chang. Kra raütiq apaiq ka ajam niili misi, raüta tsang-nyung ka mitiichochi.

TRI CHONGKE 3:18

“Kra chumkuq kang akhing na, ngi raq tsii ka chongkuq kang: ‘Tatiwe nashiq Shiikeawe raq namshiq ma Jordan Rai maq shedong nü wang thun kra namshiq siwan miitu kuqto. Riita ümchaü min namshiq phong wa srea nolabi thun kra rekhat wa miitu tiije ronglaq. Lanta Jordan rai reko na Israilnok maiq phan ahinti kriima lamkhu shea tiiwa ronglaq, raüta tsangshiq raq tsangshiq rii hiqshong thun kra jiiwan na khrum kuq ronglaq.