Luke 7:12 - Hawa Naga Bible 2001

¹² Ghaqyungx palx kaluix nuex httuiuc wvnc tueq nuex, vthueyc vruez kaz miq vshiz kuex luip kay tvkoc maungx pic lvy jix kaz yaq. Thueyc kaz tueq waz kuex mvntix nyuiuz shiz piq saz miqwaz saz vshiz lauk lauk rvtueq, nuk miqsaz htenc vkung vdaungx muinz mvntix nyuiuz rulc vdvmz kaz naungx yaq.

ASII LAKDAP Bible (BSI)

¹² Apaiq ka chela ruk kilam na saü wan ri, maiq ma lapkaiti maiq ka kongshi chela mong maq adongho kriirai riihumto. Kra ama we ka manti-nyung se riito. Apaiq ka sekhuq laqlaq se riito. Manti-nyung rai chela wa maiq ma lapkai akidamti maiq ka pahea riito.

Muklom

¹² Ning tha samhaq kalung náng sey thu atho, khakla eshi samhaq sho miqtang aa miq màng ashey som kat chey ta. Eshi miq tita sha notinu ang aa thima usa ashey dang angta. Etho eshi nu jamna eshi samhaq wang miqtang daqhan angta.

Luke 7:12 Referencias Cruzadas

RAPHA HIQWA LAK 22:12

Raungkamx waz rueq, “Nox kvruex nauk tuingc kaz, piq kuex yvmx muinz nauk ruez kaz. Msaz washiz lauklauk kuex vpiq muex kuy tvkoc mnoz rueq tvlvlc muq rvtoq ningkhvnc nuex, Tishox muex mnoz hiyaz tvtsanc nganc vtueq tay phvnx vshuiux kuex majuiuc ngaz rueq tuiuz tauk shex,” ngoz tueq jungx tueq.

RAPHA HIQWA LAK 22:2

Tishox rueq, “Mnoz rueq pinhtumc lungwawx vshuiux msaz Esak kuex shvlx wvnc vtueq Moria mungx nuex waung kuiuz. Ngaz rueq tvkhic phaungx kanx htauk kvmaq piq kuex shomc nawk kuy juing muex tvyaungc vtueq ngaz muex shomc kuq koq,” ngoz tueq jungx tueq.

2 SAMUEL 14:7

Kvkhoc rvtueq jiyungx waz lex, majuiuc ngaz muex taungnyuing sanox hez rueq ngaz muex thaungthoz naq vtueq, isaz vnox waz rueq vphuz thvt gay tueq ningkhvnc nuex piq kvmuinz thvy gay tvkoc tsuingshiq muex isaz kuex lekuy tvkoc thoz yaq. Ekvkhoc tsuingshiq rueq ruez ruiux kuex miqwaz saz vshiz muinz lvp mauk maq gay shec rvhumc taungx. Ngaz rueq vtvsuip nuex tvluimc juing kuex tvbac kuq gay ruiux, itaungx waz piq muingc tvraungx tvkoc miqwaz saz kuex tvmaq kuq gay phuex,” ngoz tueq tvralc tueq.

1 HOKHVMX 17:12

Piq rueq, “Ngaz kox nuex wanx phushiz muinz vguez lvmz kuex vtvraungx httax yaq Yehowa m-Tishox muex kvtuemc vtaungx. Panx nuex wansawx yauk khunc shiz saz nuiyc tuik nuex olip puiz raungluingx saz dvyx httax yaq. Kvruex kuex ngaz rueq vlvp lotlaz rvtueq, vruex wawc janx raungluingx kuex ngaz rueq htuimx ruiux yuimx nuex gurx wvnc vtueq isaz nvnueyc tvkoc raungluingx saz maq tvhungx vshaungx. Kvruex wanx kuex isaz nvnueyc tvkoc vtvsuip phuiuz svy shex rvtueq, kvruex yimaq kuex rvmc rueq thueyc juing dvyx shex rvtueq,” ngoz tueq jungx tueq.

1 HOKHVMX 17:18

Mvntix nyuiuz rueq Eliya muex ngoc, “Tishox miq waz lex, yvmx ngoz tueq lac vkhoc ngaz muex rvkuq phux? Tishox rueq ngvy mvrax kuex tvsvmz kuq ruiux, isaz kuex tvthueyc gay tvkoc vyuq mnoz httuiuc kaz ruiux nyix?” ngoz tueq.

1 HOKHVMX 17:23

Kvkhoc Eliya rueq nox kuex tvjvp ruiux ghaq htvp nuex shvlx laq vtueq vnyuiuz muex ngoc, “Lawc shuiuz, msaz kuex vtvraungx!” ngoz tueq.

1 HOKHVMX 17:9

“Majuiuc mnoz kuex Sidon ghaq hep wawc Zarephat ghaq nuex httax kaz kuiuz. Kvruex ghaq wawc mvntix nyuiuz rueq mnoz muex kuy phuiuz svy tvkoc ngaz rueq nvr tauk,” ngoz tueq jungx tueq.

2 HOKHVMX 4:16

Elisha rueq piq muex ngoc, “Raungwawx vtanc jauz m-yauk nuex miqwaz saz vshiz pvmx shuiux,” ngoz tueq jungx tueq. Yalxjuik nyuiuz rueq, “O! Jiyungx waz lex, kejux maq ngaz muex nauk rot kaq vkueq. Mnoz kuex Tishox miq washiz rvtoq!” ngoz tueq jungx tueq.

2 HOKHVMX 4:20

Nox kuex nvrc waz rueq boq vtueq vnyuiuz kox nuex taq waung tueq, piq kuex raungnuiyq shalhtungx nuex httuiuc laz vnyuiuz pvmc nuex ngaungc hvt maq dvyx thueyc kaz tueq.

YOBA 29:13

Jvnc vtueq kuilc daz rvhumc jix htenc rueq ngaz muex tvtsvmc wuez yaq, ngaz rueq mvntix nyuiuz tamx muex kvwungx juing humc kuq laz juing romc kuq tauk.

JEKERIA 12:10

“Dawid suiuz vsaz phvnx htenc nuiyc Yerusalem nuex httax yaq vganc miqsaz htenc muex menjenc siyac nuiyc vjux thoz siyac kuex tvmvrc kuq shaungx. Tsuingshiq rueq tvthueyc laz shuiuq gay tueq waz kuex lawc vtueq saz lauk saz tvkoc yonzyex yaq ikhoc, vpiq tvkoc khoar yonzyex wuez tuex. Tsuingshiq kuex miqmac saz pekhux waz tvmoz gay tueq hez ikhoc khuip khaq laz yonzyex wuez tuex.

Luke 7:11

Mtanc httax muq nuex Yesu kuex Nain ngoz yaq ghaq nuex waung wvnc koq tueq, vpiq sangac bix nuiyc nuk miqsaz kung yungx muinz vpiq rulc vdvmz kaz naungx tueq.

Luke 7:13

Taungjix rueq kvruex nyuiuz kuex khiz vtueq menjenc sac vtueq, “Nauk khoar kaz,” ngoz tueq.

Luke 8:42

yvmx khoc lac ngoz ruiux lec wawc 12 miq vsaz yalxjuik saz vshiz lauk lauk saz kuex pat khvmkhvmz thuiuz hvlc rvtueq, Yesu rueq muinz phvnx wvnc naungx koq tueq miq htenc muinz vpiq nuex kvtuingc wuez tueq.

Luke 8:52

Nox yalxjuik saz kvruex thueyc kay ningkhvnc nuex miq htenc kuex khoar nyerx wuez tueq. Yesu rueq, “Nauk khoar kaz piq kuex vthueyc rvkaz vtuex rvmuq kvtsoalx rvkaz!” ngoz kuq tueq.

John 11:19

Mahta nuiyc Mary kuex vyungx waz moz wvnc ningkhvnc nuex sitenc yatenc kuy tvkoc Yuda miqsaz paunghvlc kaz tueq.

Acts 9:39

Kvkhoc rvtueq Peter muinz tsuingnueyc rulc vdvmz nuex kaz naungx tueq. Piq httuiuc kaz tueq rulc rv-ngvlc tsuingshiq rueq piq kuex raunghtvp khok nuex shvlx wvnc tueq. Mvntix nyuiuz tamx htenc muinz khoar yaq lvmx maq piq hep nuex rvtuimx jvp vtueq, Dorka max thueyc jauz vtauk svmhung htenc nuiyc vmungx wawc hungsaz htenc kuex tvkhic wuez tueq.

Acts 9:41

Peter rueq yauk tvlanc vtueq yalxjuik saz kvruex tvjvp het tueq, kvruex yimaq jix mvntix nyuiuz tamx rulc vdvmz kvmluimx jix miqsaz htenc kuex gvl vtueq rullungx vtvraungx Dorka kuex kuq tueq.

James 1:27

Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.