Luke 15:5 - Hawa Naga Bible 2001

⁵ Kvruex humc ruiux yuq pinhtumc vkoz vkez maq piq phauk luimx nuex pix vtueq yuimx nuex yek waung tuex.

ASII LAKDAP Bible (BSI)

⁵ Riita, ümtiikiiwa apaiq raq kra skuse ka hum jiiq, apaiq ka kai chojong chise she, skuse ka aphaq lam na pisaq raüta miboq wan.

Muklom

⁵ Etho bi eq eshi kelwut sha kap ajo, sungrang eq eshi kelwut sha sukkang o tunpey na;

Luke 15:5 Referencias Cruzadas

ISAIA 62:12

Mnoz kuex “Tishox muex Vsawc miqsaz, Yehowa rueq vpalc wvnc miqsaz,” ngoz tueq ngoz shuex. Yerusalem kvmuinz “Tishox rueq Lungwawx yaq Ghaqyungx,” “Tishox rueq Tuip gay Muq Ghaqyungx,” ngoz tueq ngoz shuex.

ISAIA 62:5

Yalx rox waz rueq yalxtux nyuiuz kuex piq tvkoc nyuiuz nyalx nyuiuz muex tvyaungc yaq ikhoc, Vpiq rueq mshvmx kuex tvhungx vtueq lvmz kv-phux. Waz nyalx waz rueq nyuiuz nyalx nyuiuz kuex raungc raq yaq ikhoc, M-Tishox rueq mnoz kuex raungc raq kv-phux.

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

EJEKIEL 18:23

Johvlc Yehowa rueq, “Layx bac jix miq thueyc kaz tueq kuex khiz ruiux yuq ngaz vkokez rvtuex ngoz tueq haz tvmaung shuiux?” ngoz tueq wiz tueq. Piq rueq, “Rvmuq, piq thuinz kvlayc wvnc vtueq tvraungx httaz kuex ngaz rueq pinhtumc khiz roc vshaungx.

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

Mikha 5:4

Vpiq httuiuc kaz tuex nuex, vpiq kuex Yehowa kox wawc hungc vlaungc nuiyc Yehowa Tishox vpiq ngauz vngax maq vpiq miqsaz kuex guimz wvnc shuex. Vpiq miqsaz htenc kuex kvwungx httax tuex, yvmx khoc lac ngoz ruiux lec ghaq wawc miqsaz lotlaz rueq vpiq yungx luz yaq kuex kvjungc wuez tuex,

Mikha 7:18

O Yehowa lex, mnoz rulc rv-ngvlc jix vganc tishox vguez; kvjungx yaq mmiqsaz htenc rueq khawx lvlx yaq mvrax htenc kuex dawc kuq shuiuz, mnoz kuex pattup thuinkhaq vtuiux rvmuq, yuq muinz mnoz kuex nuiyshiq muex phaungx ngaungx yaq lungwawc thuinz taq vshuiux.

JEPHANIA 3:17

Yehowa nuimshiq Tishox kuex nuimshiq rulc vdvmz httax yaq; vpiq luimc vkawc maq nuimshiq muex taungx wvnc lvmz kuq yaq. Yehowa rueq nuimshiq kuex raungc raq wvnc vtueq, vpiq lungwawc thuinz maq nuimshiq muex rullungx vnyalx kuq kv-phuinx. Vpiq kuex mnoz ningkhvnc nuex kokez shic kuex shiz tuex,” ngoz tueq.

Luke 15:32

Yuq muinz mnox vruex kuex vthueyc kay wuez wawc vyuing waung, vmoz kay wuez wawc humc lvp tiq ningkhvnc nuex naunghez muinz kokez thuinz maq phuiuz svy piauc liauc rax yaq,’” ngoz tueq.

Luke 15:4

“Nuimshiq phungc wawc miq washiz rueq khelbuenx shashiz wawc vshiz moz kaz ruiux yuq, piq rueq yvmx khoc lac rvshvnx? Piq rueq rok tvkuiuz rac tvkuiuz kuex vremc juing baung nuex taq gay shec ruiux, vmoz vrvkaz kuiux kuex humc muq wawwawx thuiyx ruq thuiyx yaq.

Luke 15:6

Piq yuimx nuex httuiuc waung ruiux yuq piq kungjix htenc nuiyc yuimx phic yuimx phaungx wuinz htenc kuex gvl vtueq, ‘Vmoz vrvkaz khelbuenx saz kuex ngaz rueq humc tauk, kvkhoc rvtueq ngaz rulc vdvmz kokez naungx kuit!’ ngoz tueq ngoz shuex.

Luke 19:9

Yesu rueq, “Majuiuc raungnuiyq vruex yuimx vyuq palc daungc wvnc lvmx httuiuc kaz tueq, yvmx khoc lac ngoz ruiux lec piq muinz Abraham suiuz vsaz rvtueq.

Luke 23:43

Kvkaq Yesu rueq, “Ngaz rueq mnoz muex vsuing jungx kuq ix, majuiuc raungnuiyq dvyx mnoz kuex ngaz rulc vdvmz nuex Paradisu nuex httax tuiux, ngaz rueq bomkhvmc kuq vphaungx,” ngoz kuq tueq.

John 15:11

“Ngvy kokez thuinz kuex nuimshiq nuex httax vtueq, nuimshiq kokez kuex mvrc wvnc tvkoc kvjaz vruex ngaz rueq nuimshiq muex vjungc kuy wuez shex rvtueq.

Ephesians 2:10

Naungshiq kuex Christu Yesu rulc vshiz yaungx vtueq, vpiq rueq vtvhungx htaungx shec yauk shuimc vhvlx kuex shuimc kay tvkoc, Tishox rueq naungshiq kuex tvdung sung shec phuex.

Ephesians 3:7

Vpiq luimc vkawc yauk shuimx yaq rulc rv-ngvlc, ngaz muex Tishox rueq vkuq htep yauk noalc maq shuenruenc bomjungc nvrc waz muex ngaz kuex tvyaungc phuex.

1 Thessalonians 1:5

Yvmx khoc lac ngoz ruiux lec nuiyshiq rueq Thuix Thaungx Vhvlx kuex kvjaz maq dvyx rvmuq, luimc vkawc maq muinz, Vsawc Siyac maq muinz, kvruex thuix thaungx vhvlx vsuing rvtueq lvmx tvsawc ric kvmluimx thuinz maq muinz, nuimshiq kox nuex lvmz laq vtueq jungphvnx kuq vphix. Nuiyshiq kuex nuimshiq rulc vdvmz httax tiq nuex, nuimshiq vhvlx httaz laung nuex nuiyshiq yvmx khoc lac rullungx tvraungx httax wvnc tiq nguinx lvmz kuex nuimshiq rueq tuiuz vshuinx.

2 Timothy 2:26

Kvkaq tsuingshiq rueq vlvmz khiz wvnc vtueq Htaungc waz rueq vtsanc bix wawc dung wvnc lvp tuex, kvruex htaungc waz rueq tsuingshiq kuex lvp vtueq piq thuinroc lvmx nuex tv-phvnc yoalx shex waz rvtueq.

Hebrews 12:2

Naungshiq kvmluimx lvmx kuex vphaungc maq vtvsuip nuex httuiuc laz tv-phaungx kuy jix Yesu kuex lawc tvtsuingc taq wuez shuinz. Vpiq kuex vpiq rueq lvp wvnc juing rvtueq vpiq bvmc yaq kokez juing lvmx ningkhvnc nuex, yauk juinc bulx nuex thueyc tueq miqyvlc vsac kuex wvlc guez tvyaungc ruiux, yauk juinc bulx lvmx kuex thvl wvnc vtueq majuiuc Tishox hoc daungraungc vkeq kox nuex ngaungc yaq.

1 Peter 1:5

Kvruex kuex kvmluimx ningkhvnc nuex vtvsuip vkhing nuex mdung wvnc kueq ngoz tueq tvyoalc taq shec tueq palc daungc wvnc kejux kuex mlvp wvnc shueq, Tishox luimc vkawc maq tvkhup wungx kuy rvhumc jix nuimshiq tvkoc rvtueq.