Mikha 3:11 - Hawa Naga Bible 2001

¹¹ Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.

ASII LAKDAP Bible (BSI)

¹¹ Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 3:11 Referencias Cruzadas

TAKSU LAK 17:23

Honc vbac phoc waz rueq khauloayc yauk noalc kuex lvmz yaq, kvkhoc rvtueq tvrac vlvmz yauk shuimc shuimx muq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 48:2

Yuq muinz nuimshiq kuex vsawc ghaqyungx miqsaz ngoz tueq kv-ngoc kvjungc ruiux Israel Tishox ngoz tueq muingc yaq Tvphaungc Tvsuip Yehowa nuex kvwungx kvguing vtix ngoz tueq muinz kvsomc parc jungx vshuiux.

ISAIA 5:23

Yuq muinz khauloayc yauk noalc ningkhvnc nuex mvrax vhttax jix doc muinz mnoz rueq tvdung gay toq, mvrax vguez jix muex tvrac vlvmz maq phox kuq muit.

ISAIA 56:11

Tsuingshiq kuex saq ruiux muinz hungx muq rvnphvnx yaq guyhex ikhoc rvtueq. Tsuingshiq kuex vtuiuz vtay vguez walaungx bix rvtueq. Miqmac rueq shuimx ruingx raz tueq miqmac laung dvyx thuiyx wuez yaq.

JEREMIA 23:17

Tsuingshiq rueq ngvy kvjaz tay muq tvlvlc yaq jix miq htenc muex, tsuingshiq rulc vdvmz nuex khuemx shamx naungx ruiux yuq, lvmx ruip saz nuex hvlx wvnc tuex ngoz tueq jungx wuez yaq. Kvkhoc khux tvtsanc jix lotlaz htauk nuex thuimkux kuex httuiuc tuex rvmuq, ngoz tueq tsuingshiq rueq jungphvnx wuez yaq,” ngoz tueq.

JEREMIA 26:7

Shomc waz bix, shvmmax bix nuiyc miq lotlaz rueq Shomc Yuimx nuex ngaz rueq jungphvnx tauk kvruex lvmx htenc kuex tay wuez tueq,

JEREMIA 5:12

Yehowa vpiq miqsaz rueq vpiq kuex khawx vtueq, “Vpiq rueq vsuing yvmx muinz shuimx shuex rvmuq. Naungshiq muinz kuilc daz rvhumc tix rvmuq; naungshiq kuex ralx rvkhvt muinz, sungx vrvmc muinz rvhumc tix rvmuq,” ngoz tueq jungx wuez yaq.

JEREMIA 6:13

Vyungx vruinx miq tek vtueq tsuingmuq ruxmuq maq kuimphox thuiyx wuez yaq; shvmmax bix nuiyc shomc waz bix rueq muinz miq htenc laulawc wuez yaq.

JEREMIA 7:4

‘Naungshiq kvwungx tiq shex! Vruex kuex Yehowa Shomc Yuimx, vruex kuex Yehowa Shomc Yuimx, vruex kuex Yehowa Shomc Yuimx rvtueq!’ ngoz tueq ngoc jix kvjaz muex nauk kvmx kaz.

JEREMIA 8:10

Kvkhoc rvtueq ngaz rueq tsuingshiq wuik vnax htenc kuex vtaungjix vnyalx yauk nuex kuq gay shaungx; tsuingshiq juik nyuiuz tamx kuex vganc miq muex kuq gay shaungx. Vyungx vruinx miq pumz tek vtueq tsuingmuq ruxmuq lvmx maq kuimphox thuiyc hung wuez yaq. Shvmmax bix nuiyc shomc waz bix rueq muinz miq laulawc wuez yaq.

EJEKIEL 22:12

Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.

EJEKIEL 22:27

Gawamen vyungx vlaungx bix kuex ngvmx kauk vtueq tvhtaq tvruk puinz phauk gay yaq shoalx ikhoc rvtueq. Tsuingshiq kuex luiz waungx yaungc tvkoc miq thvy gay nuex yaq wuez yaq.

EJEKIEL 34:2

Vpiq rueq, “Vthueyc rvyaq miq lex, Israel guimz lawc jix bix kuex shummarc shuiuz. Ngaz, Johvlc Yehowa rueq tsuingshiq nuex seng vtueq rawshvmx bomc kuex jungx shuiuz: Israel khelbuenx remc jix hez lex, nuimshiq kuex vphoc rvhumc tuinx! Nuimshiq kuex miqmac pumz dvyx kvguing ruiux khelbuenx htenc kuex mkaq muinz remc lawc muit.

Hosea 4:18

Svpiq pawx laz nuingc yix maq, tsuingshiq rueq mephex yauk shuimx yaq kuex raungc raq wuez yaq, miqyvlc vsvy yauk shuimc kuex tvtsanc nganc wuez yaq.

Hosea 4:8

Nuimshiq kuex ngvy miqsaz htenc mvrax yaq wvnc tueq htenc kvwawc rungwanx yungx luz wvnc wuez vtuinx, kvkhoc rvtueq nuimshiq rueq tsuingshiq kuex mvrax paunghvlc yaq wvnc tvkoc roc vshuinx.

AMO LUIK DVP (AMOS) 5:14

Nuimshiq tvraungx httax lvp tvkoc, layx bac kuex taq gay ruiux tsuingrux yauk shuimc dvyx shuimx lvmz shuinz. Kvruex yimaq Tvphaungc Tvsuip Yehowa Tishox vpiq rvtueq ngoz tueq nuimshiq rueq jungx vshuinx rulc rv-ngvlc, nuimshiq rulc vdvmz nuex vsuing httax tuex.

AMO LUIK DVP (AMOS) 9:10

Ngvy miqsaz wawc mvrax vhttax jix miq htenc rueq, ‘Tishox rueq naungshiq kox nuex kuilc daz tvhttuiuc phuex rvmuq,’” ngoz tueq ngoc jix lotlaz ralx khvt nuex thvy gay rvhumc tuex.

Mikha 3:5

Ngvy miqsaz htenc muex laulawc jix shvmmax bix kuex tsuingshiq muex kuq yaq jix htenc muex nomic lvp tvkoc bomkhvmc kuq yaq, yuq muinz vkuy vnoalc lvmz vguez jix tvkoc kuex jaq vralx maq tvhiz sungx yaq. Kvkhoc jix shvmmax kuex Yehowa rueq,

Mikha 7:3

Tsuingshiq lotlaz kuex layx vbac yauk shuimc nuex thenc hvlc jix jvnc rvtueq. Vyungx vlaungx bix nuiyc phoc waz bix rueq khauloayc yauk noalc thoz wuez yaq. Luimc vkawc vhttax miq rueq yvmx lac roc yaq nguinx jungx ruiux yuq, tsuingshiq rueq vbac lvmz kuex vdvmz nuex kvruiuz wuez yaq.

JEPHANIA 3:3

Kvruex wawc vyungx vlaungx bix kuex vhuk vhex khuemx yaq hangsic ikhoc, phoc waz bix kuex vrvmc thuiuz muex raungnvp nuex httuiuc laz vrawz vshiz muinz tvjungx taq muq shoalx htenc ikhoc yaungx yaq.

JEPHANIA 3:4

Shvmmax bix kuex yauk shuimc gurpix muq maq bomc httuiz jungphvnx vtueq khawx lvlx yaq; shomc waz bix rueq vsawc baung htenc kuex tvshuy shac vtueq miqmac tvkoc laung nuex Tishox tvrac htenc kuex ruip rux wek wix wuez yaq.

MALAKI 1:10

Tvphaungc Tvsuip Yehowa rueq, “Ngvy shomrawx htauk nuex vshuy vshac wvr kuex nuimshiq rueq jauk lvp muit laz juing shomc yuimx kaluix htenc kuex vshiz shiz rueq shauk gay ruiux mtanc wuez hvlx khvmz tvnx. Ngaz rueq nuimshiq kuex raungc raq mauk; nuimshiq rueq ngvy kox nuex lvmz laq shuinx shomc kuy juing kuex ngaz rueq lvmz shaungx rvmuq.

MALAKI 2:9

Kvkhoc rvtueq ngaz rueq Israel miqsaz muex nuimshiq kuex tvsuirc sac gay phaungx, yvmx khoc lac ngoz ruiux lec nuimshiq rueq ngvy thuinroc lvmx phvnx muit, ngvy miqsaz htenc muex tvluing kuq shuinx nuex htvlx phawc thvl vshuinx ningkhvnc nuex rvtueq.”

WEAWEA 16:15

Moshe kuex vthuinz khaq hvlc rvtueq Yehowa muex ngoc, “Kvruex hez rueq shomc kuy muex vwvnc kuex nauk thoz taq kaz. Ngaz rueq tsuinghez washiz muex muinz wvlc guez tvyaungc mauk doc; tsuinghez kox wawc loze vshiz doc muinz nyvlc mauk doc,” ngoz tueq jungx tvtay tueq.

WEAWEA 22:7

Kvkhoc rvtueq Moba nuiyc Midian walaungx bix kuex tsuinghez rulc vdvmz mvnhttonc mauk tauk laq vtueq, Balam kox nuex kaz tueq Balak bomjungc kuex jungphvnx kuq tueq.

Matthew 3:9

Abraham kuex naungshiq jix vwaz rvtueq ngoz tueq jungx vshuinx kvraq nuimshiq mvrax murx wawc dung wvnc lot tix ngoz tueq nauk tvmaung kaz. Ngaz rueq nuimshiq muex jungx kuq ix, Tishox rueq vruex lung htenc kuex lvmz vtueq Abraham tvkoc suiuz vsaz htenc tvyaungc lot yaq!

1 Timothy 3:3

Joal juk pawc jix waz rvmuq ngoz ruiux yauk laungc yalawx jix yaungc mvy muq, thuinz nyenz thuinz yomz jix waz, nomic lvmx kuex raungc raq jix waz yaungc rax tuex; piq kuex kuimphox muex rvnphvnx muq waz raz tueq;

Titus 1:11

Tsuingshiq kvjak yaq nuix kuex httuiuq gay rax yaq; yvmx khoc lac ngoz ruiux lec tsuingshiq rueq tvluingc aungx muq lvmx htenc kuex tvluingc kuy ningkhvnc nuex wvyuimx tuimx tvpanc gay tueq. Kvruex lvmz htenc lotlaz kuex tsuingshiq rueq kuimphox lvp lvmx nuex seng yaq miqyvlc vsac kvmungx lvmx laung nuex rvtueq.

1 Peter 5:2

Tishox rueq nuimshiq muex vlekuq shec khelbuenx kung kuex remc jix hez ikhoc, Tishox rueq tvshuimc roc yaq rulc rv-ngvlc thuinz vlomx maq vkoz vkez shunshvlx remc shuinz. Vmauk vhtawz lvp tvkoc shuimc kay ikhoc rvmuq maq, vsuing juiux kax roc thuinz maq shuimx kaz wuez shuinz.

Jude 1:11

Tsuingshiq tvkoc pinhtumc kvhiz juing nyix! Tsuingshiq rueq Kain lvmx phvnc kuex phvnx wvnc wuez tueq, kuimphox muex rvnphvnx ningkhvnc nuex Balam yaq wvnc tueq kvkhoc yaq wvnc vtuex. Kora rueq ikhoc Tishox muex khawc lvlc ningkhvnc nuex sumrumx bac wvnc vtuex.

1 SAMUEL 8:3

Yuq muinz tsuingnueyc kuex vwaz honc vyaungc phvnx muq maq, kuimphox muex rvnphvnx thuinz dvyx httax tueq, khauz loayc lvmc ningkhvnc nuex khac kuex tvrac rulc rv-ngvlc phox kuq muq.