Luke 7:14 - Hawa Naga Bible 2001

¹⁴ Kvruex yimaq vpiq kuex vhep nuex kaz vtueq maungx pic juing kuex tuingc wung tueq, vpic lvy jix htenc muinz suingx jvp wuez tueq. Yesu rueq, “Yalxrox waz lex! Ngaz rueq mnoz muex nvr vphaungx, kvtenc kuiuz!” ngoz tueq.

ASII LAKDAP Bible (BSI)

¹⁴ Raütiishe, apaiq ka tiisotsaq raüta, ajaq maq maiq ma tek na shamto. Kiimaq maiq ma pitibi min chapsaq achap riikito. Kiijiishe, Jesuq raq, “Norii we loi! Ngi chongpha, tiido laq, laüta chap laq!” nguta ama we kra thaüto.

Muklom

¹⁴ Ethi jio utik angtey rel thináng ka eq piq aa raang tha tatitta, piq máng somtey tang miqtang tha langta. Jesu aa batta, “Jaro wa! Nga batphang, shat u!”

Luke 7:14 Referencias Cruzadas

1 HOKHVMX 17:21

Kvruex yimaq Eliya rueq piq shauk pumz kuex nox htauk kvyuq lauk thuimx bumx vtueq, “O Yehowa ngvy Tishox lex, vruex nox vmac thuiuzthuic htawc kuq yek koq!” ngoz tueq vjux thoz tueq.

1 HOKHVMX 17:22

Yehowa rueq muinz Eliya vjux thoz bomc kuex tvralc kuq ruiux; nox nuex thuiuzthuic nyuip wvnc yek vtueq tvraungx wvnc yek tueq.

YOBA 14:12

miqsaz kuex thueyc kaz ruiux yuq, mkaq muinz kvtenc waung yek tuex rvmuq. Raungx httax yaq wawwawx tsuing-shiq kuex mkaq muinz kvtenc waung yek tuex rvmuq; tsuingshiq kuex kvtsoalx rvlauk wvnc vtueq mkaq muinz kvmoay shay tuex rvmuq shex.

YOBA 14:14

Miq kuex thueyc kaz ruiux yuq, tvraungx lot yek tuex haz? Yuq muinz vkuilc vdaz rvhumc taungx vruex vkhing htumx nuex httuiuc laz bvmc vtueq, vhvlx pinhtumc vkhing htenc kuex bvmc shaungx.

Tvtsvmc 33:9

Piq rueq jungx koq tueq mung-kawx yaungx wvnc tueq; vpiq rueq nvrc bomc tvdvy koq tueq phvnx ruip saz kuex dung wvnc wuez tueq.

ISAIA 26:19

Vthueyc kay wuez naungshiq miqsaz htenc kuex yuing kvtenc waung yek tuex! Tsuingshiq shauk pumz htenc nuex thuiuzthuic httax wvnc wuez tuex. Tsuingshiq luip ruiuz khux htenc nuex kvtsoalx wvnc jix htenc lotlaz kvsvmc wuez vtueq vkoz vkez maq shix ngoyx wuez tuex. Phez luiz yaq tsuik hek htenc rueq ghaq tvhttuingc yek yaq ikhoc, Yehowa rueq mvnnuex pat nuex vthueyc kaz hez htenc kuex tvyuing yek shuex.

Mark 5:41

Nox yauk kuex vpiq rueq shuimx vtueq, “Talitha, koum,” ngoz kuq tueq, kvruex vlvmz kuex, “Yalxjuik saz lex kvtenc kuiuz, ngoz tueq ngaz rueq jungx vphaungx,” ngoc rvtueq.

Luke 7:13

Taungjix rueq kvruex nyuiuz kuex khiz vtueq menjenc sac vtueq, “Nauk khoar kaz,” ngoz tueq.

Luke 7:15

Vthueyc vruez kaz waz muinz kvtenc ngaungc vtueq kvjak phaungc wvnc tueq, Yesu rueq kvruex waz kuex vnyuiuz muex lekuq tueq.

Luke 7:17

Yesu rueq vkhoc shuimx wvnc tueq lvmx kuex Yuda mungx wvmungx tuimx nuex nuiyc kvruex ghaq tvroz baung ruip saz htenc nuex nyvmc wvnc tueq.

John 11:25

Yesu rueq piq muex, “Ngaz kuex vyuing kvtenc wvnc juing lvmx nuiyc thuiuzthuic tvraungx lvmx rvtauk. Ngaz muex kvmluimx jix waz kuex thueyc ruiux muinz vyuing kvtenc rvwvnc tuex.

John 5:21

Iwaz rueq vmaungx jix htenc kuex tvyuing tvtenc vtueq rullungx tvraungx kuq wvnc tueq ikhoc Vsaz rueq muinz vpiq thuinroc jix muex rullungx tvraungx kuq tueq.

John 5:25

Ngaz rueq nuimshiq muex jungx kuq ix, vthueyc kay wuez jix htenc rueq Tishox Saz thuic bomc kuex tay wvnc lvp vkhing httuiuc wvnc tuex, kvruex vkhing kuex majuiuc doc muinz httuiuc wvnc vtuex shex. Kvruex tay wvnc jix hez kuex rullungx tvraungx httax tuex.

Romans 4:17

Rumvrc luik nuex, “Ngaz rueq mnoz kuex miq ruip rawx muex vwaz tvyaungc phaungx,” ngoz tueq wuiyq shec tueq rulc rv-ngvlc Tishox htumc nuex kvruex bomkhvmc kuex tv-phaungx yaq. Tishox kuex Abraham kvmluimx yaq Tishox, vthueyc wawc tvyuing tvtenc wvnc jix Tishox, mvnnuex yaungx wvnc muq phvnx htenc kuex yaungc wvnc tvkoc nvrc jix Tishox rvtueq.

Ephesians 5:12

(Tsuingshiq rueq vguiuq vyumx maq vshuimx yauk shuimc htenc kuex tvkhic tvkoc pinhtumc yvlc svy juing rvtueq.)