Luke 15:5 - ASII LAKDAP Bible (BSI)

⁵ Riita, ümtiikiiwa apaiq raq kra skuse ka hum jiiq, apaiq ka kai chojong chise she, skuse ka aphaq lam na pisaq raüta miboq wan.

Hawa Naga Bible 2001

⁵ Kvruex humc ruiux yuq pinhtumc vkoz vkez maq piq phauk luimx nuex pix vtueq yuimx nuex yek waung tuex.

Muklom

⁵ Etho bi eq eshi kelwut sha kap ajo, sungrang eq eshi kelwut sha sukkang o tunpey na;

Luke 15:5 Referencias Cruzadas

ISAIA 62:12

Namshiq ka “Shiikeawe sengi asii maiqsetiim,” ngutiishe mingu. “Tatiwe raq achhü wan maiqse” nguta mingu. Jerusalem ka, “Shiikeawe raq lungwiitlaq chela,” nguta mingu wan. “Shiikeawe Raq Thaqbaiq Mak Phan Chela” ngutiishe mingu wan.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

EJEKIEL 18:23

Tati Rakaü Hiqwe raq, “Namshiq nga, Ngi ka abiwe tsaitlaq kra liisea lungwiitlo ngutiisha tiima tlan?” nguta waito. “Riimak. Ngi riika apaiq ngarai kra tiidii raüta, atra siwan chhiro tiikang.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

Mikha 5:4

Apaiq she saüki raüla, Tatiwe ningkun aheng, akhum na sitlaq kriimaq, mung ka mipeng wan. Kiimahali Tati Shiikeawe khushü chhainyii heng maq, mung ka mipeng wan. Aphan amaq ka mung atsing miishe misi wan. Jamkhano ngukla mangjong maiqse kunli raq, apaiq jonglu kriishe misap wan.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

Luke 15:4

“Riita, bom shiiton i, namshiq phong wa maiq weshi skuse kong ka shishi asi. Kra phong kiiwa ashi ka rum na amii mirki. Raü jiila, apaiq raq jamlai wa miraq? Apaiq raq roqtiikaü ri tiikaü ka nyiipjaq phaq tiihai thü raüta, amo riikitaq se kra hum mak wiiwii, mirit ki.

Luke 15:6

Raüta, apaiq ka ajam na mishea wan. Raütiishe, apaiq raq akong akiimti bi nai apaiq jamthoti bi kra hea raüta, ‘Ngi ka ara i skuse, amo arki wa hum lata kai khoqriiq tiikang. Nashiq wiitarü adam na chochi rong i!’ nguta tsangshiq ma michong.

Luke 19:9

Kiijiishe, Jesuq raq tsangshiq ma chongto, “Ümchaü ranaiq Shiikeawe raq ara jamkun ara chhii wanto she. Ara jamkhano chong tiikang ngukla, apaiq armin Abraham saüse phan sii.

Luke 23:43

Kiijiishe, Jesuq raq, “Ngi raq chongtiikang arka tengteng. Ümchaü ranaiq li, ümniika ngi rai Ramungtan na misaü haü,” nguta apaiq bom ka treto.

John 15:11

“Ngi raq namshiq ma ara bomtsi chongkuq tiipha arka, ngi ka jamkho chochi tiikang, kiikhiisii, namshiq tsan mong niimin, chochi raq aliim ale she mima wan laq nguta chong kuq tiikang.

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

Ephesians 3:7

Ngi arka, Tsütsa Ahea kra chongke miitu, Shiikeawe raq akhek pong na, tiitsangdada atsea arwan. Raüta, Shiikeawe raq apaiq ningkun ka, i khum na kuq wantaq kriimaq, Tsütsa Ahea chongke wan jaqsham kra kuqto.

1 Thessalonians 1:5

Man na naishiq raq, namshiq ma Shiikeawe Tsütsa Ahea chongkuq wankai akhing na, namshiq ma nü maq chongke wan lamlamli ka riimak; shatmaq, namshiq ma Asii Wenyi ningkun ajong maq, awang chang jaqsham maq tiichhikuq kai. Kiimaq tengtlaq bomtsi chongkuqkai irka, pharangrang maq chongkuq wan kai. Naishiq ka, namshiq rai adam siwan kai liipan na, awongsii Phungmaiqse rilung ka jamkhii sichang wa, kra tiichhikuq kai. Irka namshiq ma ahea miitu tiichhikuq kai.

2 Timothy 2:26

Raüta, tsangshiq raq, maiqmii shutphit lam kra misap wan. Raüta tsangshiq ka Thawe raq, apaiq dikong ma shiinüm sha wan ma, apaiq thiikho mong na tiimin tlo nguta misap. Raüta Thawe thiikho mong wa milun wanlot.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.