Mikha 7:8 - Hawa Naga Bible 2001

⁸ Naungshiq ralx hez rueq naungshiq htauk nuex lawc vtueq shuenruenc juing lvmx yvmx muinz vguez. Naungshiq rul wvnc tiq, yuq muinz kvtenc yek tiq. Majuiuc naungshiq raungnyauk mungx nuex httax vtix, yuq muinz Yehowa rueq naungshiq muex raungwuic kuq phuex.

ASII LAKDAP Bible (BSI)

⁸ Najaqtinok chochi raichang lamluka ahü. Tengto, nashiq ka thenkaishe. Shatmaq achapali mirwan i. Nashiq ka ümchaü ranyaq mong na. Shatmaq Tatiwe raq nashiq ma wa mitiinii kuq nong.

Mikha 7:8 Referencias Cruzadas

YOBA 31:29

Ngvy ralx htenc kuex kuilc daz rvhumc tueq nuex, ngaz kuex mkaq muinz kokez tauk rvmuq, tsuingshiq kuilc daz jamjaux rvhumc tueq nuex ngaz rueq mkaq muinz raungc raq vshaungx rvmuq.

Tvtsvmc 112:4

Menjenc thuinz httax ruiux lungwawc thuinz mvrc vtueq tvrac vlvmz httax yaq vhvlx miqsaz htenc tvkoc, raungwuic rueq raungx nyauk kuex tvwuic kuq yaq.

Tvtsvmc 143:3

Ngvy ralx rueq ngaz kuex yurc vtueq lauz wvnc vphuex, ngaz kuex tvsawc ric ruez vtueq taungx gay phuex. Piq rueq ngaz kuex nyauk hvlc baung nuex shuiuz gay vtueq, mvnnuex jauz vthueyc wvnc jix hez ikhoc ngaz yaungx vtaungx.

Tvtsvmc 20:8

Tsuingshiq kuex kvhtuip vtueq rul wvnc wuez tuex, yuq muinz naungshiq kuex kvtenc vtueq phaungx duingduing jvp vtix.

Tvtsvmc 27:1

Yehowa kuex ngvy raungwuic nuiyc ngvy palc jix waz rvtueq; ukhaq muex muinz ngaz hiz mauk. Yehowa rueq kvhiz juing lotlaz wawc ngaz kuex tvkhup wungx kuq phuex; ngaz kuex mkaq muinz hiz mauk.

Tvtsvmc 35:19

Vrot vkaq jix ngvy ralx hez rueq ngaz kuex taungx gay ning-khvnc nuex nauk tvshomc parc kaz. Khuec guez lvmx guez ngaz muex shuiuc pac jix htenc ngaz yonzyex vtaungx kuex khiz vtueq, rvhumc phauk yaq nyix, ngoz tueq nauk tvshuenc ruenc kaz.

Tvtsvmc 37:21

Layx bac jix rueq hup vsvmx shap ruiux mkaq muinz yez kuq yaq rvmuq, yuq muinz vhvlx miqsaz jix rueq piq yauk noalc vphungc vphawx kuq yaq.

Tvtsvmc 37:24

Tsuingshiq rul wvnc ruiux muinz, woalc hvt rvtuex rvmuq, yvmx khoc lac ngoz ruiux lec Yehowa rueq tsuingshiq kuex tvjvp romc kuq shuex.

Tvtsvmc 38:16

Ngvy ralx htenc ngaz kuilc daz vtaungx lvmz nuex nauk tvkokez kaz; ngaz rul wvnc vtaungx lvmz kvmac muinz tsuingshiq kuex nauk tvshomc parc kaz.

Tvtsvmc 84:11

Yehowa kuex naungshiq muex tvkhup wungx kuy jix ngauz vngax yunghvlc hokhvmx rvtueq, menjenc thuinz maq tvtsanc nganc vtueq naungshiq muex ruimruimx kuq yaq. Vpiq rueq vlvmx yauk shuimc jix htenc muex vhvlx phvnx kuy tvkoc tvdux gay yaq rvmuq.

Tvtsvmc 97:11

Tsuingrux jix htenc tvkoc raungx tvwuic kuq ruiux, vhvlx jix htenc htauk nuex vkoz vkez juing lvmx taq kuq tueq.

ISAIA 2:5

Majuiuc, Yaku suiuz vsaz htenc lex, Yehowa rueq naungshiq muex kuq yaq raungwuic nuex khuemx wuez ix!

ISAIA 49:9

Ngaz rueq khoktep miqsaz htenc kuex, ‘Vroroc kaz wvnc kuinz!’ ngoz shaungx, vnyauk mungx nuex httaz jix hez muex, ‘Vwuic nuex dung kaz wuez luit!’ ngoz tueq ngoz shaungx. Tsuingshiq kuex kankhux htenc nuex guilc yaq khelbuenx ikhoc rvtuex;

ISAIA 50:10

Yehowa muex tvtsanc nganc jix nuimshiq lotlaz kuex vpiq nvrc waz kvjaz kuex tay phvnx wuez yaq, mnoz khuemc juing kuex nyauk duk yaungx ruiux yaungx tuex, yuq muinz Yehowa muex kvmx kuiuz, m-Tishox nuex kvnvp rvwak kuiuz.

ISAIA 9:2

Raungnyauk nuex khuemc jix miq htenc rueq raungwuic yunghvlc khiz yaq. Tsuingshiq kuex wulumx mungx nuex httax wvnc tueq, yuq muinz majuiuc raungwuic kuex tsuingshiq htauk nuex wuix yaq.

JEREMIA 48:27

Moba lex, mnoz rueq Israel miqsaz kuex mkhoc lac shummarc wvnc tonx kuex tvtsuingc vshuiux haz? Tsuingshiq kuex yauk laungc yalawx dakuc kung rueq lvp gay tueq ikhoc mnoz rueq tsuingshiq kuex ruez wvnc toq.

JEREMIA 50:11

Yehowa rueq, “Babelon miqsaz lex, nuimshiq rueq ngvy mungtan kuex nyvlc wvnc tuit. Nuimshiq kuex tsvmz nuiuz yaq manx kuiux, rvmuq ngoz ruiux vbex rvyaq mvre ikhoc kokez vtueq kvroz khuemx wuez vtuinx,

JEREMIA 8:4

Yehowa rueq vpiq miqsaz htenc muex jungc tvkoc ngaz muex jungx phuex, “Miq vshiz shiz kuex rul kaz ruiux yuq piq kvtenc lot muq shex haz? Miq vshiz shiz kuex lvmx tvyaq ruiux yuq piq yek waung muq shex haz?

EJEKIEL 25:6

“Vruex kuex Johvlc Yehowa rueq jungx yaq kvjaz rvtueq: mnoz kuex yauk phac tuimz vtueq kokez dauk dat vtuiux. Mnoz rueq Israel mungx kuex tvshuy shac toq.

EJEKIEL 36:5

“Ngaz, Johvlc Yehowa rueq tvroz wawc miqphvnx htenc nuiyc Edom htauk nuex ngvy thuinkhvy phuk vtueq jungx vshaungx. Tsuingshiq rueq ngvy mungtan kuex vkoz vkez maq muinz, wvlc guez tvyaungc thuinz maq muinz, guimz wvnc vtueq kvruex mungx wawc ngac remc juing kuex lvp wvnc wuez tueq.

AMO LUIK DVP (AMOS) 9:11

Yehowa rueq, “Ngaz rueq kvhttak wvnc tueq yuimx vshiz ikhoc yaungx yaq Dawid mungtan kuex tvjvp guirx yek shaungx raungnuiyq httuiuc wvnc tuex. Ngaz rueq kvruex palx ruk htenc kuex tvhvlc yek ruiux kvruex guirx yek shaungx. Ngaz rueq kvruex tvhvlc guirx yek ruiux mvnnuex wawc ikhoc tec yek shaungx.

Obadia 1:12

Yuda mungx wawc mphuz mnox hez kamc vbac rvhumc yaq kvmac mnoz rueq raungc raq lawc mvy muq. Tsuingshiq batac wvnc rvhumc tueq raungnuiyq mnoz rueq kokez lawc mvy muq. Tsuingshiq jamjaux kuilc daz rvhumc yaq nuex mnoz rueq tsuingshiq muex nueykuic mvy muq.

Mikha 4:10

Yerusalem miqsaz lex, wuic khic thuiuz yaq nyuiuz ikhoc nox jawc tvkoc kvruip rux phoal kuinz, yvmx khoc lac ngoz ruiux lec mnoz kuex vruex ghaqyungx maq kaz wvnc vtueq ghaqsawc htungx nuex httaz kaz tuiux rvtueq. Mnoz kuex Babelon mungx nuex httuiuc laz kaz wvnc tuiux, yuq muinz Yehowa rueq mnoz kuex kvruex baung mralx hez kox wawc palc wvnc kv-phux.

Mikha 7:10

Kvkaq, “Yehowa nuimshiq Tishox kuex m-yuq lac?” ngoz tueq ngoz ngax wiz yaq naungshiq ralx htenc rueq vruex kuex khiz vtueq yvlc svy rvhumc tuex, tsuingshiq kuex rul wvnc vtueq lvmx mungx wawc bok ikhoc nuiuz gay rvhumc yaq kuex naungshiq rueq khiz shix.

JEKERIA 12:8

Kvkaq Yehowa rueq Yerusalem nuex httax yaq htenc kuex tvkhup wungx shuex, tsuinghez wawc hungc vlaungc vnulx jix waz doc muinz Dawid ikhoc hungc vlaungc vhttax waz muex yaungx wvnc tuex. Dawid suiuz vsaz phvnx kuex Yehowa raungkamx ikhoc, Tishox vpiq pumz ikhoc tsuingshiq muex lvmx shvlx shuex.

MALAKI 4:2

Yuq muinz ngvy kvjaz tay jix nuimshiq tvkoc palc daungc wvnc lot yaq ngvy luimc vkawc kuex nuimshiq htauk nuex shalx ikhoc dung wvnc vtueq, shalx kawc ikhoc tvhvlc tv-phenz lvmx dung wvnc tuex. Nuimshiq kuex ruk mungx wawc daz gay rvhumc tueq manx sahez dawk dat yaq ikhoc kokez dung wvnc wuez tuinx.

Matthew 4:16

Raungnyauk mungx nuex httaz jix miqsaz htenc rueq, Raungwuic yunghvlc khiz lvp shuex. Wulumx mungx nuiyc kvruex raungnyauk khung nuex httax wuez yaq jix htenc htauk nuex raungwuic lez dung wvnc tuex,” ngoz tueq jungx tueq.

John 16:20

Ngaz rueq nuimshiq muex vsuing jungx kuq ix, nuimshiq kuex vkhoarc vnyerc vyonz vyec rvhumc tuinx, yuq muinz mungkawx miqsaz htenc kuex vkokez rvwuez tuex; nuimshiq yonzyec rvhumc tuinx, yuq muinz nuimshiq yonzyec tuinx kuex vkoz vkez juing muex yaungx wvnc tuex.

John 8:12

Yesu rueq Pharise nuk muex jungx yek tueq kuex, “Ngaz kuex mungkawx raungwuic rvtauk. Ngvy yix phvnc jix waz kuex rullungx raungwuic lvp wvnc vtueq mkaq muinz raungnyauk nuex khuemx tuex rvmuq,” ngoz tueq.

Acts 26:18

Mnoz rueq Pungnuk miqsaz htenc muik kuex tvkalc kuy rax, tsuingshiq kuex raungnyauk wawc raungwuic nuex tvhttuiuc kuq ruiux, Satan yauk mungx wawc Tishox kox nuex tvyenc wvnc shuiux. Tsuingshiq kuex ngaz muex kvmluimx ningkhvnc nuex mvrax dawc kuy rvhumc vtueq, Tishox rueq vthvl taq miqsaz muex yaungx wvnc tuex,’ ngoz tueq jungx phuex.

2 Corinthians 4:6

Christu htvlx phawc nuex phelez wuix yaq ngauz vngax lvmz kuex tuiuz wvnc tvkoc naungshiq thuinz vmungx nuex raungwuic tvwuic kuy jix Tishox kuex, “Raungnyauk mungx wawc raungwuic dung wvnc tuex,” ngoz tueq jungc jix Tishox rvtueq.

2 Corinthians 4:9

Naungshiq ralx paunghvlc httax yaq, yuq muinz kungjix vguez mkaq muinz httax miq doc; lauk shishiz thuiuz hvlc rvhumc vtix, yuq muinz tvbac gay rvhumc vtix rvmuq.

Revelation 21:23

Kvruex ghaqyungx kuex tv-phez lez tvkoc shalx nuiyc yapix kuex rac muq shex, yvmx khoc lac ngoz ruiux lec Tishox ngauz vngax rueq kvruex ghaqyungx kuex tv-phez lez ruiux, Khelbuenx Saz kuex wvrkok rvtueq.

Revelation 22:5

Kvruex ghaqyungx kvyuq raungnyauk ngoz tueq muinz vguez shex, wvrkok luic muinz, shalx kawc muinz tsuingshiq muex rax muq shex, yvmx khoc lac ngoz ruiux lec Taungjix Tishox rueq tsuingshiq muex tvwuic kuq shuex, kvdvyx muinz rvmuq, tsuingshiq kuex hokhvmx yaungx vtueq pattup guimz wuez shuex.