Mikha 3:12 - Hawa Naga Bible 2001

¹² Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

ASII LAKDAP Bible (BSI)

¹² Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

Mikha 3:12 Referencias Cruzadas

Tvtsvmc 107:34

Kvruex mungtan nuex httax yaq layx bac ningkhvnc nuex vpiq rueq ghaq vbur htenc kuex shumz ghaq muex tvyaungc gay tueq.

Tvtsvmc 79:1

O Tishox lex, mungganc jix miqsaz htenc m-ghaq mraungx kuex nyuip khvt wuez yaq. Mnoz vsawc Shomc Yuimx kuex tsuingshiq rueq tvshuy shac wvnc vshuex, Yerusalem ghaqyungx muinz httak tvbac wvnc vshuex.

ISAIA 32:14

Hokhvmx hoc kuex gay shec rvhumc tuex, ghaqnyuiuz jungx kuex kuiyqshuik kuiyq khvmx yaungx wvnc tuex. Yuimx htenc nuiyc tsuingshiq muex tvkhup wungx kuq yaq nolaungx ghaqshungc htenc pattup bac wvnc tuex. Kvyuq loze vtsvy htenc guilc vtueq, khelbuenx htenc rueq wvsvy juing baung humc shuex.

JEREMIA 22:5

Yuq muinz mnoz kuex ngaz rueq nvr phaungx tay muq ngoz ruiux yuq, vruex hoc kuex bac wvnc tuex ngoz tueq ngaz rueq mnoz muex tuemc kuq vphaungx. Ngaz, Yehowa rueq jungx vshaungx.

JEREMIA 22:6

“Ngvy tvkoc, Yuda hokhvmx hoc kuex Gilead mungx nuiyc Lebanon kanx htenc ikhoc svp yaq; yuq muinz ngaz rueq ukhaq muinz httax muq ghaqkuiyq ghaqkhvmx baung muex tvyaungc shaungx.

JEREMIA 26:18

“Yuda hokhvmx Hezekia hokhvmx yaungx tueq nuex, Moreshet ghaq jix shvmmax Mika rueq miq lotlaz muex Tvphaungc Tvsuip Yehowa rueq jungx tueq, ‘Zion kuex nax htuz gay shix ikhoc htuz gay shuex; Yerusalem kuex lung phungc yaungx wvnc tuex, Shomc Yuimx ghaq luimx kuex luingx vlak muex yaungx wvnc tuex,’ ngoz tueq jungx tueq.

JEREMIA 35:17

Majuiuc ngaz, Tvphaungc Tvsuip Yehowa, Israel Tishox rueq bomkhvmc taq tauk rulc rv-ngvlc thuimkux kuex Yuda miqsaz htenc nuiyc Yerusalem ghaq jix lotlaz htauk nuex tv-httuiuc kuq shaungx. Ngaz rueq nuimshiq muex jungx phaungx tueq, nuimshiq rueq ngvy kvjaz tay muit, ngaz rueq nuimshiq gvl phaungx tueq, nuimshiq rueq tvralc muit ningkhvnc nuex ngaz rueq vruex tvyaungc shaungx,” ngoz tueq.

JEREMIA 44:2

Tvphaungc Tvsuip Yehowa Israel Tishox rueq, “Yerusalem nuiyc Yuda mungx wawc vganc ghaqyungx htenc lotlaz htauk nuex ngaz rueq tvhttuiuc kuq tauk tvbac gay kuex nuimshiq rueq khiz tuit shex. Majuiuc doc muinz kvruex htenc kuex bac ruq dvyx, ukhaq muinz kvyuq httax yaq rvmuq,

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

JEREMIA 9:10

Ngaz rueq, “Kuz vkanx htenc tvkoc ngaz yonzyex taungx nyvmx saz remc juing tvkoc khoar taungx, yvmx khoc lac ngoz ruiux lec kvruex kuex httuiz rawk wvnc tueq, washiz muinz kvmaq lvy khuemx muq. Suiux vmanx kung tvruingc muinz tay muq shex; wushawx htenc nuiyc ngvmx saz svl vwvl htenc muinz yuz wvnc wuez vtuex,” ngoz tueq jungx tueq.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

AJONJÜ 5:18

Zion Kanx kuex miq vguez ghaq kuiyq ghaqkhvmx ningkhvnc nuex, yaruix guyhex htenc kuex bac wvnc tueq baung kvyuq khuemx shamx wuez yaq,

Mikha 1:6

Kvkhoc rvtueq Yehowa rueq, “Samaria kuex tvsawc ric tvbac httak gay ruiux svpiq sunc tvhungx juing baung muex tvyaungc gay shaungx. Kvruex wawc ghaqlung phuinz vphux htenc kuex warc tvnx nuex ruiuc gay ruiux ghaqyungx vjungx tvjvp lung htenc kuex sawc ric kawk gay shaungx.

Matthew 24:2

Vpiq rueq tsuinghez muex, “Rvtueq, vruex yuimx htenc lotlaz kuex nuimshiq rueq khiz vshuinx. Ngaz rueq nuimshiq muex vsuing jungx kuq ix, vruex yuimx htenc kuex lung poshiz htauk nuex poshiz kvdaungc muq nuex httuiuc laz kvhttak bac wvnc tuex,” ngoz tueq jungx tueq.