Luke 7:13 - Hawa Naga Bible 2001

¹³ Taungjix rueq kvruex nyuiuz kuex khiz vtueq menjenc sac vtueq, “Nauk khoar kaz,” ngoz tueq.

ASII LAKDAP Bible (BSI)

¹³ Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Muklom

¹³ Teyhungwa piq tha khi atho piq ma rapney tinshitta etho eshi nu thima batta, “Nak qhap u.”

Luke 7:13 Referencias Cruzadas

Tvtsvmc 103:13

Vwaz rueq vsaz hez muex menjenc kuq yaq ikhoc, Yehowa rueq vpiq muex tvtsanc nganc jix muex menjenc kuq yaq.

Tvtsvmc 86:15

Yuq muinz O Yehowa lex, mnoz kuex lungwawc menjenc thuinz httax yaq Tishox rvtoq, mnoz rueq mkaq muinz nanx vshuiux, menjenc vtueq tvmtuing httax vtuiux.

Tvtsvmc 86:5

Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

JEREMIA 31:20

“Israel lex, mnoz kuex ngaz rueq lungwawc hvlc saz rvtoq, ngaz rueq roc hvlc saz vshiz rvtoq. Ngaz rueq mmuingc kuex jungx shaungx ruip rawx, mnoz kuex tvlungwawc thuinz maq rvwvl vshaungx. Ngvy thuinz vmungx kuex mnoz nuex rvwak vtaungx ningkhvnc nuex; ngaz rueq menjenc hvlc.

Mark 8:2

“Vruex miq htenc kuex raungnuiyq thuimx shex ngaz rulc httax vtuex, majuiuc phuiuz svy juing doc muinz vguez ningkhvnc nuex miq htenc muex ngvy menjenc sac yaq.

Luke 10:1

Kvruex yimaq Taungjix rueq miq vganc waz 72 thvl vtueq, wanueyc nueyc maq raz tueq vpiq kaz yaq miqghaq nuiyc baung ruip saz nuex vpiq max nuex tvkaz tueq.

Luke 11:1

Raungnuiyq shiz Yesu kuex baungshiz nuex vjux thoz tueq. Vjux thoz lot tueq yix maq vpiq sangac hez wawc washiz rueq, “Taungjix lex, Yohan rueq piq sangac hez muex vjux thoz tvluing kuq tueq kvkhoc nuiyshiq muex muinz vjux thoz tvluing kuq koq,” ngoz tueq jungx tueq.

Luke 11:39

Kvkhoc rvtueq Taungjix rueq tsuingshiq muex, “Nuimshiq Pharise nuk rueq panx nuiyc kok htenc kuex vtsec kox dvyx tvsawc vshuinx, yuq muinz nuimshiq vmungx kox nuex kuex yauk laungc yalawx, kvkax kvwax vnyvlc thuinz, honc vbac thuinz dvyx mvrc vtuinx.

Luke 12:42

Taungjix rueq tvralc tueq, “Kvkhoc ngoz ruiux tvmtuing vhttax nuiyc kenririx httax jix nvrc waz kuex mruex jix lac? Yuimx taungjix waz rueq nvrc waz hez guimz lawc tvkoc nuiyc phuiuz svy juing phvlc kuy tvkoc vthvl taq nvrc waz kvruex rvtueq.

Luke 13:15

Taungjix rueq piq muex, “Kvyonc yuk jix nuk lex! Nuimshiq lotlaz rueq Vguilc Raungnuiyq suiux vmanx nuiyc mvre htenc kuex ruk wawc dauz vtueq, yuix tvnuingc kuy tvkoc shvlx laq ruiux shuinx.

Luke 17:5

Kamx waz hez rueq Taungjix muex, “Nuiyshiq kvmluimx thuinz tvpaung kuq koq,” ngoz tueq thoz tueq.

Luke 17:6

Taungjix rueq, “Nuimshiq kvmluimx thuinz kuex yekex lix tanc saz httax ruiux yuq, nuimshiq rueq vruex ruiybanc jungx lex, ‘Vruingx maq kvbaungc wvnc vtueq, svmuktvrax nuex kemkaz kuiuz!’ ngoz ruiux yuq nuimshiq kvjaz kuex tay shuex.

Luke 18:6

Taungjix rueq, “Tsuingmuq ruxmuq phoc waz rueq jungx yaq kvjaz kuex tay tvtsuingc shuinz.

Luke 19:8

Zake kuex kvtenc jvp vtueq Taungjix muex jungx tueq, “Tay shuiuz! Ngvy tsak vnyvmx htenc wawc wvyvmc kuex htemc saz jix muex phvlx kuq shaungx, kvmaq miq washiz shiz tsak vnyvmx ngaz rueq mop saq gay tauk ngoz ruiux yuq muinz htvmx bvlic tvrvp vtueq htuimz kuq shaungx,” ngoz tueq.

Luke 22:61

Kvkaq Taungjix kuex kvroz vtueq Peter kox nuex lawc tueq, kvkaq Peter kuex, “Invp wuz max wvrc nuex mnoz rueq ngaz ngoc tuiuz mauk ngoz tueq lauk thuimx kvduimx kaz tuiux,” ngoz tueq Taungjix rueq piq muex jungx tueq kvjaz kuex tvmaung lvp tueq.

Luke 24:3

tsuinghez kuex luip mungx nuex nyuip wuez tueq; yuq muinz Taungjix Yesu maungx kuex khiz muq.

Luke 24:34

Kvruex hez rueq muinz, “Taungjix kuex vsuing yuing kvtenc wvnc vtuex! Vpiq kuex Simon muex muinz kvkhic kaz tueq!” ngoz tueq rvjungc wuez tueq.

Luke 7:12

Ghaqyungx palx kaluix nuex httuiuc wvnc tueq nuex, vthueyc vruez kaz miq vshiz kuex luip kay tvkoc maungx pic lvy jix kaz yaq. Thueyc kaz tueq waz kuex mvntix nyuiuz shiz piq saz miqwaz saz vshiz lauk lauk rvtueq, nuk miqsaz htenc vkung vdaungx muinz mvntix nyuiuz rulc vdvmz kaz naungx yaq.

Luke 7:14

Kvruex yimaq vpiq kuex vhep nuex kaz vtueq maungx pic juing kuex tuingc wung tueq, vpic lvy jix htenc muinz suingx jvp wuez tueq. Yesu rueq, “Yalxrox waz lex! Ngaz rueq mnoz muex nvr vphaungx, kvtenc kuiuz!” ngoz tueq.

Luke 7:19

Taungjix kox nuex tvkaz tueq, “Mnoz kuex Yohan rueq jungx yaq httuiuc kaz yaq waz kvruex haz rvtonx? Shuex miq vnyalx washiz muex jix nuiyshiq thuinz tvluimc bvmc juing lac?” ngoz tueq wiz tueq.

Luke 8:52

Nox yalxjuik saz kvruex thueyc kay ningkhvnc nuex miq htenc kuex khoar nyerx wuez tueq. Yesu rueq, “Nauk khoar kaz piq kuex vthueyc rvkaz vtuex rvmuq kvtsoalx rvkaz!” ngoz kuq tueq.

John 11:2

(Mary kuex Taungjix yaz nuex murra vhomc tix maq shvy kuq ruiux, piq khux mul maq tuit kuy jix nyuiuz rvtueq, vthuiuz jix Lazaru kuex piq nox rvtueq.)

John 11:3

Kvkaq vnyaz nuiyc rueq, “Taungjix lex, mnoz rueq lungwawc hvlc waz vthuiuz rvkaz,” ngoz tueq Yesu muex bomjungc tvtay kuq tueq.

John 20:13

Tsuingnueyc rueq, “Yalxjuik nyuiuz lex, yvmx ngoz tueq lac khoar vtuiux?” ngoz tueq wiz tueq. Piq rueq, “Ngvy Taungjix waz maungx kuex lvmz laq vtueq, m-yuq wueq taq gay kaz tvnx ngaz rueq tuiuz mauk ningkhvnc nuex!” ngoz tueq tvralc tueq.

John 20:15

Yesu rueq, “Yalxjuik nyuiuz lex, yvmx ngoz tueq lac khoar vtuiux? Ukhaq lac thuiyx vshuiux?” ngoz tueq wiz tueq. Mary rueq vpiq kuex sunc bvmc jix waz shvmx ngoz tueq, “Iphuz lex, vpiq maungx kuex mnoz rueq lvmz wvnc toq ngoz ruiux lec m-yuq lac taq gay tonx ngaz muex tvkhic kuq koq, ngaz rueq tvyenc lvmc kay muex,” ngoz tueq jungx tueq.

John 4:1

Yesu rueq Yohan htauk nuex muinz vjvnc yuix luip lvmz kuq vtueq sangac tvyaungc yaq kuex Pharise nuk rueq tay tueq.

John 6:23

Yuq muinz Tiberia wawc vkaz lix htenc kuex Taungjix rueq kejux vyungx ngoz ruiux, nuk miqsaz htenc muex wanx tv-phauk saq tueq baung kvyuq httuiuc kaz wuez tueq.

1 Corinthians 7:30

Vkhoarc vnyerc jix muinz vthuinz bac muq ikhoc, vnuey rvyaq jix htenc muinz kokez muq ikhoc, pvkac pvylvyc jix waz muinz yvmx muinz vguez waz ikhoc,

1 Thessalonians 4:13

Nuiyshiq phunox bix lex, tvluimc juing vguez vganc jix miqsaz htenc ikhoc nuimshiq yonzyec rvhumc muit mruez kueq, nuiyshiq rueq vthueyc kay wuez jix nuex seng vtueq rvkhauk laz vlvmz kuex nuimshiq muex tvtuiuz kuq vphix.

Hebrews 2:17

Kvkhoc rvtueq vpiq rueq miqsaz mvrax htenc dawc kuy rawc nuex, menjenc thuinz nuiyc tvmtuing mvrc yaq Shomc Wayungx ikhoc maq, Tishox yauk shuimc shuimc kuy tvkoc phvnx ruip saz nuex vphuz vnox tamx rvhumc yaq lvmz htenc kuex tsuingshiq rulc vdvmz rvhumc wvnc tueq.

Hebrews 4:15

Naungshiq Shomc Wayungx kuex naungshiq hungc vlaungc nulx jix muex menjenc kuq muq waz rvmuq. Naungshiq vkhoc lvmx ruip saz laulawc rvhumc wvnc tueq, yuq muinz mvrax vguez Shomc Wayungx naungshiq rueq lvp wvnc tiq.

PHOWEBI 10:16

Kvkhoc rvtueq mungganc tishox htenc kuex tsuingshiq rueq tuip gay ruiux, Yehowa muex nawk palx wvnc wuez tueq; vpiq rueq muinz Israel miqsaz rvhumc yaq kuilc daz jamjaux yaq kvmac vthuinz thuiuz tueq.