Matthew 23:23 - Hawa Naga Bible 2001

²³ “Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq suiuzsaz, tsothuingx, pvnchic yauk nuiyc wvyshuiuz nam-yauk kuex mvnrok shiz wawc mvnshiz Tishox muex yauk noalc kuq vshuinx, yuq muinz Tvrac vkhek pinhtumc tvluingc jungphvnc lvmz htenc rvtueq, tvrac vlvmz, menjenc nuiyc kenrix lvmx htenc kuex nuimshiq rueq phvnx muit tuip gay vshuinx. Nuimshiq rueq mvnrok shiz wawc mvnshiz muinz, Tvrac tvluingc lvmx muinz, tvkhvlc muit maq phvnc tvhungx mvy yaq.

ASII LAKDAP Bible (BSI)

²³ “Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

Muklom

²³ “Thong tataltey tang etho Phorisi tang, nim ma rapney tsamnang. Nim takhi eq somtey tang! Nim aa pong su paru pal wang amaan sa tingo shiwang rangphal sha ukot eq inn. Etharin nim aa thong wang akhek raaq ushing eq chak inn. Akhek iri tang raa: jaqhal eq khaphung, manchan, etho miqtang eq uhan eq ching rol. Eshitang sha shingchak hunga, rangphal sha tho ukot eq tin jo aqhal ang wangta.

Matthew 23:23 Referencias Cruzadas

TAKSU LAK 21:3

Vlvmx nuiyc hunghtaungx yaq kuex shuimx shuiuz; kvruex kuex shomc nawk kuy juing lvmz kuq laq shuiux htauk nuex jvnc vtueq Yehowa rueq raungc raq yaq.

ISAIA 28:25

Tsuingshiq rueq ghaq tvbur lot yix jix pvnchic nuiyc ngataungc pvnx kuex wuinc wuez yaq. Tsuingshiq rueq nyensaz tsvmz nuiyc wanx tsvmz kuex tvhttoarc vtueq yuingc ruiux, wuikphal nuex kuex vganc pulx thuey waqthuimx lix yuingc yaq.

JEREMIA 22:3

“Ngaz, Yehowa rueq vlvmx nuiyc tsuingrux kuex shuimc tvkoc mnoz muex nvr vphaungx. Piq laulawc yaq waz kox wawc vlauc vlawc rvhumc muq tvkoc kvruex waz kuex tvkhup wungx shuiuz. Wuinz waz hez, nojix saz hez nuiyc mvntix nyuiuz hez muex tvrac muq nuiyc vtuing vhtuing kuex nauk ruez kaz, vruex vsawc baung vyuq mvrax vguez miq nauk thvt kaz.

Hosea 6:6

Ngaz rueq nuimshiq nyvmx saz shomc nawk kuq vshuinx htenc kuex roc mauk, nuimshiq lungwawc thuinz vngaungx kvdvyx roc shaungx. Ngaz rueq ngvy tvkoc wvr maq jauk shomc kuy htauk nuex ngvy miqsaz htenc rueq ngaz kuex tuiuz wvnc lvp waz roc shaungx.

LEWI 27:30

Tuiz vtsvmz yuq muinz, pulx thuey waqthuimx yuq muinz ghaq wawc vdung lotlaz mvnz rokshiz wawc mvnshiz kuex Yehowa tvkoc rvtueq.

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

Matthew 12:7

Rumvrc luik nuex, ‘Nyvmx saz shomc nawk kuy lvmz rvmuq, menjenc kuy lvmz kuex ngaz rueq roc vshaungx,’ ngoz tueq bomc vlvmz kuex nuimshiq rueq vsuing tuiuz ruiux yuq, mvrax vguez jix muex nuimshiq rueq mvrax tvgurc kuq shuinx rvmuq.

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Matthew 9:13

Vsawc luik nuex, ‘Ngvmx saz maq shomc nawk kuy lvmx kuex rvmuq, menjenc kuy lvmx dvyx ngaz rueq roc vshaungx,’ ngoz tueq luik wawc vlvmz kuex nuimshiq rueq wvllawc kaz kuinz. Ngaz kuex tsuingrux miqsaz palc kay vkaz rvmuq, mvrax vhttax miqsaz palc kay tvkoc vhttuiuc kaz rvtauk,” ngoz tueq.

Luke 11:42

“Pharise nuk lex, nuimshiq kuex kvhiz juing lvp tuit! Yvmx khoc lac ngoz ruiux lec nuimshiq rueq suiuzsaz tsothuingx yauk, shvkauc nvyshuinx yauk nuiyc vbez phvnx ruip saz wawc mvnrok shiz wawc mvnshiz kuex Tishox muex htawc vshuinx, yuq muinz nuimshiq rueq tvrac vlvmz nuiyc Tishox muex lungwawc lvmx kuex tvlvlc gay vshuinx. Nuimshiq rueq mvnrok shiz wawc mvnshiz kuq vshuinx kvdvyx rvmuq tvrac vlvmz nuiyc Tishox muex lungwawc lvmx kuex phvnc aungx yaq.

Luke 18:12

Jepat shiz nuex phuiuz svy raungnuiyq nueyc mamc ruiux shaungx, ngaz rueq lvp luz shaungx htenc wawc mvnz rokshiz wawc mvnshiz muinz htawc vshaungx,’ ngoz tueq thoz tueq.

1 SAMUEL 15:22

Samuel rueq, “Yehowa rueq mruex phvnx lac raungc raq yaq nguinx? Vtay vphvnc lvmz shuex, rvmuq ngoz ruiux shomc kuy juing nuiyc shomc nawk juing phvnx lac? Vpiq muex vhvlx pinhtumc khelbuenx maq shomc nawk kuy htauk nuex vpiq kvjaz tay phvnc lvmz kuex pinhtumc vhvlx rvtueq.