Mark 12:2 - ASII LAKDAP Bible (BSI)

² Spiq tsi pansea cho akhing niishe wakchongti we raq adise ashi ka tiiki raüta, akheng na shamtinok jaq wa wak kheng tiijaü kito.

Hawa Naga Bible 2001

² Vthuey tvjomx jauz httuiuc wvnc koq tueq, svpiq sunc shuimc jix kox wawc sunc taungjix waz piq rueq lvp aungx yaq phvlc kuex lvp muex, sunc shuimc jix hez kox nuex piq dax washiz tvkaz tueq.

Muklom

² Etho sutichi thajoq tok sey thu atho, piq phal tha som rangma piq sanga tha takat ta.

Mark 12:2 Referencias Cruzadas

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

2 KAÜWA WERAÜ 36:15

Tatiwe, tsangtitiim Shiikeawe raq shammibi thun tiiki raüta mungmaiqse ma hon atsii ka tiichong kuq ruq chongkuq wanto. Jamkhano ngukla apaiq raq tsangshiq nai Shomjam kra tiiwongke wanro riito.

EJRA 9:11

Kra aming thun ka ümniiraq ümjaqshisetiim shammibi lümaq akuq wan haü. Kriithun ka wiita she hali jin wan kai. Shammibi raq naishiq ma naishiq raq lap wan chang mung anye kriika ashe ashi riili ama miraq nguta chongkuq wanto. Kra mung ka jamkhano ashe riili ama miraq ngukla, kiijaq siti nokti maiqse thun ka, ashe ashi, ajiq ngarai tang wantinok siisaq nguta chongkuq wanto. Tsangshiq raq kra mung ka shedong maq riita shenyap na saüli, Shiikeawe raq saisi tlaq ngarai jaqsham maq wiita tiinyam baiqto nguta chongto.

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

JEREMIA 35:15

Ngi raq namshiq phana ijaqshisetiim shammibi thun ka tiiki ruqruq tiikikang. Kiimaq tsangshiq raq namshiq ma, namshiq raq abi lam phan thun ka thaq baiqtlo ronglaq, lanta jaqsham ahea awa phan kra sham ronglaq nguta chongkuqto. Tsangshiq raq namshiq ma ahin phra thun ka naq shomnoq rongkiq kiimaq naq shiililii rongkiq nguta hon lam bom chongkuqto. Kriika Ngi raq namshiq ma nai namtitiim akuqha hiqshong rahai thun kiijaq hansang maq shongnga wan miitu honlam tsii chongkuqto. Shatmaq namshiq raq ibom chong ka taiman tlea wan lan. Kiimaq ibomtsi ka namtsan mong na akhiismin rüm wan man riilan.

JEREMIA 44:4

Ngi raq namshiq phana ijaqshisetiim shammibi riilü wantlii ibom tiichongkai tiikikang. Tsangshiq raq namshiq ma ara riiqkhiq ngi raq pinthum saisitiikang kra naq klo rongkiq nguta ümtinkhan wa chongkuqto.

Mikha 7:1

Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

JEKERIA 7:7

Ara bomtsi arka Tatiwe raq apaiq shammibi lümaq, man na Jerusalem ka chiithe, kiimaq mungmaiqse raq ama siwantlaq, kiimaq kra chela tro na chela thun niimin, kiimaq shemai nü wang nai shenyap nü wang na mungmaiqse ka pahea siwantaq choji na achong.

Matthew 21:34

Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.

Mark 12:1

Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

Mark 12:3

Shatmaq, wakshiipti nok raq adise ka alap riito. Raüta atea riito. Kiimaq wakkheng min kuq mak, apaiq ka jaqmii miili tiijang baiqto.

Luke 12:48

Shatmaq, atijong we raq jamlai jaqsham achong wa, kra sapmak kha maq, ajiq aphiq mosham mosham sham wanti we jaqshise kra riimin, mo ka miho. Shatmaq, apaiq raq mo ka achü linlin li miho. Riita, ju miiwa arang apa kuq taq, kriiti raq momin apa miho. Kiimaq ju miiwa arang ka atsap lin li kuqtaq, kriiti riika momin achhü linlin li miho.”

Luke 20:10

Spiqtsi pansea cho akhing she saüto angu na, apaiq raq adise ashi ka, waksham seatibi phana, wakkheng tiijaükai tiikito. Shatmaq, wakshiip seatinok raq, adise saüwa kiita, apaiq ka ninta tsat raüta, jaqmii miili tiijang baiqto.

Hebrews 1:1

Richü pat na Shiikeawe raq natitiim ma, apaiq wokhong na siwan lamlu hon atsii ka jang pahea chongkuqto she. Kiimaq ra shammibi lümaq phanrap phanrii lam na seng raüta, tsii ka chongkuqto.