Mark 12:1 - Hawa Naga Bible 2001

¹ Kvkaq Yesu rueq bomc tv-ngvlc maq tsuingshiq muex jungx tueq kuex, “Miq washiz rueq svpiq sunc vshiz khic shec vtueq, vtvroz nuex vhvlx waq ruk tueq nuiyc svpiq surc juing muinz htuz shec ruiux, pvrrawx vshiz tvhungx shec tueq. Kvruex yimaq piq rueq sunc shap jix hez muex tvshap shec ruiux mungx ganc nuex kaz wvnc tueq.

ASII LAKDAP Bible (BSI)

¹ Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

Muklom

¹ Etho ning thima Jesu aa raaqshiton phang batta. “Takshey, ashey miq eq upikna suti bang kheyta; ethi pik tho thaji tha jaqhal wang pal ta, etho suti tha nakma haqbung thut ta etho ashey banban him hunta. Ethi jio, jakngiktey miqtang tha ethina tatong eq piq adak mung náng kata.

Mark 12:1 Referencias Cruzadas

ISAIA 7:23

“Kvruex raungnuiyq httuiuc tuex nuex, kuimphox sawx hingshiz tanc aungx yaq, svpiq jungx hingshiz kemz yaq sunc tek nuex shuiuq nuiyc httuingx dvyx shex puingc wvnc shuex.

JEREMIA 2:21

Ngaz rueq vhvlx pinhtumc vhttauk svpiq lix ikhoc mnoz kuex khic vphaungx. Yuq muinz yvmx khoc lac yaungx vtuiux kuex lawc shuiuz! Mnoz kuex vnvmx vruez kaz khuec guez svpiq ruiuz ikhoc rvtoq.

EJEKIEL 20:49

Yuq muinz ngaz rueq, “Johvlc Yehowa lex, ngaz muex kvruex nauk tvshuimc vkueq! Ngaz rueq mkaq muinz bomc guiuq dvyx jungx yaq ngoz tueq uraq muinz ngoz phuex kuex tvyoalc yoalx httax yaq,” ngoz tueq tvwanc tauk.

Matthew 13:3

Kvkaq vpiq rueq bomc tv-ngvlc maq vlvmx paunghvlc tsuingshiq muex jungx kuq tueq. “Laukshiz vlix wuinc jix waz kuex vlix wuinc kay kaz wvnc tueq.

Matthew 21:28

“Majuiuc nuimshiq rueq yvmx khoc lac tvmaung wuez vshuinx? Laukshiz nuex miq washiz kuex vsaz wanueyc httax tueq. Vsaz pekhux waz kox nuex piq kaz vtueq, ‘Isaz lex, majuiuc raungnuiyq svpiq sunc nuex yauk shuimx kaz kuiuz,’ ngoz tueq.

Matthew 21:33

Yesu rueq, “Bomc tv-ngvlc vganc vshiz vmuinz tay shuinz. Lauk shiz nuex svpiq sunc khic tvhungx jix washiz httax tueq, piq rueq vtvroz nuex rukruk taq ruiux svpiq surc juing ghaqkhurx htuz tvhungx tueq, pvrrawx muinz guirx shec ruiux, sunc shuimc jix muex tvshap kuq shec vtueq piq kuex pungmungx nuex kaz wvnc tueq.

Matthew 21:34

Vthuey muinc jauz httuiuc wvnc tueq nuex, piq rueq lvp aungx yaq vthuey kuex tvlvmc kay tvkoc sunc shuimc jix hez kox nuex piq kolix bix kuex kaz tueq.

Matthew 25:14

“Kvtanc jauz raungx Mungtan kuex miqmac yuimx maq wuinz ghaq nuex kaz wvnc khvmkhvmz miq washiz rvhumc wvnc tueq rulc rv-ngvlc yaq, piq rueq vnvrc waz hez kuex gvl vtueq tsak vnyvmx lekuq tueq.

Mark 11:33

Kvkhoc rvtueq tsuingshiq rueq Yesu muex vhtaq maq vtvralc, “Nuiyshiq rueq tuiuz miq,” ngoz tueq jungx tueq. Yesu rueq, “Vruex yauk shuimc htenc kuex yvmx vkhangx maq lac ngaz rueq shuimx vshaungx lvmx kuex ngaz rueq muinz nuimshiq muex jungx kuq mauk,” ngoz tueq tsuingshiq muex ngoz kuq tueq.

Mark 13:34

Kvruex kuex miq washiz yalc hvlc mungx nuex kay wvnc muex piq yuimx kuex vnvrc waz hez muex lekuy shec muex ngoz tueq, vnvrc waz hez washiz maq washiz muex yauk shuimc phvlx kuq shec vtueq, kaluix bvmc jix waz muinz honc lvmz hvt httaz tvkoc nvr shec tueq rulc rv-ngvlc yaq.

Mark 3:23

Kvkhoc rvtueq Yesu rueq tsuinghez kuex gvl vtueq bomc tv-ngvlc maq jungx tueq kuex, “Satan kuex Satan rueq mkhoc lac yurc gay lot yaq nguinx?

Mark 4:2

Vpiq rueq bomc tv-ngvlc htenc shuimx vtueq phvnx ruip saz kuex tsuingshiq muex vkhoc tvluing kuq tueq:

Luke 15:13

Kvruex yimaq mtanc muinz httax muq nuex noyix waz rueq piq hup vsvmx htenc kuex shaung gay ruiux raz tueq, lvp tueq kuimphox htenc kuex lvmz laq vtueq, lvmx luz mungx nuex kaz wvnc tueq. Piq rueq kvruex mungx kvmaq kuimphox htenc kuex mungkawx piauc liauc lvmx nuex shaung phauk gay kaz tueq.

Luke 19:12

Kvkhoc rvtueq vpiq rueq, “Lauk shiz muingc jungc vhttax miq washiz httax tueq, piq kuex lvmx luz mungtan vshiz nuex hokhvmx yaungc kay kaz dvnc tueq, kvruex yimaq piq yuimx nuex yek waungc tvkoc tvyoalc tueq.

Luke 22:9

Tsuingnueyc rueq, “Mruex baung nuex lac tvhungx shix?” ngoz tueq wiz tueq.

Luke 8:10

Yesu rueq, “Nuimshiq rueq Tishox Mungtan nuex seng vtueq thuiuz sungx hvlc vlvmz htenc kuex tuiuz vshuinx, miq vbez rueq kuex lawc ruiux muinz khiz muq, tay wvnc ruiux muinz tuiuz muq juing bomc tv-ngvlc maq jungx kuq yaq, ngoz tueq jungx kuq tueq.

Acts 7:38

Kumtsvy tvnx nuex rvtuimx httax yaq Israel miqsaz htenc rulc muinz, naungshiq jix vwaz tamx rulc muinz, Sinai Kanx maq kvjak tueq raungkamx waz rulc muinz vdvmz nuex httaz jix waz kuex piq rvtueq. Naungshiq muex jungphvnc kuy muex vlekuq Tishox kox wawc vtvraungx rullungx bomjungc kuex lvp wvnc jix waz muinz piq rvtueq.