Mikha 7:9 - Hawa Naga Bible 2001

⁹ Naungshiq rueq Yehowa muex mvrax yaq gay tiq, kvkhoc rvtueq majuiuc naungshiq rueq vpiq thuinkhvy kuex baunglaung shiz tvkoc nanx juing rvtueq. Yuq muinz tvsuip nuex vpiq rueq naungshiq kuex tvkhup wungx kuq phuex, naungshiq rueq vyaq shuimx wvnc tix htenc kuex tvlvmx kuq phuex. Vpiq rueq naungshiq kuex raungwuic nuex shvlx phuex; vpiq rueq naungshiq palc wvnc phuex kuex khiz shix.

ASII LAKDAP Bible (BSI)

⁹ Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.

Mikha 7:9 Referencias Cruzadas

2 SAMUEL 24:17

Dawid rueq miq thvy jix raungkamx waz kuex khiz vtueq Yehowa muex ngoc, “Ngaz kuex mvrax vhttax waz rvtauk. Mvrax shuimc jix waz muinz rvtauk. Vruex htemsuiuz rvmsaz miq htenc vraq yvmx lac yaq gay tvnx? Ngaz nuiyc ngvy yuimx wuinz muex dvyx murx tvgurc kuy aungx yaq,” ngoz tueq jungx tueq.

YOBA 23:10

Yuq muinz ngaz khuemx taungx khamz tenc ruip rawx Tishox rueq tuiuz yaq; vpiq rueq ngaz kuex taruiyx ruiux yuq, ngaz vsawc kuex vpiq rueq khiz lvp shuex.

YOBA 35:14

Yoba lex, mnoz rueq Tishox kuex khiz lot muq ngoz vshuiux; yuq muinz nanx vtueq bvmc shuiuz, mkhac kuex vpiq khaungkac nuex shex rvtueq.

Tvtsvmc 119:154

Ngvy kox nuex jvp vtueq ngvy khac kuex phox wvnc loq; mbomkhvmc rulc rv-ngvlc ngaz kuex palc wvnc loq.

Tvtsvmc 37:6

Mnoz tsuingrux lvmx kuex raung-nuiyq shalhtungx raungkawc ikhoc vpiq rueq tvkawc kuq kv-phux.

Tvtsvmc 43:1

O Tishox lex, ngaz kuex mvrax kop muq waz ngoz tueq jungx tvtay shuiuz; kvmx muq luimx muq miqsaz kuex khawx lvlx vtueq ngvy kox maq tvgawx naungx koq; vrot vkaq jix nuiyc honc bac jix miqsaz htenc yauk wawc ngaz kuex daungc wvnc koq!

Tvtsvmc 7:6

O Yehowa lex, mthuinz tvkhaq vtueq kvtenc kuiuz! Ngvy ralx hez thuinkhaq yaq kuex kvtenc tuing gay shuiuz; kvsvmc kuiuz ngaz muex romc kuq koq! Mnoz rueq thoz toq kuex tvrac vlvmz lvmx rvtueq,

Tvtsvmc 94:15

Tvrac rungx nuex tvrac vlvmz kuex laukshiz khiz wvnc yek shuex, tsuingrux miqsaz lotlaz rueq muinz kvruex lvmx kuex htuiz daungx wvnc shuex.

ISAIA 42:16

“Muik mawz jix ngvy miqsaz htenc kuex tsuingshiq mkaq muinz khuemx muq shauk lvmx maq shvlx wvnc shaungx. Ngaz rueq tsuingshiq raungx nyauk kuex raungwuic tvyaungc ruiux yvnc khurx ghaqkhvt mungx kuex tsuingshiq mvnz nuex tvhvlc tvraz gay shaungx. Kvruex kuex ngvy bomkhvmc htenc rvtueq, ngaz rueq kvruex htenc kuex tvkhvlc mauk maq tvhungx shaungx.

ISAIA 42:7

Mnoz rueq muik juk jix muex muik tvkalc kuq ruiux raungnyauk khoktep nuex shuiuz gay rvhumc jix htenc kuex tvdung gay shuiux.

ISAIA 46:13

Ngaz rueq nuimshiq dungc wvnc raungnuiyq kuex tv-nyek kuq phaungx, kvruex kuex luz muq shex. Ngaz rueq palc daungc wvnc lvmx kuex tvyix taq gay shaungx rvmuq. Ngaz rueq Yerusalem kuex palc wvnc ruiux Israel muex tvtsanc nganc kuex tvhttuiuc kuq shaungx.”

ISAIA 51:22

Yehowa nuimshiq Tishox rueq mnoz muex tvkhup wungx kuq vtueq, “Ngvy thuinkhaq vtueq nuimshiq muex kuq gay phaungx kok kuex ngaz rueq lvmz wvnc yek shaungx. Tsuingshiq muex tvjuk pawx yaq svpiq tix kuex nuimshiq rueq nuingx lvp shuinx rvmuq shex.

ISAIA 56:1

Yehowa rueq vpiq miqsaz muex jungx tueq, “Tsuingrux nuiyc vlvmz kuex nuimshiq rueq shuimx shuinz, ngaz kuex mtanc htvmx muq nuex nuimshiq kuex palc kaz phaungx.

JEREMIA 10:19

Yerusalem miqsaz htenc rueq, “Nuiyshiq kuex songhvlc vthuiuz vsac rvhumc vtix! Nuiyshiq vmac vtsac htenc kuex hvlx tuex rvmuq. Vkhoc rvhumc vtix murx kuex phvnx shishiz maq nanx lot shix ngoz tueq nuiyshiq rueq tvmaung vshix!

JEREMIA 14:7

Ngvy miqsaz rueq ngaz muex, ‘Nuiyshiq kuex nuiyshiq mvrax htenc rueq nyvnc ruiux doc muinz, Yehowa lex, mbomkhvmc httax yaq rulc rv-ngvlc nuiyshiq muex romc kuq koq. Nuiyshiq kuex mnoz kox wawc paunghvlc lauk shex kvroz wvnc tiq; nuiyshiq rueq mnoz muex yaq gay wuez tiq.

JEREMIA 51:10

Yehowa rueq, “Ngvy miqsaz htenc lex, ‘Naungshiq vlvmz rvtiq kuex Yehowa rueq tvkhic tueq. Yehowa naungshiq Tishox rueq yvmx lac ruez tvnx lvmz kuex Yerusalem nuex httax yaq miqsaz htenc muex jungx kaz wuez ix,’” ngoz tueq mramc shueq.

AJONJÜ 1:18

“Yuq muinz Yehowa kuex tsuingrux yaq, ngaz rueq vpiq kvjaz phvnx mauk rvtauk. Baung ruip saz nuex httax vtuinx miq htenc lex, ngvy kvjaz kuex tay shuinz; ngvy thuiuz vsac kuex lawc kuit. Ngvy yalxrox bix nuiyc yalxjuik rulx kuex vthuq wvnc rvhumc wuez tueq.

LEWI 26:41

ngvy thuinz tvkhvy ningkhvnc nuex tsuingshiq ralx nuk ghaq vraungx nuex tvkaz gay tauk kuex tsuingshiq kvjungc wuez tuex. Vtvsuip nuex tsuingshiq suiuz vsaz htenc thuinz tvyomz vtueq tsuingshiq vyaq mvrax nuiyc khawx lvlx wvnc tueq murx kuex rvhumc tuex nuex,

MALAKI 3:18

Mvnnuex jauz ngvy miqsaz htenc rueq tsuingrux jix waz nuiyc layx bac waz rvhumc wvnc tueq kuex rv-ngvlc muq lvmz muinz, ngaz muex nawk jix nuiyc nawk muq jix tsuingshiq rvhumc wvnc tueq kuex rv-ngvlc muq lvmz muinz, tuiuz wvnc wuez shuex,” ngoz tueq jungx tueq.

1 Corinthians 4:5

Kvkhoc rvtueq vkhing rvkhauk max httuiuc nuex ukhaq muex muinz nauk phox kuq kaz. Vtvsuip phoc kuy lvmx kuex Taungjix httuiuc kaz tuex nuex httuiuc laz bvmc juing rvtueq; vpiq rueq raungnyauk mungx nuex vhttuiyq taq lotlaz kuex kvmuinz, miqsaz thuinz vmungx nuex vhttuiyq taq kvmungx lvmx htenc muinz tvdung tvkhic shuex rvtueq. Kvkaq vshiz maq vshiz kuex miqmac aungx yaq rulc rv-ngvlc Tishox kox wawc tvtsvmc kvmc lvp wvnc wuez shuex.

2 Timothy 4:8

Majuiuc kuex Tishox rulc vtsuing vrux maq httaz jix muex kuq yaq lotlaungc khushec kuex ngvy tvkoc tvyoalc yoalx shex, vlvmx rvkhauk phoc jix waz phoc waz ngoz yaq Taungjix rueq kvruex khushec kuex khac phox shuex Raungnuiyq ngaz muex kuq phuex. Ngaz muex dvyx rvmuq, vpiq httuiuc kaz yek yaq kuex thuinz tvluimc bvmc jix htenc muex muinz kuq shuex rvtueq.

Revelation 18:20

Raungmungx miqsaz lex, kvruex ghaqyungx bac wvnc vtuex ningkhvnc nuex kokez wuez kuinz! Tishox miqsaz htenc, kamx waz bix htenc, shvmmax bix htenc kokez wuez kuinz! Yvmx khoc lac ngoz ruiux lec nuimshiq muex guirguenc kuy jix ghaqyungx kuex Tishox rueq phox kuq gay tueq! ngoz tueq jungc kuex ngaz rueq tay tauk.

1 SAMUEL 24:15

Yehowa rueq naungnueyc wawc ukhaq lac yaq tiq nguinx kuex htvp htaz mphox shueq. Vruex lvmz vpiq rueq lawc vtueq ngaz kuex tvkhup wungx kuq ruiux, m-yauk wawc muinz mpalc wvnc phueq,” ngoz tueq jungx tueq.

1 SAMUEL 25:39

Nabal thueyc kaz tueq thaungc Dawid rueq tay vtueq, “Yehowa kejux tvtsvmc vshaungx! Vpiq rueq ngaz muex shummarc laukkac ruec jix waz Nabal kuex phuiuq lvmz gay tueq nuiyc vyaq yauk shuimc tvdungc dvnc jix vpiq nvrc waz ngaz muex muinz tvwanc kuq phuex. Piq rueq layx bac shuimc ningkhvnc nuex Yehowa rueq Nabal muex murx tvgurc tueq,” ngoz tueq jungx tueq. Kvruex yimaq Dawid rueq Abigail kuex piq muex waungc kuy tvkoc tvwiz kaz tueq.

1 SAMUEL 26:10

Yehowa kuex vtvraungx httax yaq rulc rv-ngvlc Yehowa vpiq rueq Sholu kuex thvt gay shuex, rvmuq ngoz ruiux piq vkhing httuiuc ruiux yuq thueyc tuex, rvmuq ngoz ruiux ralx khvt nuex thueyc tuex.

1 SAMUEL 3:18

Kvkhoc rvtueq Samuel rueq yvmx muinz httuiyq puiuc muq maq piq muex phvnx ruip saz kuex jungx kuq tueq. Eli rueq, “Vpiq kuex Yehowa rvtueq; vpiq muex vhvlx pinhtumc kuex mruez shueq,” ngoz tueq jungx tueq.