Luke 15:6 - Hawa Naga Bible 2001

⁶ Piq yuimx nuex httuiuc waung ruiux yuq piq kungjix htenc nuiyc yuimx phic yuimx phaungx wuinz htenc kuex gvl vtueq, ‘Vmoz vrvkaz khelbuenx saz kuex ngaz rueq humc tauk, kvkhoc rvtueq ngaz rulc vdvmz kokez naungx kuit!’ ngoz tueq ngoz shuex.

ASII LAKDAP Bible (BSI)

⁶ Raüta, apaiq ka ajam na mishea wan. Raütiishe, apaiq raq akong akiimti bi nai apaiq jamthoti bi kra hea raüta, ‘Ngi ka ara i skuse, amo arki wa hum lata kai khoqriiq tiikang. Nashiq wiitarü adam na chochi rong i!’ nguta tsangshiq ma michong.

Muklom

⁶ etho him náng thoksom na. Ethi jio ning aa ujamtey tang etho himkhung thaktey tang thaji sha hal eq batna, ‘I kelwut ira mawang angta tha wey kap táng, ethi rangma rapney sungrang ang! Wangphin, nim ijamoq nok sungrang phin!’

Luke 15:6 Referencias Cruzadas

Tvtsvmc 119:176

Ngaz kuex vmoz vrvwvnc khel- buenx saz ikhoc khuemx moz vtaungx; mtvrac kuex tvlvlc gay mauk ningkhvnc nuex mnvrc waz rvtauk ngaz kuex lawc kaz loq.

Luke 1:58

Taungjix rueq piq muex vwangc juing kejux yauk shuimx kuq tueq lvmx tay vtueq, yuimx phic yuimx phaungx jix nuiyc vnuk vgaq phvnx kuex piq rulc roc nuex kokez naungx tueq.

Luke 15:10

Kvrulc rv-ngvlc ngaz rueq nuimshiq muex jungx kuq ix, Tishox raungkamx bix kuex mvrax vhttax miq washiz thuinz kvlayc wvnc ningkhvnc nuex kokez wuez yaq,” ngoz tueq.

Luke 15:24

Yvmx khoc lac ngoz ruiux lec isaz vruex kuex vthueyc kay wuez wawc vyuing waung rvtueq, vmoz wvnc wuez wawc vhumc rvtueq,’ ngoz tueq jungx kuq tueq. Kvruex kaq tsuinghez rueq phuiuz svy moalx tvhungx phaungc wvnc tueq.

Luke 15:5

Kvruex humc ruiux yuq pinhtumc vkoz vkez maq piq phauk luimx nuex pix vtueq yuimx nuex yek waung tuex.

Luke 15:7

Kvrulc rv-ngvlc ngaz rueq nuimshiq muex jungx kuq ix, thuinz kvlayc rac muq tvtsanc nganc aungx yaq miq rok tvkuiuz rac waz tvkuiuz ningkhvnc nuex kokez tix htauk nuex mvrax vhttax miq washiz thuinz layc wvnc ningkhvnc nuex raungmungx maq pinhtumc kokez wuez tuex.

John 15:14

Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.

John 3:29

Nyuiuz nyalx lvp jix waz kuex waz nyalx waz rvtueq. Waz nyalx waz piq kungjix waz kuex tvyoalc yoalx maq waz nyalx waz kvjaz tay yaq, piq kuex waz nyalx waz kvjaz tay lvp vtueq pinhtumc kokez yaq. Kvkhoc ngaz muinz thuinz nuex mvrc laz kokez vtaungx.

Acts 11:23

Piq httuiuc kaz tueq nuex miq htenc muex Tishox rueq yvmx khoc lac ruimrix kuq yaq nguinx kuex khiz vtueq, piq kuex vkoz vkez maq Taungjix nuex thuinz vmungx lotlaz maq tvmtuing httax tvkoc lotlaz muex honc tvsvmz jungx kuq tueq.

Acts 15:3

Phungc miqsaz htenc rueq tsuinghez kuex tvkaz gay tueq, tsuinghez Phoenikia mungx nuiyc Samaria mungx lvmx maq kaz vtueq, Pungnuk miqsaz htenc yvmx khoc kvlayc wvnc vtueq lac Tishox kox nuex kvroz wvnc wuez tvnx lvmz kuex jungphvnx kuq tueq; kvruex thaungc kuex tay vtueq lvmx kvmluimx jix miqsaz lotlaz muex tvkoz kez wuez tueq.

Philippians 1:4

Ngaz rueq nuimshiq tvkoc vjux thoz shaungx ruip rawx vkoz vkez maq thoz vshaungx,

Philippians 2:17

Mkhoc shoc maq nuimshiq kvmluimx tuinx kuex Tishox muex shomc kuq yaq shomc nawk kuy juing htauk nuex, ngvy thuiuzthuic tvguiy shvy kuy juing ngoz ruiux kuex, ngaz kuex kokez vtueq nuimshiq rulc vdvmz nuex kokez taungx.

Philippians 4:1

Kvkhoc rvtueq, phunox bix lex, nuimshiq kuex ngaz rueq pinhtumc lungwawx vtueq pinhtumc rvwvl vphaungx! Nuimshiq kuex ngvy kokez kvsomc parc juing muex yaungx tuit! Lungwawc phunox bix lex, Taungjix nuex vshiz dvyx yaungx vtueq rullungx tvraungx lvmx nuex phaungx duingduing jvp wuez kuinz.

1 Thessalonians 2:19

Naungshiq Taungjix Yesu laukshiz httuiuc kaz yek tuex nuex, vpiq htumc nuex nuiyshiq rueq nuimshiq kuex tvkhic vtueq, miqmac rueq lotlaungc wvnc tiq rawc nuex kvsomc parc lot tix, nuimshiq dvyx nuiyshiq thuinz tvluimc juing nuiyc kokez juing rvtuex. Nuiyshiq muex tvshomc parc, thuinz tvluimc tvkokez jix htenc nuex nuimshiq muinz lomx vtuinx!

1 Peter 2:10

Nuimshiq kuex mvnnuex laukshiz Tishox miqsaz htenc rvmuit, yuq muinz majuiuc kuex vpiq miqsaz htenc shex rvtuit, mvnnuex laukshiz nuimshiq kuex Tishox menjenc kuex tuiuz wvnc muit, yuq muinz majuiuc kuex vpiq menjenc lvp wvnc tuit.

1 Peter 2:25

Nuimshiq kuex lvmx tvmoz jix khelbuenx hez ikhoc yaungx wvnc tuit, majuiuc kuex nuimshiq siyac htenc tvkhup wungx kuq yaq Khelbuenx remc jix Waz kox nuex shex shvlc wvnc rvhumc vtuinx.