Mikha 7:8 - ASII LAKDAP Bible (BSI)

⁸ Najaqtinok chochi raichang lamluka ahü. Tengto, nashiq ka thenkaishe. Shatmaq achapali mirwan i. Nashiq ka ümchaü ranyaq mong na. Shatmaq Tatiwe raq nashiq ma wa mitiinii kuq nong.

Hawa Naga Bible 2001

⁸ Naungshiq ralx hez rueq naungshiq htauk nuex lawc vtueq shuenruenc juing lvmx yvmx muinz vguez. Naungshiq rul wvnc tiq, yuq muinz kvtenc yek tiq. Majuiuc naungshiq raungnyauk mungx nuex httax vtix, yuq muinz Yehowa rueq naungshiq muex raungwuic kuq phuex.

Mikha 7:8 Referencias Cruzadas

YOBA 31:29

Ijaqtinok chamchao chhi lata ngi ümtiikiimin chochi wan mang, riimakla tsangshiq ka tsaiqmiq khusiq chamchao tlaq kra chhi lata khoqriiq wan mang;

Tvtsvmc 112:4

Kechu maiqse miika ranyaq mong miimin rawüli asi miraq; jurwa tiihang kuqtlaq, mangchantlaq kiimaq tingting klotima.

Tvtsvmc 143:3

Ijaqtiwe raq ngi ka longto raüta ngi ka tiinamtok tangto. Apaiq raq ngi ka ranyaq tangtang phaqtek mong na shaqbaiqto, ngi ka maiq rathup niiphü atsaikaikun she kong ikha.

Tvtsvmc 20:8

Akhnok maiqse ka atiithap rai raüta mikü rai, shatmaq nashiq ka chap rang laita tiime mai maq mikhat rong i.

Tvtsvmc 27:1

Tatiwe ka ngi ma rawü li, kiimaq ngi tiichhiiti; ngi ka jumiimin hai mang. Tatiwe raq ngi ka ahaisong chang tlotli wa tiiwongtlo; Ngi ka ümtiikiimin haimang.

Tvtsvmc 35:19

Ijaqtinok ma, arot kong ma, ngi ka tang raüjaq nguta doqdit raütlaqti ma ngi ka naq tiitangkiq. Kha ahü na ngi ngengti ma ngi kaidi kra chhi raüta biiraito she nguta naq tiinaisiqkiq

Tvtsvmc 37:21

Abiwe raq kampho namtlo shatmaq ümtiikiimin thamkuq mak she, shatmaq kechu maiqse riika jaq achii maq phongtsoktsok kongphiq kuqtlo.

Tvtsvmc 37:24

Tsangshiq ka kürai raümin, hiq na tiibumhap ka kümak, jamkhano ngukla Tatiwe raq tsangshiq ka khrum raüta mitiichap nong.

Tvtsvmc 38:16

Ijaqtinok ka ngi chamchao chhi raüta naq tiiwiinumsiqkiq; ngi dea wan kra chhi raüta tsangshiq ka naq tiihonglakiq!

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

Tvtsvmc 97:11

Kechu maiqse ma rawüli saütlo, kiimaq maiqshaqtibi ma khoqriiq shishiiq kuqtlo.

ISAIA 2:5

Riita ümchaü sanha, Jakob saüsetiim lei, Tati raq nashiq ma rawüli tli kuq tlaq kra phan phan shongnga laita sirong i!

ISAIA 49:9

Ngi raq phaqtek mong na siti ma minguha, ‘Wase she wawan laq!’ kiimaq maiq ranyaq mong na sitibi ma minguha, ‘Rawii na dongho ronglaq!’ Tsangshiq ka skusekong kin thun na atsamphaq haitlaq ikha miraq.

ISAIA 50:10

Namshiq tarü jurwa Tatiwe shrengtlan, kiimaq ajaqshi se bom tailanta sitlan; namshiq khumchang lam niika ranyaq min mirsham; Shatmaq Tatiwe miili kam ronglaq, nam Shiikeawe dü niili tiinin ronglaq.

ISAIA 9:2

Ranyaq nyang na shongtinok raq, rawüli jonghea she chhi wanto. Tsangshiq ka ranyam biibangbang hiq na sito, shatmaq ümchaü tsangshiq ma rawü liliimtlo.

JEREMIA 48:27

Mob lei, ümtsan na tiitsang laq, ümniiraq Israilnok ka jamkho naiküsiq laü ira? Ümniiraq tsangshiq ka thiimeaq kong rai alap wan ikha haihii laü ihata.

JEREMIA 50:11

Tatiwe raq ngutlo, “Bebilon mungti lei, namshiq raq imung ka wiita thüm wan lan. Namshiq ka minsaü kaü raq tsam khaoliim nilam maq chochikhiq tiikitlaq ikha, riimakla kumrang pongwe raq akaü chhi raü jaq nairai tlaq ikha naitlan.

JEREMIA 8:4

Tatiwe raq ngi ma asenginok ma akha chonglaq ngut thaüto, “Maiq ashi ra ka tiithap raüta kürai haü jaq, apaiq ka atiido mirwa riimak shea? Kiimaq maiq ashi ra raq lam ka tiichhe raüla, jai na ajang riiwatlo riimak shea?

EJEKIEL 25:6

“Tati Rakaü Hiqwe raq akha ngutlo: Ümniika ümjaq phi ka phok laüta adoqhaha chojong chise chochisiq laü. Ümniiraq Israil mung ka thophi riiqphi saisi laü.

EJEKIEL 35:15

Kriika itachong isengi Israilnok thenkai chhi laüta, ümniika ümtin khan wa chochi laü, kra niq riri siihali, mangjong maiqse kiimin ümnaq thenkai kra chhi raüta michochi. Tengteng, Seir wang wa pum thun kra kiimaq Edom mung ka tlotli hiqmiq changkhü miishe mitiijabaiq. Kiijiishetiq, maiq wiitarü raq, Ngi ardea Tatiwe nguta misap.”

EJEKIEL 36:5

“Ngi, Tati Rakaü Hiqwe raq, I tsankhiq walü henghea kha maq atro na siti maiq mung thun ma, akhek atsidada ka Edom mung khuthaq na ikiq tiidea tiikang. Tsangshiq raq rongtsai wijea lam maq kiimaq shummii shaq shaq, tsangshiq raq ihiqshong irahai ka jiiwanto. Raüta kra mung wa nyamse rümchang bin ajii thun kra jiiwanto.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

Obadia 1:12

Namshiq raq süram rai man chang wa, Ümphunonok Juda mungti thenjen wantaq kra chhi lanta, chochi wan man chang chochi wan lan, namshiq khoqriiq man chang chochi dam lan, Tsangshiq then wan chhilanta, namshiq ka naisiq man chang wa,

Mikha 4:10

O Jerusalem lei, akap atsea phetrang rong laq. Jechakre ase chiitsi na phetrangtlaq ikha. Ümchaü namshiq raq chela ka abaiqthü chang miraq, Lanta hiqsii thung na sichang miraq, Namshiq ka Bebilon na wawan chang she miraq, Shatmaq kiijaq rewe jaqkhon mong wa Tatiwe raq namshiq mitiichhii kuq.

Mikha 7:10

Kra akhing na najaqtinok, nashiq nangnga, “Nam Tati Shiikeawe ka, ümbano?” nguta slaiti raq, nashiq tiichhii wan ka michhi. Raüta tsangshiq jea mingaü. Nashiq raq tsangshiq ka, re raq atang wan wishe, lam na boq jimaq nibaiq tlaq ikha michhi rong i.

JEKERIA 12:8

Kra akhing na Tatiwe raq Jerusalem na siti ka wiita apaiq raq mikhup wongkuq. Krai mren, tsangshiq phong wa wepuq pusutwe kra dongdii min, Dawit ikha mija wan. Kiimaq Dawit saüsetiim raq tsangshiq mung ka Tatiwe rase ikha, Shiikeawe apaiq ikha, senaino mungmaiqse ka mipeng wan.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 4:16

Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”

John 16:20

Ngi raq namshiq ma chongtiikang arka tengteng: Namshiq ka maaho maanyi she mirhan. Shatmaq, mangjong maiqse ka chojong chise miraq. Namshiq ka tsanbi taqtaq mirhan. Shatmaq, namshiq tsanbi hosi ka chojong chise na mitiiwiiq wan.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

2 Corinthians 4:9

Naishiq ma wesang ralii jawanti maiq ka pahea dongtlo. Shatmaq naishiq ma khi alu kiimin pahea hum wan ruq li sitiikai. Kiimaq jangshi shi ka naishiq ma tsanbi taqtaq, maiq raq tiitsü ngii tlo. Shatmaq naishiq lang ka Shiikeawe raq tiipit mak phan.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.

Revelation 22:5

Kiijiika ranyaq mak she miraq. Kiimaq tsangshiq ma piijongteng lo, rashe kii lo kiimin raa mak she miraq. Jamkhano ngukla, Tati Shiikeawe kli she tsangshiq ma rawüli miraq. Kiimaq tsangshiq ka hokham ma jaraüta, pattup pat-sa mung she misiq wan dam.