Mikha 7:10 - Hawa Naga Bible 2001

¹⁰ Kvkaq, “Yehowa nuimshiq Tishox kuex m-yuq lac?” ngoz tueq ngoz ngax wiz yaq naungshiq ralx htenc rueq vruex kuex khiz vtueq yvlc svy rvhumc tuex, tsuingshiq kuex rul wvnc vtueq lvmx mungx wawc bok ikhoc nuiuz gay rvhumc yaq kuex naungshiq rueq khiz shix.

ASII LAKDAP Bible (BSI)

¹⁰ Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

Mikha 7:10 Referencias Cruzadas

2 SAMUEL 22:43

Bokkhuyx ikhoc yaungx laz juing ngaz rueq tsuingshiq kuex tvbunx jek gay tauk; lvmx laungx wawc bokbiq ikhoc tsuingshiq kuex nyet nuiuz gay tauk.

Tvtsvmc 109:29

Ngvy ralx htenc kuex yvlc svy rvhumc vtueq tuimc wvnc mrvhumc kueq; tsuingshiq rueq yvlc svy kuex khvy htumc ikhoc mkhelc svmx shueq.

Tvtsvmc 115:2

“Nuimshiq Tishox kuex m-yuq lac httax yaq nguinx?” Ngoz tueq miqphvnx htenc rueq nuiyshiq muex yvmx ngoz tueq lac wiz yaq nguinx?

Tvtsvmc 18:42

Ngaz rueq tsuingshiq kuex tvbunx jek gay tauk, tsuingshiq kuex raungguil nuex pvnc wvnc yaq bokkhuyx ikhoc yaungx wvnc wuez vtuex. Lvmx laungx wawc bokbiq ikhoc nuiuz nut gay tauk.

Tvtsvmc 35:26

Ngaz kuilc daz vtaungx kuex lawc tvtsuingc jix htenc tvsawc ric sumrumx wvnc vtueq nut gay mrvhumc kueq; tsuingshiq kuex ngvy htauk nuex vjvnc ngoz tueq kv-ngoc yaq jix htenc kuex yvlc svy rvhumc vtueq htvlx phawc mbac wvnc kueq.

Tvtsvmc 42:10

“M-Tishox kuex m-yuq lac,” ngoz tueq tsuingshiq rueq ngaz muex lauk wvruip ruip wisoz ningkhvnc nuex, tsuingshiq rueq shummarc yaq kuex ngaz pinhtumc thuinbac rvhumc vtaungx.

Tvtsvmc 42:3

Ngaz kuex raungnuiyq raungwvrx khoarc htuez rueq muik phic kuex phuiuz vsvy juing muex yaungx wvnc vtuex; ralx htenc rueq, “M-Tishox kuex m-yuq lac?” ngoz tueq vkhing ruip rawx ngaz muex wisoz yaq.

Tvtsvmc 58:10

Tsuingrux jix htenc rueq mvrax kop yaq jix htenc muex murx tvgurc yaq kuex khiz shuex yuq vkokez rvwuez tuex; tsuingshiq rueq layx bac jix htenc tvguiy kuex nuiuz vtueq lvy wvnc tuex.

Tvtsvmc 79:10

“M-Tishox kuex m-yuq lac?” ngoz tueq miqphvnx htenc rueq nuiyshiq muex yvmx ngoz tueq lac kvkhoc wiz yaq nguinx? Mnvrc waz hez tvguiy ruiuc gay jix miqphvnx htenc muex mnoz rueq murx tvgurc shuiux kuex nuiyshiq muex tvkhic koq.

Tvtsvmc 92:12

Tsuingrux jix miqsaz htenc kuex tvmuix jungx htenc ikhoc wuiljuit wuiljaungx yungx luz wvnc tuex; Lebanon wawc namenc pulx htenc ikhoc yungx luz wvnc tuex.

ISAIA 26:11

Mnoz rueq mralx hez muex murx tvgurc shuiux lvmz kuex tsuingshiq rueq tuiuz wuez muq. Yehowa lex, tsuingshiq kuex tvyvlc sac vtueq kuilc daz tvrvhumc shuiuz; mnoz rueq tvhungx toq murx kuex tsuingshiq muex tvgurc shuiuz. Mmiqsaz muex mnoz rueq mtanc lac lungwawx vshuiux lvmz kuex tsuingshiq muex tvkhic shuiuz.

ISAIA 41:25

“Ngaz rueq shaldungc kox nuex httax yaq miq washiz kuex thvl taq tauk; Ngaz rueq piq kuex ghaqkhux kox maq khvt tvkoc shvlx laq shaungx. Tuik lauz jix waz rueq gvmlawx kuex yaz maq nuiuz yaq ikhoc, piq rueq mungx walaungx bix kuex gvmlawx ghaq ikhoc nuiuz gay shuex.

JEREMIA 49:15

Yehowa rueq mhungc mlaungc kuex tvnulx gay ruiux, uraq muinz mnoz muex tvtsanc nganc shuex rvmuq.

JEREMIA 51:24

Yehowa rueq, “Babelon mungx nuiyc kvwawc mungx miqsaz htenc kuex Yerusalem lex tsuingshiq rueq shuimx wvnc tueq layx vbac phvnx lotlaz tvkoc ngaz rueq phuiuq lvmz shaungx kuex nuimshiq rueq khiz shuinx.

JEREMIA 51:51

Nuimshiq rueq, ‘Shomc Yuimx mungx wawc vsawc baung htenc kuex pungnuk miqsaz muex tvlvp gay tiq ningkhvnc nuex, naungshiq kuex muingc bac vtueq yvlc svy rvhumc vtix,’ ngoz tueq ngoz vshuinx.

EJEKIEL 7:18

Tsuingshiq kuex ruiyhec khvy svmx wuez vtueq lotlaz kv-khuirc wuez tuex. Tsuingshiq khux htenc kuex sulx gay ruiux, tsuingshiq lotlaz yvlc svy rvhumc tuex.

DANIEL 3:15

Majuiuc nuimhez rueq bolic, lawx pawz, toloz, kitaz, torox nuiyc vganc phvnx vtuimc vtvlc juing lotlaz tuimc tvruingc kuex tay shuinx rulc rv-ngvlc vyac yuimx kuex tuk nguk bumx vtueq nawk palx wuez rax. Mkhoc shoc maq nawk muit ngoz ruiux kuex, wvrluic mungx nuex lvmx lvy tuip gay rvhumc wuez tuinx. Nuimhez tvguing lot jix vganc tishox httax yaq ikhoc haz tvmaung vshuinx?” ngoz tueq.

Yoel 2:17

Shomrawx nuiyc Shomc Yuimx kaluix hvlwvl nuex Yehowa muex shuimx kuq yaq shomc waz bix muinz, vkhoarc raz tueq vkhoc vjux thoz shuex: “Yehowa lex mmiqsaz htenc muex menjenc shuiuz. Vganc miqphvnx htenc rueq ‘Nuimshiq Tishox kuex m-yuq lac?’ ngoz vtueq nuiyshiq kuex tvshumc marc vtueq nauk tvnuey kuic vkueq.”

Obadia 1:10

“Mphuz mnox hez rvtueq Yaku suiuz vsaz phvnx htenc kuex mnoz rueq yauk laungc yalawx ruez vtueq thvt gay toq ningkhvnc nuex, mnoz kuex tvbac gay rvhumc ruiux pattup muingc bac rvhumc tuiux.

Obadia 1:12

Yuda mungx wawc mphuz mnox hez kamc vbac rvhumc yaq kvmac mnoz rueq raungc raq lawc mvy muq. Tsuingshiq batac wvnc rvhumc tueq raungnuiyq mnoz rueq kokez lawc mvy muq. Tsuingshiq jamjaux kuilc daz rvhumc yaq nuex mnoz rueq tsuingshiq muex nueykuic mvy muq.

Mikha 4:11

Miq phvnx paunghvlc rueq mnoz khvt tvkoc rvtuimx wuez yaq. Tsuingshiq rueq, “Yerusalem kuex tvbac gay rax! Vruex ghaqyungx bac kay kuex naungshiq rueq khiz wuez shix!” ngoz tueq jungx wuez yaq.

Mikha 7:8

Naungshiq ralx hez rueq naungshiq htauk nuex lawc vtueq shuenruenc juing lvmx yvmx muinz vguez. Naungshiq rul wvnc tiq, yuq muinz kvtenc yek tiq. Majuiuc naungshiq raungnyauk mungx nuex httax vtix, yuq muinz Yehowa rueq naungshiq muex raungwuic kuq phuex.

JEPHANIA 3:15

Yehowa rueq nuimshiq murx htenc kuex tvhtumx gay ruiux; nuimshiq ralx lotlaz lvmz gay shuex. Yehowa Israel hokhvmx kuex nuimshiq rulc vdvmz httax yaq; kvruex yuq majuiuc vmaq kvhiz juing yvmx muinz vguez shex.

JEKERIA 10:5

Yuda miqsaz htenc rueq lvmx laungx wawc bokbiq kvyuq ralx htenc kuex nyet nuiuz gay jix nolaungx bix rueq ikhoc khvt taungx gay shuex. Yehowa kuex tsuingshiq rulc vdvmz ningkhvnc nuex tsuingshiq rueq khvt vtueq, mvre nuex ngaungc jix ralx shvrvyx bix kuex khvt taungx gay shuex.

MALAKI 1:5

Israel miqsaz rueq kvkhoc yaungx wvnc tueq htenc kuex tsuingshiq muik maq khiz wvnc wuez vtueq, tsuingshiq rueq, “Yehowa kuex Israel mungtan phic vphaungx nuex httuiuc laz hungc vlaungc httax yaq!” ngoz tueq jungx wuez shuex.

MALAKI 4:3

Ngaz rueq shuimx shaungx raungnuiyq, nuimshiq rueq layx bac jix kuex puingc wvnc ruiux, tsuingshiq muinz nuimshiq yaz phac khung wawc bokkhuyx ikhoc yaungx wvnc wuez tuex.

Matthew 27:43

Vpiq kuex Tishox muex tvluimc vtueq, ‘Ngaz kuex Tishox Saz rvtauk,’ ngoz tueq. Rvtueq, kvkhoc ngoz ruiux Tishox rueq vpiq kuex palc wvnc roc shuex haz, naungshiq rueq lawc ix!” ngoz wuez tueq.

JOSHUA 7:9

Kanaan miqsaz nuiyc vruex mungx wawc miq lotlaz rueq tay wuez yaq. Kvkaq tsuingshiq rueq nuiyshiq kuex tuimx kaz ruiux miq pumz tek vtueq thvt gay phuex! Kvkaq mnoz ngauz vngax kuex tvguing tvkoc mnoz rueq mkhoc lac ruez shuiux?” ngoz tueq tvtay jungx tueq.

Revelation 18:20

Raungmungx miqsaz lex, kvruex ghaqyungx bac wvnc vtuex ningkhvnc nuex kokez wuez kuinz! Tishox miqsaz htenc, kamx waz bix htenc, shvmmax bix htenc kokez wuez kuinz! Yvmx khoc lac ngoz ruiux lec nuimshiq muex guirguenc kuy jix ghaqyungx kuex Tishox rueq phox kuq gay tueq! ngoz tueq jungc kuex ngaz rueq tay tauk.