Matthew 13:12 - Hawa Naga Bible 2001

¹² Yvmx khoc lac ngoz ruiux lec vhttax waz muex vjvnc vnac nuex httuiuc laz tvrvp kuq ruiux, vguez waz yauk wawc kuex httax yaq htenc kvdoc muinz tvjomx lvmc rvwvnc yek shuex.

ASII LAKDAP Bible (BSI)

¹² Ara jamkhano chongtlaq ngukla, jurwa Shiikeawe raq ara mangjong hiq na apaiq mungtan tiijong wan anyan phaqchi jaqsham tlaq, kra sap tlaq, kriiti miika kra thaq na chat raüta, apa achan ana she hali mikuq nong. Shatmaq jurwa ara anyan phaqchi bomtsi arka atsan na ahü, kriiti jaq wiika, apaiq raq ralangse sap tlaq kriimin, Shiikeawe raq apaiq jaq wa anyea khoti mirwan.

Muklom

¹² Utang ma chamlilang atha, piq ma rap kot eq na etho piq ching na ahan angna! Etho utang ching na ahung, bara piq ching na atha, esha tho som chuwan na.

Matthew 13:12 Referencias Cruzadas

Matthew 21:43

“Kvkhoc rvtueq ngaz rueq nuimshiq muex jungx kuq ix, Tishox Mungtan kuex nuimshiq kox wawc vlvmz wvnc vtueq, vthuey vhvlx waq tvdung lot yaq miq kuq gay shuex.”

Matthew 25:29

Yvmx khoc lac ngoz ruiux lec vlvp jix waz ukhaq muex muinz kuq yek vtueq piq nuex paung wvnc tuex; yuq muinz lvp muq waz kox wawc kuex piq rueq vlvp raungluingx saz kvdoc muinz vyez lvmc rvwvnc shuex.

Mark 12:9

“Kvkaq sunc taungjix waz rueq yvmx khoc lac ruez gay shvnx? Piq kaz vtueq sunc shap shuimc jix hez kuex thvt gay ruiux, sunc kuex vganc jix muex tvshap kuq gay shuex.

Luke 10:42

yuq muinz mnoz muex rax yaq phvnx shiz httax yaq. Mary rueq vhvlx phvnx thvl taq tueq. Kvruex kuex piq kox wawc uraq muinz nyvlc wvnc lot muq,” ngoz tueq tvralc tueq.

Luke 12:48

Yuq muinz miqmac jiyungx waz rueq yvmx lac roc yaq nguinx tuiuz muq maq, vwungc aungx yaq yauk shuimc shuimc jix nvrc waz kuex, raungluingx dvyx wungc rvhumc tuex. Kejux yauk shuimc lvmz paunghvlc rvhumc jix waz kuex paunghvlc thoz rvhumc tuex; pinhtumc tvluimc vtueq lekuy shec rvhumc jix waz kox wawc jvnc vtueq hungx laz thoz shuex.

Luke 16:2

Kvkhoc ningkhvnc nuex luiz waungx waz rueq piq kuex gvl vtueq, ‘Ngaz rueq tay lvp tauk mnoz lvmz kuex yvmx khoc lac? M-yauk shuimc nuex seng vtueq ngvy tsak vnyvmx htenc kuex yvmx khoc lac shuimx vshuiux lvmx tvlot laz wvlc wvlc tvtsuingc luik kuex tvkhic kuq koq, yvmx khoc lac ngoz ruiux lec majuiuc vmaq mnoz kuex maneger yauk shuimc lvp muq shex,’ ngoz kuq tueq.

Luke 16:25

“Yuq muinz Abraham rueq, ‘Isaz lex, mnoz kuex vtvraungx baunglaung tsak vnyvmx vhttax luiz waungx waz muex yaungx toq, kvrulc rv-ngvlc Lazaru kuex kuilc daz rvhumc wvnc tueq kuex tvmaung shuiuz, majuiuc piq kuex tsak vnyvmx lvp luz wvnc tueq, mnoz kuex kuilc daz rvhumc vtuiux.

Luke 8:18

“Kvkhoc rvtueq nuimshiq rueq yvmx khoc lac tay wvnc tuinx kvruex vhvlx waq honc lvmz wuez shuinz, vhttax jix waz muex vtvrvp kuy rvyek shuex, vguez jix waz yauk wawc kuex piq yauk nuex vhttax ngoz tueq tvmaung yaq kvmuinz vyez vlvmc rvwvnc yek shuex,” ngoz kuq tueq.

Luke 9:26

Miq washiz shiz kuex ngaz muex nuiyc ngaz rueq tvluing shaungx kvjaz kvmac yvlc sac ruiux yuq, Miq Saz vruex kuex vpiq ngauz vngax maq muinz, Vwaz ngauz vngax maq muinz, vsawc raungkamx bix ngauz vngax maq muinz httuiuc kaz tuex nuex, kvruex waz ningkhvnc nuex yvlc sac tuex.

James 4:6

Yuq muinz naungshiq muex Tishox rueq vkuq kejux kuex pinhtumc hungc vlaungc yunghvlc. Rumvrc luik nuex, “Tishox rueq kvsomc parc ngamc ngax jix waz muex tuingshaung kuq gay ruiux, thuinz tv-nyenc jix muex kejux kuq yaq,” ngoz tueq jungx shec tueq.

Revelation 2:5

Kvkhoc rvtueq mnoz mtanc khvnc lac dvy wvnc vtuiux kuex rvwvl shuiuz! Mmvrax htenc kvwawc kvwek wvnc yek vtueq vphaungc nuex shuimx toq kvkhoc shuimx yek shuiuz. Kvkhoc mmvrax htenc wawc kvwek wvnc muq ngoz ruiux kuex, ngaz mnoz kox nuex httuiuc kaz vtueq m-wvrkok kuex kvruex baung kvwawc ngaz rueq tvhttot lvmz gay shaungx.