Luke 10:2 - Hawa Naga Bible 2001

² Vpiq rueq tsuingshiq muex, “Tsvmz yut juing paunghvlc httax yaq, yuq muinz tsvmz yut jix miq vthvp saz. Kvkhoc rvtueq vpiq tsvmz yut juing nuex miq paunghvlc mtvkaz shueq vpiq kox wawc vjux thoz wuez shuinz.

ASII LAKDAP Bible (BSI)

² Apaiq raq tsangshiq ma chongto, “Tsamman rü ajut chang wak ka jonghea. Shatmaq, tsamjut miitu maiq ningchangti ka atsapse. Arkha maq, wakchongtiwe jaq wa achu jaü ronglaq, apaiq raq awak wa tsam kra jut miitu, maiq ningchangti ka apapa mitiiki laq.

Muklom

² Piq aa ning ma batta, “Cham ukhan eq ching daqhan ang aa, etharin jaksom lottey miq rapney akum. Ahan jak somlot tey miqtang thok rangma cham taqhantey tangteywa ching wang chu inn.

Luke 10:2 Referencias Cruzadas

1 HOKHVMX 18:22

Kvkaq Eliya rueq, “Yehowa shvmmax ngoz tueq ngaz washiz dvyx shex kvjungx vtaungx, yuq muinz Bala shvmmax kuex 450 httax yaq.

Tvtsvmc 68:11

Taungjix vnvrc bomc kuq koq tueq yalxjuik rulx paunghvlc rueq thuix thaungx kuex gurx wuez yaq:

JEREMIA 3:15

Ngvy kvjaz tay jix kuex nuimshiq guimz lawc muex kuq phaungx, tsuingshiq rueq nuimshiq kuex taksux nuiyc tuiuz tay yaq maq guimz lawc kv-phuinx.

JEKERIA 11:17

Khuec guez khelbuenx remc jix waz kuex vphoc rvhumc yaq! Piq rueq piq khelbuenx kung kuex tuip gay shec tueq. Ralx lungc rueq piq luimc vkawc kuex dup suik tvbac gay shuex. Piq yauk phumz kuex shanx wvnc vtueq, piq muik keq kox kuex juk wvnc tuex,” ngoz tueq jungx phuex.

JEKERIA 11:5

Vtaungjix rueq khelbuenx kuex thvt gay ruiux muinz murx tvgurc jix vguez. Tsuingshiq rueq ngvmx kuex shaung vtueq, ‘Naungshiq kuex luiz waungx wvnc vtix! Yehowa muex tvtsvmc wuez shuinz!’ ngoz tueq ngoz wuez yaq. Khelbuenx remc jix hez rueq doc muinz miqmac khelbuenx htenc kuex menjenc wuez yaq rvmuq,” ngoz tueq jungx tueq.

WEAWEA 11:17

Ngaz kuex kaz vtueq mnoz rulc kvyuq kvjak kaz raungx, ngaz rueq mnoz muex kuq phaungx siyac kvwawc wvyvmc kuex lvmz vtueq tsuinghez muex kuq shaungx. Kvkaq miq htenc vruex tvkoc gurc pic juing yauk shuimc kuex tsuinghez rueq mnoz muex romc shuimc kuy naungc ningkhvnc nuex, yauk shuimc kuex mnoz washiz rueq dvyx gurc pic rac muq shex.

WEAWEA 11:29

Moshe rueq, “Ngvy tvkoc rvwvl vtueq haz jungx vshuiux? Yehowa rueq piq miqphvnx lotlaz htauk nuex siyac kuy ningkhvnc nuex tsuinghez kuex shvmmax bix ikhoc m-guyc sez wuez kueq!” ngoz tueq jungx tueq.

Matthew 20:1

“Raungx Mungtan kuex svpiq sunc taungjix washiz rvhumc wvnc tueq yaungx wvnc tueq lvmx rulc rv-ngvlc yaq. Lauk shiz nuex svpiq sunc taungjix washiz kuex piq sunc nuex yauk shuimc jix gvlc tvkoc raungnvp maq kaz wvnc tueq.

Mark 13:34

Kvruex kuex miq washiz yalc hvlc mungx nuex kay wvnc muex piq yuimx kuex vnvrc waz hez muex lekuy shec muex ngoz tueq, vnvrc waz hez washiz maq washiz muex yauk shuimc phvlx kuq shec vtueq, kaluix bvmc jix waz muinz honc lvmz hvt httaz tvkoc nvr shec tueq rulc rv-ngvlc yaq.

Mark 16:15

Kvkaq vpiq rueq tsuinghez muex, “Nuimhez kuex mungkawx tvlot laz nuex khuemx kaz vtueq miqphvnx ruip rawx muex shuenruenc bomjungc jungx kuq shuinz.

Mark 16:20

Sangac bix muinz kaz wvnc vtueq baung ruip saz nuex jungphvnx kuq tueq, Taungjix muinz tsuinghez rulc vdvmz yauk shuimx vtueq tsuinghez rueq jungphvnx yaq bomc kuex vsuing rvtueq lvmx hakhix tvkhic tvkoc tsuinghez muex vwangc juing htenc shuimc lot juing hungc kuq tueq.] [

Luke 9:1

Yesu rueq sangac rokshiz rac wanueyc kuex tvtuimx gvl vtueq, htaungc htenc kuex yurc lot juing luimc vkawc nuiyc vthuiuz vsac jix htenc kuex tvhvlc lot juing vrangx vpangx kuex kuq tueq.

Acts 11:19

Yesu muex kvmluimx jix htenc kuex Stephen thvt gay tueq baunglaung vkuilc vdaz juing dung vtueq guirguenc wvnc ningkhvnc nuex baung ruip saz nuex panx yanx wvnc tueq, tsuingshiq wvyvmc kuex Phoenikia, Kupru nuiyc Antiok ghaq nuex httuiuc laz kaz vtueq, Yuda miqsaz muex dvyx bomjungc jungx kuq tueq.

Acts 13:2

Tsuinghez kuex Taungjix yauk shuimc shuimx kaz ruiux, dungc svy mamc vtueq httax yaq nuex Vsawc Siyac rueq tsuingshiq muex, “Sholu nuiyc Barnaba kuex ngvy yauk shuimc tvkoc pungx httauk taq shuinz,” ngoz tueq.

Acts 13:4

Barnaba nuiyc Sholu kuex Vsawc Siyac rueq tvkaz tueq rulc rv-ngvlc Selukia nuex httuiuc kaz tueq, kvruex ghaq maq hulawx Kupru julc mungx ghaq nuex lix maq kaz wvnc tueq.

Acts 20:28

Kvkhoc rvtueq nuimshiq kuex nuimshiq shauk vgvnz muinz, nuimshiq yauk nuex Vsawc Siyac rueq vkuq shec khelbuenx htenc kvmuinz remx lawc wuez shuinz. Tishox vpiq phungc kuex khelbuenx remc jix waz ikhoc yaungx vtueq remx lawc shuinz. Kvruex phungc kuex vpiq Saz vthueyc rvhumc ningkhvnc nuex vpiq phungc muex tvyaungc shec tueq.

Acts 22:21

Taungjix rueq, ‘Kaz kuiuz, lvmx luz wawc Pungnuk miqsaz htenc kox nuex mnoz kuex ngaz rueq nvr tvkaz vphaungx,’ ngoz tueq,” jungx kuq phuex.

Acts 8:4

Rv-phvlc panc wvnc jix kvmluimx miqsaz kuex baung ruip saz nuex kaz wvnc vtueq bomjungc kuex jungphvnx wuez tueq.

1 Corinthians 12:28

Tishox rueq phungc nuex kungkhux kuex kamx waz hez, vnueyc nuex kuex shvmmax bix, vthuimx nuex kuex tvluingc waz hez, kvruex yimaq vwangc juing shuimc jix htenc, vthuiuz vsac tvhvlc lot yaq luimc vkawc vhttax jix, naungnuk waz muex romc kuy jix htenc, lvmx shvlc kuy khvmc jix htenc, nuiyc pungphvnx kvjaz phvnx ruip saz kvjak lot yaq jix miq htenc kuex tvhungx taq shec tueq.

1 Corinthians 15:10

Yuq muinz Tishox kejux ningkhvnc nuex ngaz kuex ngaz doc rvtauk, ngaz muex vpiq rueq vkuq kejux muinz khuec guez muex yaungx muq maq; vganc kamx waz bix htauk nuex muinz ngaz kuex jvnc vtueq yauk shuimx vshaungx. Kvkhoc shuimx kaz vshaungx kuex ngvy hungc maq rvmuq, ngaz rulc vdvmz nuex shuimx naungx yaq Tishox kejux ningkhvnc nuex rvtueq.

2 Corinthians 6:1

Nuiyshiq kuex Tishox kejux lvp wvnc jix hez rvtuit rulc rv-ngvlc kvruex kejux kuex khuec guez nauk tvyaungc kaz, nuiyshiq Tishox yauk shuimc jix htenc kox maq nuimshiq muex tvtay jungx vphix.

Philippians 2:21

Miq vganc jix htenc kuex miqmac lvmz dvyx rvwvl wuez yaq, Yesu Christu nuex seng yaq lvmz kuex thuinz lomx wuez muq.

Philippians 2:25

Ngaz rulc shuimc shiz kayshiz jix, ngaz rulc vdvmz ralx lungc naungc jix, ngaz muex romc kuy tvkoc nuimshiq rueq vtvkaz phunox waz Epaphoditu kuex nuimshiq kox nuex tvkay yek juing ngoz tueq tvmaung vshaungx.

Philippians 2:30

yvmx khoc lac ngoz ruiux lec piq kuex nuimshiq rueq kuq lot muit phvnx romc kuy juing kuex ngaz muex romc kuy lot tvkoc lekuq ruiux, Christu yauk shuimc kuex thueyc khvmkhvmz nuex httuiuc laz hunglaungx shuimx kaz wvnc tueq.

Colossians 1:29

Vruex yauk shuimc kuex ngaz rueq laungc maq shuimx kaz yaq nuex Christu rueq ngaz muex yunghvlc hungc vlaungc kuex kuq phuex, kvruex hungc vlaungc kuex ngvy shauk mungx nuex shuimx kaz yaq.

Colossians 4:12

Epaphra rueq muinz gvnhttuingc ngoz kuq yaq, piq kuex nuimshiq phungc wawc Christu Yesu nvrc waz vshiz rvtueq. Piq rueq nuimshiq tvkoc mkaq muinz thuinz tvyungx vtueq vjux thoz yaq, nuimshiq rueq Tishox thuinroc lvmx nuex rvkhauk laz phvnx wvnc vtueq, vhvlx waq tuiuz wvnc jix Christan miqsaz yaungx vtueq, phaungx duingduing jvp lot tvkoc piq rueq Tishox muex jungx tvtay yaq.

1 Thessalonians 2:9

Phunox bix lex, nuiyshiq rueq mtanc khvnc hunnyex shuimx kaz wvnc tiq lvmx kuex nuimshiq rueq rvwvl lvp vshuinx! Nuimshiq muex yvmx gurc liq muinz tvgvrc tsvrc miq mruez kueq, nuiyshiq kuex nuiyshiq wuk kvdungc gvy juing yauk shuimc kuex raungnuiyq raungwvrx shuimx kaz vtueq, Tishox kox wawc Thuix Thaungx Vhvlx kuex tvtay jungphvnx wvnc tiq.

1 Thessalonians 5:12

Phunox bix lex, nuimshiq kox nuex phungc yauk shuimc jix, nuimshiq muex Christan lvmx shvlc kuy jix bix kuex tvtsanc nganc kuy tvkoc nuiyshiq rueq htuiushuiuz vphix.

2 Thessalonians 3:1

Nuiyshiq phunox bix lex, vtvsuip jungc kuy roc lvmz kuex, Taungjix bomjungc kuex nuimshiq nuex yaungx wvnc tueq kvkhoc baung ruip saz nuex htat htat nyvmc wvnc vtueq, tvtsanc nganc mlvp wvnc shueq, nuiyshiq muex vjux thoz kuq kuit.

1 Timothy 4:10

Miqsaz lotlaz nuiyc pinhtumc kuex kvmluimx jix htenc Palc daungc jix rvtueq vtvraungx Tishox kuex nuiyshiq thuinz tvluimc juing rvtueq ningkhvnc nuex, nuiyshiq yauk shuimc kay waungc lvmx nuex hunglaungx vtix.

2 Timothy 4:5

Mnoz kuex yvmx khoc yaungc wvnc juing lvmx htenc rvhumc ruiux muinz mshauk pumz maq khvmc vtueq vkuilc vdaz kuex nanx shuiuz; Thuix Thaungx Vhvlx jungphvnc kuy yauk shuimc kuex shuimx shuiuz, Tishox nvrc waz vshiz ikhoc mnoz rueq gurc pic juing httax yaq lotlaz kuex shuimx kaz shuiuz.

Philemon 1:1

Christu Yesu yauk shuimc kuex gurc pic ningkhvnc nuex khoktep nuex shuiuz rvhumc jix ngaz Polu nuiyc naungshiq phunox waz Timothy nvnueyc rueq, Nvnueyc rueq lungwawx vphix kungjix nuiyc yauk shuimc vdvmz nuex shuimc jix waz Philemon kox nuex muinz,

Hebrews 3:6

Christu kuex Tishox yuimx guimz jix Vsaz ikhoc maq tvmtuing httax yaq. Naungshiq khvmc thuinz httax vtueq miqmac rueq thuinz tvluimc vshix phvnx muex kvmluimx thuinz httax ruiux yuq kuex kvruex yuimx kuex naungshiq rvtiq.

Revelation 2:1

“Ephesu phungc wawc raungkamx waz kox nuex vkhoc wuiyq shuiuz: “Vruex kuex yaukkeq kox yauk nuex ruiysuiyq poz mvshix shuimx vtueq, kuimshawx wvrkok mvshix hvlwvl nuex khuemx shamx yaq waz kox wawc bomjungc rvtueq.