Luke 7:12 - ASII LAKDAP Bible (BSI)

¹² Apaiq ka chela ruk kilam na saü wan ri, maiq ma lapkaiti maiq ka kongshi chela mong maq adongho kriirai riihumto. Kra ama we ka manti-nyung se riito. Apaiq ka sekhuq laqlaq se riito. Manti-nyung rai chela wa maiq ma lapkai akidamti maiq ka pahea riito.

Hawa Naga Bible 2001

¹² Ghaqyungx palx kaluix nuex httuiuc wvnc tueq nuex, vthueyc vruez kaz miq vshiz kuex luip kay tvkoc maungx pic lvy jix kaz yaq. Thueyc kaz tueq waz kuex mvntix nyuiuz shiz piq saz miqwaz saz vshiz lauk lauk rvtueq, nuk miqsaz htenc vkung vdaungx muinz mvntix nyuiuz rulc vdvmz kaz naungx yaq.

Muklom

¹² Ning tha samhaq kalung náng sey thu atho, khakla eshi samhaq sho miqtang aa miq màng ashey som kat chey ta. Eshi miq tita sha notinu ang aa thima usa ashey dang angta. Etho eshi nu jamna eshi samhaq wang miqtang daqhan angta.

Luke 7:12 Referencias Cruzadas

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

RAPHA HIQWA LAK 22:2

Shiikeawe raq nguto, “Ümse ka shea wanlaq. Ümse sekhuq laq laq se Isak kra, ümniiraq pinthum lungwiitlaü kra. Laüta Moria wang kiina walaq. Kiijaq Ngi raq hiqlam ashi ümniima mitiichhikuq kang. Kiijaq apaiq ka Ngi ma honglu na takuq laq.”

2 SAMUEL 14:7

Kiimaq tuwe lei, ümchaü ijamtitiim thun ka tarü ngi ngengti siisaq she jakito. Tsangshiq raq ise ashi kiimin tsangshiq jaq na kiinong kebaiq raa nguta ngi ma shiitep-hoto. Raüta tsangshiq raq apaiq aphu phuk lam miitu tseabaiq ma nguta rittlo. Tsangshiq raq kra klo raü la, tsangshiq raq ngi ka laihü miishe mitiijabaiq. Raüta tsangshiq ka ngi ranphan chang raüpaq kriishe michumbaiq. Raüta iwese wulumwe maa ka alai min ahü miishe chongthum mitiijabaiq.”

1 HOKHVMX 17:12

Kiijiishe kriinyung raq treto, “Atra üm Tatiwe, üm Shiikeawe mang na tiitum lata chongtiikang, ijaq na winsü ka ahü. Ijaq niika ralangse chonkhi laqlise jaqphishi tin bunwong win se sorea winse na athüha kriili asi. Kiimaq ralang khampüse ikha olip tai hamlii tsabum cha niise asi kriili. Ngi ümchaü arjaq kikang arka chinkiisetiim riichomkai nguta kikang. Lata ara jam na lam wan lata, ijaq na jamlai wa chonkhi laqli se sitlaq kriimaq ise nainai miitu winsü kophaq ma nguta kikang. Kriika ise nainai ma maapong phaqsea miraq. Kra laita nainai ka amang maq tsai wan chang lishe miraq.”

1 HOKHVMX 17:18

Kiijiishe kriinyung raq Elija ma akha nguto, “Shiikeawe maiqse lei, ümniiraq ngi ma akhlanglang chamchao ka jam nguto tiisaü laü? Ümniika arjaq ngi ngarai ka Shiikeawe ma tiichhike wa miitu sha walaü? Laüta ise ka tiitsai wa sha walaü?”

1 HOKHVMX 17:23

Elija raq no ka hiqthong jam kiiniishe doho nongto. Raüta anyung miishe kuqto. Raüta anyung ma, “Liilaq, ümse ka atra sam wato she!” nguta nguto.

1 HOKHVMX 17:9

“Ümchaü ümniika Sidon chela tho na Jarephath chela niishe walaq. Laüta kiijaq siwakiq. Ngi raq kiijaq siti mantinyung ashi ma ümnaq dunghea miitu aming atatkun she.”

2 HOKHVMX 4:16

Kiijiishe Elisha raq kriinyung ma chongto, “Rawii atincho akhing na ümse maiq wese ka ümjaq na doraüshe mirhaü.” “O! shiilangwe lei, ümniiraq ngi ma arot naq chongkiq. Ümniika Shiikeawe maiqse!” nguta kriinyung raq awang rai lam maq bomto.

2 HOKHVMX 4:20

Jaqshise raq no ka boq wan raüta anyung phana shea wanto. Anyung raq no ka ranaiq shethung na saüli ahokpum na doraüta ngato. Kra akhing na ka tsaikito.

YOBA 29:13

Chamchao sangrai maiqsetiim raq ngi li shomra wanto, kiimaq ngi raq manti-nyungre ka tiikhup wongkuq kang.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

Luke 7:11

Kra jai maq jaqlo miili Jesuq ka Nain chela na wato. Apaiq rai ajaqshisetiim nai mungmaiqse min pahea wadamto.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 8:42

Apaiq raq akha tiipaiqneataq kriika, ase, jechakse, seshi laqlaqse, wiiroqshi ri wiinai maiq kriika, tsihea langlang, tsaija chhunja riito. Kriikha maq apaiq ka tiipaiq neato. Krai mren, Jesuq ka apaiq rai wadam akhum she riito. Kra akhing na mungmaiqse ka apaiq trotam na riitsap riikhat riiphong rai wanto.

Luke 8:52

Kiijaq, maiq thungtaq thun kriika, maaho manyi trang riito. Jesuq raq, “Naqhoq rongkiq. No ka tsai mak. Apaiq ka akon jali!” nguta tsangshiq ma chongkuqto.

John 11:19

Krai mren, ano tsaijai Martha nai Meriq ma tsaido jido, majo bom chongke kai akirai, nokmaiqse ka pahea asi.

Acts 9:39

Krai mren, Petar ka tiidopot raüta, apaiq heakaiti rai wawan damto. Apaiq saüwa kiitiishe, tsangshiq raq apaiq ka rathong khok kiina shea wanto. Kiijaq manti-nyungre ka apaiq tro na riitam ngato. Tsangshiq ka aho anyi lam maq, Dorkas raq atra siji na samtong nai samtong jong ataq thun kra, Petar ma tiichhi raüta hoq trangto.

Acts 9:41

Kiijiishe, Petar raq kra nyung ka ajaq maq kamsaq raüta, tiichapto. Raütiishe, Petar raq Jesuq jaqshisetiim thun ka wiita, manti-nyungre miitaq, rin niiwa, jam mong niishe hali tiijang hea nong raüta, Dorkas ka atra she, tsangshiq jaq na kiinong kuq thüto.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.