Matthew 13:11 - ASII LAKDAP Bible (BSI)

¹¹ Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Hawa Naga Bible 2001

¹¹ Yesu rueq tvralc tueq, “Raungx Mungtan nuex seng yaq vhttuiyq vpuiuc vruez thuiuz sungx hvlc lvmx htenc kuex tuiuz juing nuimshiq muex kuq tueq shex, yuq muinz wvyvmc rueq tuiuz muq dvyx doc.

Muklom

¹¹ Jesu aa batta, “Rangmungtan apu ashim raaq nim aa sam eq inn, etharin adak miqtang aa jin sam moq.

Matthew 13:11 Referencias Cruzadas

Tvtsvmc 25:14

Tatiwe ka awokhong na siti ma khi alu, kiimaq apaiq raq atongshong tri ka tsangshiq rai atiipha shat raüta sitlo.

ISAIA 29:10

Tatiwe raq namshiq ka tiinguk miiliiq she tiiphepii baiqto. Lantea akon makaiq she mikon wan han kata. Shammibi ka mungmaiqse ma makpo jachang wa, Shiikeawe raq tsangshiq mak ka khea maq jobbaiqto.

ISAIA 29:11

Riisham mak chhi aweatek liichum ka namshiq ma chongkuq mak apaü mirbaiq. Kriika lakdam kom sil maq phanje ikha miraq. Kriikha maq ümniiraq lakdam kom ka lamho laüta maiq weshi ra aphat atsinti nang nga kra phat kuqlaq nguta chonghaü jiila, kriiwe raq apaiq raq phattsü mang ngutli michong. Jamkhano ngukla kra lakdam kom ka sil maq phanje.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

Matthew 13:10

Kiijiishe, ajaqshisetiim ka Jesuq tho na tiisot nga raüta akha waito, “Ümniiraq nokmaiqse ma traho bom chongkuq laüjaq, jam nguto shiiton bom miili apa chongkuq tlaü?”

Matthew 16:17

Kiijiishe, Jesuq raq, “Kechu jonghea, Johan se Simon le!” nguta treto. “Riita ara tengtlaq bomtsi chongtlaü arka ümniima maiqse raq achongkuq ka riimak. Shatmaq i We ramungtan na siti we raq ümniima tingsang atiichhi arkuq.

Matthew 19:11

Kiijiishe Jesuq raq treto, “Ara chong tiikang tri arka tarü pili miitu ka riimak. Shatmaq Shiikeawe raq ju miiwa ara kongphiq ara kuq taq, kriiti riili milang lot.

Matthew 20:23

Kiijiishe, “Tengto, namnai raq i kok wa minyang wan lot han. Shatmaq ngi rai jaqtsi na nai jaqpha na tiinga miitu aming ka, i jaq na ahü. Arka i We raq ju rii wa thü tlaq, kriiti rii li miraq,” nguta Jesuq raq tsangnai bom ka treto.

Mark 10:40

Shatmaq, ngi rai jaqtsi na nai jaqpha na, ju nga chang wa kra, tsea miitu arang ka i jaq na ahü. Arka, Shiikeawe raq ümriiti ma kechang ngutiiwa tiije wantaq, kriiti miili mikuq.”

Mark 4:11

Jesuq raq treto, “Shiikeawe mungtan bomtsi apaü raüta athü ka namshiq raq sap wan miitu tiichhi kuqto she. Shatmaq, maiq ahinti, Shiikeawe wura maq mitiiham wan shaqtibi miika, kra tengteng bomtsi ka, shiiton bomtsi setiim manphan miili chongkuqtlo.

Luke 8:10

Kiimaq apaiq raq treto, “Shiikeawe Mungtan na apaü raüta athü kra sap miitu tak wan tsii ka namshiq miili kuqto. Maiq nanok ahinti miika, manphan miili chongkuqtlo. Kriika tsangshiq raq ümtinkhan li lii raü min, chhi mak miraq. Kiimaq tsangshiq raq ümtinkhan li tai raü min, tak mak miraq.”

John 6:65

Raüta Jesuq raq abom ka triichesaq, “Arkha miitiina, ngi raq namshiq ma, i We raq ngi rii nguta thiiq wan hü wiiwii, maiqse ka jumin i puk na nyap wan lot mak nguta chongkuq pha ihata.”

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

Acts 16:14

Kiijaq naishiq traho bom chongke tai wanti phong wa, jechak nyung ashi ka Lidia riito. Apaiq ka Thajatira chela wa aki rongmin khea piikiiti nyung. Apaiq ka Shiikeawe shomnoqti nyung. Kiimaq, Tati raq apaiq tsan achhü maq, Paul raq traho bom chongkuqtaq kra mitiitsang tai wanlaq nguta atsan tsii kilü ka dikuqto. Krai mren, apaiq raq Jesuq Khristo ma kamto.

Romans 11:25

Phunainotiim lei, ngi raq ara apaü raüta athü wan, tengteng bomtsi ara namshiq ma chongke wan rotiikang. Arka namshiq raq sap wan chang akhek sitlo. Kra sap wan han jiila, namshiq tsan na, “Naishiq Pongnok phan maiqse dea taksu maiqse,” nguta tiishom ra man mirhan. Riita, ara chong tiikang tengteng bomtsi ka ara. Ümchaü Israilnok tsantsii wanshakshak rüm tlaq arka, pattup akhli ka wanwan mak miraq. Arka, Pongnok phan maiqse ka Shiikeawe puk na ümtinkhan shang wan chang wa siwan tlaq, kra thun kra kunli she shang wan akhing ranaiq na saüli niili Israilnok tsantsii ka mitsin wan.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.

1 Corinthians 15:51

Ara chongtiikang apaü raüta athü tengman tlaq bomtsi ara tsan na samhea tiitsang tai rong laq: Nashiq wiitarü ka tsai mai. Shatmaq phangthum lerong tsii tlaq akhing na, nashiq ümchuwa atra riijiiq, kriiti thun ka mak riijap liipan niili, nashiq khum ka aklai mirki. Phangthum lerong ümtiiko tsü jiiq, kra akhing na, maiq ümchuwa amaati thun ka, wiita amaa wa atra she mitiidong wan. Kra tiidong wan tlaq ka ümtiikiimin tsaiki mak phan she. Kiimaq nashiq wiitarü atra sitiikaiti thun khum ka wiita aklai mirki.

1 Corinthians 2:14

Jurwa Asii Wenyi lap mak dea, kriiti riika Shiikeawe Asii Wenyi raq akuq kongphiq ka lap lot mak. Akhiiti riika Asii Wenyi kongphiq ka jamlai wa, kra asap min sap mak. Apaiq ma Shiikeawe kongphiq thun kriika hiqtili ikhiili. Ara jamkhano chongtiikai ngukla, Asii Wenyi jaqsham tsingo kriika Wenyi maklii maq liiwan raütiq athü ka misap.

1 Corinthians 2:7

Riita ngi raq phanchan kuq tiikang taksma phaqchi arka, Shiikeawe raq apaü raüta athü phaqchi tu riito. Arka mangjong maiqse raq chhilot mak apaü raüta athü. Shatmaq apaiq raq ara phaqchi ara nashiq miimin riishake miitu, rapha hiq wa min mishaq niiphü thimi wanje she dongdii riito. Kriika nashiq raq Shiikeawe chhainyii rilung kra riisha lap wan dam miitu tiihong kuqto.

1 Corinthians 4:1

Namshiq raq naishiq ka Khristo jaqshisetiim nguta sap chang. Shiikeawe raq naishiq ka apaü raüta athü tengman tlaq bomtsi kra chongke miitu shongto.

1 Corinthians 4:7

Riita ija, ümniika juro wela ma shong ta? Shiikeawe raq ümniima phanrap ka kuqto she riimak sha? Riita, Shiikeawe raq ümniima phanrap ake kun she jiika, ümnaq shiikong rai chang lam min asi sha? Shiikeawe raq phanrap ka phe maq kuqto riimak sha?

Ephesians 1:18

Arkha maq, ngi raq namshiq ma chongkuq tiipha ara, namshiq tsantsii kilü ka dilanta, apaiq raq tli kuq tlaq rawüli kra sap ronglaq. Kra wenyi rawüli kra miitiq tiina, apaiq raq namshiq hea wantaq tsantsii ranphan tlan, alap wan chang sitlaq thun kra mitak wanlot han. Shiikeawe raq asengi ma mikuq ha nguta khamkuqtaq, kra achu shiiman ka nashiq raq nü maq achong aphan min lot mai, rahea phan sitlo.

Ephesians 1:9

Shiikeawe raq, phanrap ka thimi wanto. Raüta apaiq raq thimi wantaq, apaü raüta athü jaqsham kra Khristo pum niishe jaqsham ka shiikuto.

Ephesians 5:32

Ara chong tiikai, Asii bomtsi na chongtlaq arka, nashiq raq khonlot mai chang liichum ashi tsaühea tengtlaq bomtsi. Arka Khristo nai phungtu liipan na riimangchan bomtsi kra tiichhikuq tlo nguta ngi raq tak tiikang.

Ephesians 6:19

Kiimaq ngi raq Shiikeawe bomtsi apaü raüta athü kra, nanok ma ningkun ajong maq, kholam kholiiq chongke wan miitu, achu jaükuq rong laq.

Colossians 2:2

Ngi raq ara minshiiq wan tiikang arka, namshiq kiimaq tsangshiq ka kamasham na srea laqkong ma mija laq nguta sham tiikang. Kiimaq tsangshiq liipan na atsaü maq riimang riichan raüta misi laq nguta sham tiikang. Raüta tsangshiq tsan atsii na, Shiikeawe ma jamlai miitu wa kam wantaq, kra poimak maq milap wan rong i dongdii nguta, tsankhun maq si miitu sham tiikang. Arka tengtlaq bomtsi kra atsaü maq sap raütiitiq, tsangshiq tsan mong na akha mitak wan lot. Ara tak wan tlaq bomtsi ka, atsaü maq sap wan tlaq kra lü miishetiq, tsangshiq raq maiqse ma phaqchi tum ka Khristoli dea nguta misap wanlot.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

1 Timothy 3:9

Tsangshiq ka wenyi raq atiichhikuq tengteng bomtsi tri raü thun na, kamtsantsii pharang rang maq kam raüta, khearapaq na riiwiiq raüta sitiikai ikha siti riichang.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.