Luke 10:3 - Hawa Naga Bible 2001

³ Kaz kuinz! Shoalx hez phungc nuex khelbuenx sahez ikhoc ngaz rueq nuimshiq kuex nvr tvkaz vphaungx.

ASII LAKDAP Bible (BSI)

³ Kirong laq! Ngi raq namshiq ka skuse kong aransetiim ka, shekong phong na tiikai ikha tiiki tiikang.

Muklom

³ Ka inn, nga nim raa inkaku tang jakho o kelwut sa mal takat phang.

Luke 10:3 Referencias Cruzadas

Tvtsvmc 22:21

Vruex hangsic hez kox vwawc ngaz kuex palc wvnc koq; vruex manx tsvy htenc htumc nuex ngaz kuex romc kuy jix vguez shirix rvhumc vtaungx.

JEPHANIA 3:3

Kvruex wawc vyungx vlaungx bix kuex vhuk vhex khuemx yaq hangsic ikhoc, phoc waz bix kuex vrvmc thuiuz muex raungnvp nuex httuiuc laz vrawz vshiz muinz tvjungx taq muq shoalx htenc ikhoc yaungx yaq.

Matthew 10:16

“Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.

Matthew 10:22

Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.

Matthew 7:15

“Nuimshiq kox nuex httuiuc kaz tueq raungx nuex khelbuenx mul svmx ruiux, vmungx nuex vphuiuz gay thuinz httax yaq shoalx rulc rv-ngvlc yaq shvmmax vrot hez kvmac honc lvmz hvt maq koayc shuinz.

Luke 10:4

Nuimshiq rueq kuimphox htungc, rvmuq ngoz ruiux khak nuiyc yapaungc tamx kuex nauk gurx kaz, lvmx maq ukhaq rulc muinz nauk rvbomc kaz.

John 10:12

Vshap vruex kolix waz kuex khelbuenx taungjix waz rvmuq, vtaungjix waz rvmuq ningkhvnc nuex shoalx kaz yaq kuex khiz ruiux yuq, khelbuenx htenc kuex gay shec ruiux piq vyuz rvwvnc tuex, shoalx rueq muinz khelbuenx htenc kuex tvpanc yurc vtueq kauk gay tsuiyc shuex.

John 15:20

‘Dax kuex jiyungx htauk nuex vyungx rvmuq,’ ngoz tueq ngaz rueq nuimshiq muex jungx kuq phaungx kvjaz kuex rvwvl wuez shuinz, mungkawx miqsaz rueq ngaz vruex guirguenz ruiux yuq, nuimshiq muinz guirguenz kv-phuinx, mkhoc shoc maq tsuingshiq rueq ngvy kvjaz vruex tay ruiux kuex nuimshiq kvjaz kvmuinz tay shuex.

John 16:2

Nuimshiq kuex vjux thoz yuimx htenc wawc yurc gay rvhumc tuinx, nuimshiq thvy gay kv-ngoc Tishox yauk shuimc rvtueq ngoz tueq tsuingshiq rueq tvmaung wvnc shuex vkhing kuex vsuing httuiuc wvnc tuex.

Acts 20:29

Ngaz vguez yix nuex miq wvyvmc kuex nuimshiq kox nuex nyuip wvnc vtueq, guirguenz tvkuilc daz yaq shoalx htenc rueq ikhoc khelbuenx htenc muex menjenc muq maq guirguenz shuex lvmz kuex ngaz rueq tuiuz yaq.

Acts 9:16

Ngvy muingc ningkhvnc nuex piq rvhumc juing kuilc daz lotlaz kuex piq muex ngaz rueq tvkhic kuq shaungx,” ngoz tueq.

Acts 9:2

Taungjix lvmx phvnc jix miq yalxjuik miqwaz ukhaq yuq muinz khiz lvp shuex htenc kuex lvp vtueq, Yerusalem nuex het shvlc lvy tvkoc piq muex vkhangx kuq tueq lvmz Damasku ghaq wawc vjux thoz yuimx htenc nuex tvtay luik wuiyq kuy tvkoc thoz tueq.