Mark 12:2 - Hawa Naga Bible 2001

² Vthuey tvjomx jauz httuiuc wvnc koq tueq, svpiq sunc shuimc jix kox wawc sunc taungjix waz piq rueq lvp aungx yaq phvlc kuex lvp muex, sunc shuimc jix hez kox nuex piq dax washiz tvkaz tueq.

ASII LAKDAP Bible (BSI)

² Spiq tsi pansea cho akhing niishe wakchongti we raq adise ashi ka tiiki raüta, akheng na shamtinok jaq wa wak kheng tiijaü kito.

Muklom

² Etho sutichi thajoq tok sey thu atho, piq phal tha som rangma piq sanga tha takat ta.

Mark 12:2 Referencias Cruzadas

2 HOKHVMX 17:13

Yehowa rueq Israel nuiyc Yuda kuex tvhonc tvsvmz tvkoc vpiq kamx bix nuiyc shvmmax bix kuex tvkaz vtueq: “Nuimshiq rueq shuimx vshuinx layx vbac kuex gay shec ruiux, nuimshiq jix vwaz tamx muex ngaz rueq kuq tauk Tvrac nuex lomx yaq ngaz rueq nvrc bomc htenc kvmuinz, ngvy nvrc waz hez rvtueq shvmmax bix maq raz tueq nuimshiq muex tvlvy kuq wvnc tueq kuex phvnx wuez shuinz,” ngoz tueq jungx tueq.

2 KAÜWA WERAÜ 36:15

Yehowa tsuingshiq jix vwaz tamx Tishox rueq tsuingshiq kvmuinz, Shomc Yuimx kvmuinz tvjungx tvy roc vtueq, vpiq miqsaz htenc muex tvhonc tvsvmc tvkoc shvmmax bix kuex tvkaz tueq.

EJRA 9:11

Nuiyshiq rueq mnvrc waz hez shvmmax bix maq raz tueq kuq toq vnvrc bomc htenc kuex tvlvlc gay tiq. Nuiyshiq rueq nyuip lvp dvnc vshix mungtan kuex vshuy vshac nuiyc kvyuq httaz jix miqsaz htenc kuex tvsuip baungshiz maq samx kox nuex tvmvrc laz miqsuirc vsac yauk shuimc htenc ningkhvnc nuex vmvlc vtsawc lvmz tsuingshiq rueq nuiyshiq muex ngoz kuq yaq.

Tvtsvmc 1:3

Tsuingshiq kuex yuix kawx nuex kemz vtueq piq vkhing nuex vthuey thuey ruiux, vyauk yuiuq muq pulx jungx htenc ikhoc rvtueq. Tsuingshiq rueq shuimx kaz yaq phvnx ruip saz kuex lotlaungc wuez yaq.

JEREMIA 35:15

Ngaz rueq nuimshiq kox nuex ngvy nvrc waz hez shvmmax bix lotlaz kuex tvhttoarc vtueq tvkaz vphaungx, tsuingshiq rueq nuimshiq miqmac layx vbac htenc kuex gay iruiux tsuingrux yauk shuimc wvnc tvkoc jungx kv-phuinx. Tsuingshiq rueq nuimshiq muex vganc tishox htenc kuex nawk palx muit tvkoc honc tvsvmz kuq tueq, kvkhoc rvtueq ngaz rueq nuimshiq nuiyc nuimshiq jix vwaz tamx muex vkuq mungtan nuex nuimshiq httax ruq httaz tvkoc tvmaung tauk. Yuq muinz nuimshiq rueq ngvy kvjaz tay muit nuiyc wvlc guez tvyaungc vshuinx.

JEREMIA 44:4

Ngaz rueq shuiuc vshaungx vruex kvhiz juing yauk shuimc htenc kuex shuimx muq tvkoc nuimshiq muex jungphvnc kuy tvkoc ngvy nvrc waz hez shvmmax bix kuex nuimshiq kox nuex ngaz rueq yauk lox yauk lox tvkaz vshaungx.

Mikha 7:1

Thuinz tvluimc juing vguez shex nyix! Ngaz kuex rvmc thuiuz hvlc rvtueq pulx jungx wawc pulx thuey muinz, svpiq ruiux wawc svpiq thuey muinz thuiyx tauk rvhvt maq poshiz muinz humc muq waz ikhoc yaungx tauk. Svpiq thuey lotlaz nuiyc phuiuq muiuq thuey httax yaq lotlaz puinz gay tueq shex.

JEKERIA 7:7

Vruex kuex Yerusalem nuex rungwanx wvnc vtueq miq paunghvlc mvrc wvnc ruiux, miq paunghvlc kuex ghaqyungx nuex dvyx rvmuq, tvroz wawc miqghaq htenc nuiyc ghaqyaz kox hong nuiyc shalx nyuip kox ghaqluimx htenc yaz nuex httuiuc laz miq htenc httax yaq jauz mvnnuex wawc shvmmax bix nuix maq Yehowa rueq vjungx rvtueq.

Matthew 21:34

Vthuey muinc jauz httuiuc wvnc tueq nuex, piq rueq lvp aungx yaq vthuey kuex tvlvmc kay tvkoc sunc shuimc jix hez kox nuex piq kolix bix kuex kaz tueq.

Mark 12:1

Kvkaq Yesu rueq bomc tv-ngvlc maq tsuingshiq muex jungx tueq kuex, “Miq washiz rueq svpiq sunc vshiz khic shec vtueq, vtvroz nuex vhvlx waq ruk tueq nuiyc svpiq surc juing muinz htuz shec ruiux, pvrrawx vshiz tvhungx shec tueq. Kvruex yimaq piq rueq sunc shap jix hez muex tvshap shec ruiux mungx ganc nuex kaz wvnc tueq.

Mark 12:3

Tsuingshiq rueq dax waz kuex lvp vtueq huyhut thvt ruiux shauk httuiz tvyek wvnc tueq.

Luke 12:48

Yuq muinz miqmac jiyungx waz rueq yvmx lac roc yaq nguinx tuiuz muq maq, vwungc aungx yaq yauk shuimc shuimc jix nvrc waz kuex, raungluingx dvyx wungc rvhumc tuex. Kejux yauk shuimc lvmz paunghvlc rvhumc jix waz kuex paunghvlc thoz rvhumc tuex; pinhtumc tvluimc vtueq lekuy shec rvhumc jix waz kox wawc jvnc vtueq hungx laz thoz shuex.

Luke 20:10

Vthuey vngoz muinc jauz nuex vthuey wawc piq muex kuy juing rawc kuex mkuq phueq ngoz tueq sunc shuimc jix hez kox nuex dax washiz nvr tvkaz tueq; sunc yauk shuimc jix hez rueq kvruex waz kuex phel thuit wung vtueq shauk htuiz maq tvyek wvnc tueq.

Hebrews 1:1

Mvnnuex pat nuex Tishox rueq naungshiq jix vwaz tamx muex paunghvlc lauk phvnx ruip saz kuex shvmmax bix maq raz tueq tvkhic wvnc tueq,