Matthew 13:11 - Hawa Naga Bible 2001

¹¹ Yesu rueq tvralc tueq, “Raungx Mungtan nuex seng yaq vhttuiyq vpuiuc vruez thuiuz sungx hvlc lvmx htenc kuex tuiuz juing nuimshiq muex kuq tueq shex, yuq muinz wvyvmc rueq tuiuz muq dvyx doc.

ASII LAKDAP Bible (BSI)

¹¹ Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Muklom

¹¹ Jesu aa batta, “Rangmungtan apu ashim raaq nim aa sam eq inn, etharin adak miqtang aa jin sam moq.

Matthew 13:11 Referencias Cruzadas

Tvtsvmc 25:14

Yehowa kuex vpiq kvjaz tay jix rulc kungjix yaungx vtueq; vpiq bomkhvrc kuex tsuingshiq muex tvluing kuq shec tueq.

ISAIA 29:10

Yehowa rueq nuimshiq kuex yoalx rek maq maungkuiyq tvtsoalx gay kv-phuinx. Shvmmax bix kuex miq htenc muik muex yaungc aungx yaq, yuq muinz Tishox rueq tsuingshiq tvmawz puingc gay tueq.

ISAIA 29:11

Shvmmax ruip rawx nuex seng yaq romzyac tvkhic vlvmz htenc kuex nuimshiq kox wawc vhttuiyq gay rvhumc tuinx; kvruex kuex sohic vtvkop shec luik tul ikhoc dvyx yaungx yaq. Kvruex nuimshiq rueq lvmz vtueq phat thenc yaq waz muex wiz tvkoc tv-phat ruiux yuq, piq rueq vruex luik tul kuex sohic kop yaq ningkhvnc nuex piq rueq phat mvy muq ngoz tueq ngoz shuex.

ISAIA 35:8

Kvyuq lvmx laungx vshiz httax tuex, kv-ngoc “Vsawc Lvmx Laungx,” ngoz tueq muingc shuex. Mvrax kop jix kuex kvruex lvmx maq mkaq muinz khuemx lvp tuex rvmuq; lvmx kvruex phvnc jix wawc vngaz jix rueq doc muinz lvmx kuex tvyaq shuex rvmuq.

Matthew 13:10

Vsangac hez kuex vpiq kox nuex kaz vtueq, “Taungjix lex, mnoz rueq miq htenc rulc kvjak tuiux nuex yvmx ngoz tueq lac bomc tv-ngvlc maq jungx kuq vshuiux?” ngoz tueq wiz tueq.

Matthew 16:17

Yesu rueq tvralc tueq, “Yohan saz Simon lex, mnoz kuex thuinhvlx yaq! Vruex lvmx kuex miq talaz washiz ikhoc maq mnoz rueq tuiuz lot muq, raungmungx nuex httax yaq Iwaz rueq tvkhic kuq kv-phux rvtueq.

Matthew 19:11

Yesu rueq tvralc tueq, “Miq lotlaz kuex miq lvmc guez maq httax lot tuex rvmuq, Tishox rueq vkhangx vkuq miq dvyx httax lot yaq. Miq tek vtueq shung ngaungc wuez muq kuex vlvmz phvnx ruip saz httaz kay ningkhvnc nuex rvtueq.

Matthew 20:23

Yesu rueq tsuingnueyc muex, “Ngaz rueq nuingc juing kok kuex nuimshiq rueq vsuing nuingx wuez shuinx, yuq muinz ngvy vkeq kox nuex nuiyc vpharx kox nuex ngaungc lvp tvkoc vkhangx kuex kuq lot mauk. Kvruex baung htenc kuex Iwaz rueq tvhungx htaungx kuq shuex jix tvkoc dvyx rvtueq,” ngoz tueq jungx tueq.

Mark 10:40

Yuq muinz ngvy yauk keq kox nuex nuiyc yauk phvrx kox nuex ukhaq ngaungc lvp tuex ngoz tueq thvlc tvy vkhangx ngaz rueq lvp mauk. Kvruex kuex Tishox vpiq rueq tvyoalc taq shec tueq miqsaz htenc tvkoc dvyx rvtuex,” ngoz tueq jungx kuq tueq.

Mark 4:11

Yesu rueq tvralc tueq, “Nuimshiq kuex Tishox Mungtan nuex seng yaq vwangc juing vhttuiyq vpuiuc vruez lvmx htenc kuex tuiuz lot juing vkhangx lvp tuit. Yuq muinz yuz phic nuex httaz jix vganc kuex yvmx phvnx lvmz yuq muinz bomc tv-ngvlc maq dvyx tay lvp tueq.

Luke 8:10

Yesu rueq, “Nuimshiq rueq Tishox Mungtan nuex seng vtueq thuiuz sungx hvlc vlvmz htenc kuex tuiuz vshuinx, miq vbez rueq kuex lawc ruiux muinz khiz muq, tay wvnc ruiux muinz tuiuz muq juing bomc tv-ngvlc maq jungx kuq yaq, ngoz tueq jungx kuq tueq.

John 6:65

Kvkhoc rvtueq vpiq rueq, “Vkhoc ningkhvnc nuex Vwaz rueq vkhangx kuq muq ngoz ruiux kuex, ukhaq muinz ngvy kox nuex kaz lot muit ngoz tueq nuimshiq muex ngaz rueq vjungc kuy wuez shex,” ngoz tueq.

John 7:17

Tishox thuinroc lvmx phvnc roc jix waz kuex ngaz rueq tvluing vshaungx vruex kuex Tishox kox wawc shuex, ngvy vrangx vpangx maq vjungx kvjaz lac rvtvnx lvmz kuex tv-phvlc tuiuz lot shuex.

Acts 16:14

Kvkaq Tishox muex hiyaz nawk palx tvtsvmc kvmc jix Thiatira ghaq wawc khvyshawx mvnz shaungc jix vmuingc Lidia ngoz yaq yalxjuik nyuiuz shiz lomx tueq, piq kuex Tishox muex nawk palx jix miq rvtueq, Polu rueq tvluing yaq kvjaz kuex vhvlx waq tay tvtsuingc tvkoc Taungjix rueq piq thuinz daz kuq tueq.

Romans 11:25

Phunox bix lex, nuimshiq kuex miqmac rueq tuiuz thenc vshix ngoz tueq tvmaung wvnc muit tvkoc Tishox rueq thuiuz sungx hvlc vhttuiyq vruez tsuingrux lvmx vshiz nuimshiq muex tvtuiuz kuy roc vphaungx. Kvruex Israel miqsaz htenc mkaq muinz thuinz tsanz vtueq dvyx httax tuex rvmuq, yuq muinz kvruex kuex palc daungc wvnc rvhumc vtueq Tishox kox nuex httuiuc waung tuex Pungnuk miqsaz muingc wvlc hungx wvnc tuex nuex httuiuc laz dvyx rvtueq.

Romans 16:25

Tishox ngauz vngax kuex naungshiq rueq tvtsvmc wuez ix! Ngaz rueq nuimshiq muex jungphvnx kuq phaungx Yesu Christu lvmx Thuix Thaungx Vhvlx nuiyc mvnnuex pat maq phuex vhttuiyq vpuiuc vruez shec tsuingrux lvmx nuex tvkhic kuq tueq rulc rv-ngvlc, vpiq rueq nuimshiq kuex nuimshiq kvmluimx lvmx nuex tv-phaungx ngaungx kuq yaq.

1 Corinthians 13:2

Ngaz kuex rawshvmx shvmx thenc ruiux muinz, vthuiuz vsungx httax yaq phaqjic nuiyc vtuiuz vtay phvnx ruip saz httax ruiux muinz, kanx htenc tvhttot tvyenc gay lot juing kvmluimx thuinz httax ruiux muinz, lungwawc thuinz vguez ngoz ruiux kuex khuec guez dvyx.

1 Corinthians 15:51

Vhttuiyq vruez thuiuz sungx hvlc phvnx shiz kuex tay shuinz; naungshiq kuex bolic tuimz shuex nuex rvmak laz muik tvyuip shiz nuex dvyx kvlayc wvnc tix, vtvsuip bolic tuimz shuex nuex vthueyc kay wuez jix htenc kuex yuing kvtenc wvnc wuez vtueq, mkaq muinz thueyc muq shex rvtuex. Naungshiq lotlaz muinz kvlayc wvnc wuez tix.

1 Corinthians 2:14

Siyac lvp wvnc muq waz kuex, Siyac rueq vkuq yauk noalc kuex lvp lot muq, Siyac nuex vjungx tvjvp ruiux yuq jix, kvruex phvnx vhtawz vrawz kuex tv-phvlc tuiuz lot yaq ningkhvnc nuex, Siyac lvp wvnc muq waz kuex Siyac yauk noalc kejux muinz tuiuz lot muq, piq tvkoc kvruex phvnx htenc kuex khuec guez muex yaungx yaq.

1 Corinthians 2:7

Ngaz rueq jungphvnx wvnc tauk taksux tharc kuex miqsaz rueq khiz muq tay muq juing vhttuiyq vpuiuc vruez shec thuiuz sungx hvlc Tishox taksux tharc lvmz rvtueq. Kvruex kuex mungkawx max tvdung jauz nuex phuex naungshiq ngauz vngax lvp wvnc tvkoc Tishox rueq vtaq kvmungx rvtueq.

1 Corinthians 4:1

Naungshiq kuex Tishox thuiuz sungx hvlc vhttuiyq vpuiuc tvy vruez tsuingrux lvmz htenc kuex gurx pix shuimc jix Christu nvrc waz hez rvtiq ngoz tueq nuimshiq rueq tvmaung aungx yaq.

1 Corinthians 4:7

Uraq lac mnoz kuex miq vganc htauk nuex vjvnc tvyaungc kuq yaq nguinx? Nuimshiq rueq lvp tuit phvnx ruip saz kuex Tishox rueq vkuq rvmuq haz? Kvkhoc rvhvt maq nuimshiq rueq lvp luz vshuinx htenc kuex Tishox kox wawc vlvp kejux yauk noalc rvmuq ikhoc nuimshiq kvsomc parc vtuinx kuex yvmx khoc lac?

Ephesians 1:18

Taungjix rueq nuimshiq kuex yvmx tvluimc vtueq lac gvl kv-phuinx kvmuinz, Taungjix miqsaz htenc bomkhvmc kuq tueq vwangc juing kejux tsak vnyvmx htenc kuex mtanc lac paung yaq nguinx kvmuinz,

Ephesians 1:9

Tishox vpiq rueq dvnc yaq lvmx kuex shuimx kaz vtueq Christu maq tvhungx htaungx wvnc tvkoc htvp htaz taq tueq, kvmungx tvy yoalx vpiq rueq vhttuiyq vpuiuc vruez shuimc dvnc yaq lvmx kuex tvkhic kuq phuex.

Ephesians 5:32

Vruex kuex Rumvrc luik nuex tvkhic shec tueq thuiuz sungx yaq tsuingrux lvmx vshiz rvtueq, Christu nuiyc phungc kuex tv-ngvlc vtueq vjungx rvtueq lvmx ngaz rueq tuiuz tay wvnc tauk.

Ephesians 6:19

Ngaz rueq jungc tvkoc vyoalx nuex Tishox rueq ngaz muex bomjungc mkuq phueq, shuenruenc bomjungc vthuiuz vsungx kuex khvmc thuinz maq jungphvnc kuy lot tvkoc muinz, ngvy tvkoc muinz vjux thoz wuez shuinz.

Colossians 2:2

Kvkhoc shuimx kaz wvnc tauk lvmz kuex tsuingshiq lotlaz nuex khvmc thuinz mvrc wvnc vtueq vshiz maq vshiz lungwawc thuinz nuex rvwak wvnc ruiux tsuingshiq rueq tsuingrux lvmz kuex tuiuz tay wvnc vtueq, vkvmx juing ngoz yaq kuex mvrc laz lvp wvnc wuez shuex. Vkhoc maq jix Tishox rueq vhttuiyq vpuiuc vruez ngoz yaq Christu kuex tuiuz wvnc wuez shuex.

1 Timothy 3:16

Naungshiq nawk palx tvrac thuiuz sungx hvlc lvmz kuex mtanc lac yungx yaq nguinx kuex uraq muinz khawx lvlx lot muq, kvruex vthuiuz vsungx lvmx kuex vkhoc rvtueq: Miqsaz gvnngvmx maq kvkhic kaz vtueq vlvmx waz rvtueq kuex Siyac maq tvkhic kuq tueq, raungkamx bix rueq muinz vpiq kuex khiz wvnc wuez tueq. Vpiq lvmz kuex miqphvnx ruip rawx muex tvtay jungx kuq tueq shex, mungkawx wawc miqsaz htenc vpiq muex kvmluimx wvnc tueq, raungmungx nuex shvlc wvnc rvhumc tueq.

1 Timothy 3:9

tvkhic jungx shec tueq kvmluimx lvmz tsuingrux kuex thuinz vsawc maq lvp wvnc vtueq rvwak jix yaungc rax tuex.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.

1 John 2:20

Yuq muinz Christu rueq nuimshiq htauk nuex Vsawc Siyac ruiuc kuy khuec nuex nuimshiq lotlaz rueq tsuingrux lvmz kuex tuiuz vshuinx.

1 John 2:27

Yuq muinz nuimshiq kvlec kuex Christu rueq vpiq Siyac ruiuc htawc kuy rvhumc tuit khuec nuex, nuimshiq nuex vpiq Siyac httax yaq wawwawx uraq muinz nuimshiq muex tvluingc kuq shuex rvmuq. Yvmx khoc lac ngoz ruiux lec vpiq Siyac rueq nuimshiq muex lvmx ruip saz tvluing kuq yaq khuec nuex, vpiq rueq tvluing kuq yaq kuex vlvmx rvtueq, vrot vkaq lvmx yvmx muinz lomx muq. Kvkhoc rvtueq nuimshiq muex Siyac rueq tvluing kuq yaq rulc rv-ngvlc phvnx wuez shuinz, Christu rulc vshiz dvyx yaungx wuez kuinz.