Luke 10:2 - ASII LAKDAP Bible (BSI)

² Apaiq raq tsangshiq ma chongto, “Tsamman rü ajut chang wak ka jonghea. Shatmaq, tsamjut miitu maiq ningchangti ka atsapse. Arkha maq, wakchongtiwe jaq wa achu jaü ronglaq, apaiq raq awak wa tsam kra jut miitu, maiq ningchangti ka apapa mitiiki laq.

Hawa Naga Bible 2001

² Vpiq rueq tsuingshiq muex, “Tsvmz yut juing paunghvlc httax yaq, yuq muinz tsvmz yut jix miq vthvp saz. Kvkhoc rvtueq vpiq tsvmz yut juing nuex miq paunghvlc mtvkaz shueq vpiq kox wawc vjux thoz wuez shuinz.

Muklom

² Piq aa ning ma batta, “Cham ukhan eq ching daqhan ang aa, etharin jaksom lottey miq rapney akum. Ahan jak somlot tey miqtang thok rangma cham taqhantey tangteywa ching wang chu inn.

Luke 10:2 Referencias Cruzadas

1 HOKHVMX 18:22

Kiijiishe Elija raq nguto, “Tatiwe shammi ka ümchaü ngi laqlaqseli she tiichong tiikang. Shatmaq Baal shammibi ka 450 asi kata.

Tvtsvmc 68:11

Tatiwe raq aming kuqto, kiimaq jechakre pahea raq tsütsa akha sowanto:

JEREMIA 3:15

Lata ngi raq namshiq pengti welabi ibom taiti mishong wanha. Kiimaq tsangshiq raq namshiq ka taksu tsü maq nai lungwii tsantsii miishe mipeng wan.

JEKERIA 11:17

Bangbang sku rümtiwe raq mra milap! Apaiq raq askukong wiita tiishaü baiqto! Redong raüjaq apaiq ningkun mithen. Ajaq phum ka ashin mirki. Amak maktsi nü ka amiishe mirki.”

JEKERIA 11:5

Skukong tatinok raq taphaq baiqto. Shatmaq tsangshiq tsasha wanti ka jumin ahü. Tsangshiq raq sku ngam ka shaphaqtlo. Raüta, ‘Tatiwe tiitsam rong i! Nashiq ka pinthum chiithe!’ nguta tiishom ratlo. Sku rümtibi raq dongdii min sku ma mangchan mak.”

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

WEAWEA 11:29

Kiijiishe Mosheq raq treto, “Ümniika ngi miitu shea chapa rai tlaü? Ngi raq kla Tatiwe raq apaiq wenyi ka asenginok tlotli ma kuq raü jaq ahea, raüta tsangshiq tarü raq shammibi kong ikha siitrangho raüjaq ahea riichang nguta tiima tiikang!”

Matthew 20:1

“Ramungtan ngukla, bom ka akha. Mangjong maiqse kunli Shiikeawe sengi ma jawan ngutlaq ka akha. Maiq weshi ka apaiq spiqtsiro na jaq tiisham ma maiq ningchangti ritkai ranap chu maq kihoto.

Mark 13:34

Arka, maiq weshi raq, apaiq ka wanhiq na kaiho ma, ajaqshisetiim khumtek ma, jam jaqsham ka pheakuq thü tlaq ikha. Raüta, apaiq raq kilü khetiwe miimin, jam ka samhea khe liijo nguta chongthü raüta, apaiq ka wanhiq na kihotlaq ikha.

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Mark 16:20

Kiimaq ajaqshisetiim ka maiqhiq barap binrii na kiraüta tra hokuqto. Kiimaq Tatiwe raq tsangshiq ma awang chang jaqsham miitu ningkun kuqto. Kiimaq kra ningkun lümaq, tsangshiq ka Shiikeawe jaqshisetiim dea nguta hakhi tiichhi kuqto. Amen.

Luke 9:1

Jesuq raq akiimwetiim roqshi ri wenai ka adam na heato. Raüta, tsangshiq ma ningkun nai arang kuqto. Kra ningkun kuqtaq kriika, tsangshiq raq shotsai winji kra jobaiq raüta, atsi asiti thun kra tiiheake miitu kuqto.

Acts 11:19

Stephen tsat baiqtaq akhing chamchao lak na kamasham maiqsetiim tiipin jintaq lak wa, maiq wiijamti ka Phonesia wang na, Saipras mung na, kiimaq Antiok chela thun na, Tati Jesuq tsütsa ka Jehudinok phan miili chongkuq wan wan wawanto.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Acts 8:4

Shatmaq, Phungmaiqsetiim ümchuwa pin wantaq kra raq, barap binrii na khum wan wan raüta, Tsütsa Ahea kriishe chongkuq wanto.

1 Corinthians 12:28

Riita phungtu na Shiikeawe raq maiqse tarü ma maiqmii maiqmii tiisuk nga chang tiihong kuqto. Apha na kiimwebi kra shongto. Kra jai na, shammibi shongto. Kiimaq kra jai niika ashrinketibi shongto. Kra jai niishetiq awang chang jaqsham ketibi shonto. Kra jai na maiq atsi asiti thun tiiheaketibi, kiimaq nanok ma khrumketibi lo, nanok ma lam tiichhiketibi lo, kiimaq maiq raq taimai chang phan bom maq bomti thun kriishe shongto.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

Philippians 2:21

Wiitarü ka, maiqmii ma amet dong chang lam kra tiima raüta, siti siisaqli. Jesuq jaqsham ka, jamkhii raüta tiijong chang wa, kra tiima makti maiq pahea asi.

Philippians 2:25

Li jiimin, ngi raq naphu nowe Epaphroditas, ngi rai kongshi maq jaqsham damti we, kiimaq rekhat damti we, kiimaq ngi ma namshiq tsasoq wanti we, raüta ngi ka khrum keti we kra, namshiq phana tiiwa chang akhek nguta, tiima wan nong kang.

Philippians 2:30

Jamkhano ngukla apaiq raq amiisaq tanli riito kiimaq Khristo miitu tsainam riito. Kriika namshiq maiqmii raq ngi khrumke miitu kongphiq kra ngi ma sokeho nguta aki, chamchaoto.

Colossians 1:29

Riita Phungmaiqse thun tiichhanchhi wan ha jiilei nguta, ngi ranaiq rawa, Khristo raq akuq ningkun ajong i khum na sitlaq kra holata, rokpan riipan hunnii lata jaqsham tiikang ahata.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

1 Thessalonians 2:9

Phunainotiim lei! Naishiq raq namshiq tiichhanchhi wan miitu, itinkhan ranaiq rawa, japhü wasü hunnii kai irka, ümchaü namshiq tsan na asi li ahiq! Naishiq raq Shiikeawe Tsütsa Ahea ka namshiq ma chongke lam maq, naishiq raq ranaiq rawa jaqsham laita sikai. Laita naishiq raq namshiq ka jam min süpsi mai maq, jaqshamkai.

1 Thessalonians 5:12

Naphu nanotiim lei, naishiq raq namshiq ma sobsob bombom maq, tsii chongkuq tiikai ara tai ronglaq. Namshiq ma Phungmaiqse kamasham rilung lamphan na, lamsheatibi kiimaq sungkhu tsii lam chongke hunnii tlaqti ka, ahea wiq maq shreng lanta, shiililii rong laq.

2 Thessalonians 3:1

Phunainotiim lei, bomshat wan lam maq, namshiq ma tiitai tiikang. Namshiq raq naishiq miitu, achu jaükuq wanruq ronglaq. Namshiq raq Tatiwe tsütsa ka jamkho phaqchii nichii maq tai wan lan, lanta lang wan lan, raüta namshiq liipan na nyam wanto, kiikhiisii hali, naishiq raq Tsütsa Ahea chongkuq tiikai ara, nanok ahinti riimin ahea wiq maq tao raüta milang laq. Krai mren, barap se na jaqlo miili minyam wan laq.

1 Timothy 4:10

Nashiq wiitarü, ara miitu pinthum hunnii tiikai. Kiimaq pinthum shiichaq laita minshiiq tiikai. Ara jamkhano chongtiikai ngukla, nashiq raq, nashiq ran tsantsii ka atra Shiikeawe jaqkhon mong na likuq kaishe. Apaiq ka maiqse angu wiitarü tiichhiiketi we, akhek ka apaiq ma kam tlaqti ka Tiichhiiketi we.

2 Timothy 4:5

Shatmaq, ümniiriiwe kla jamlai phan rahai ahea abili saü wan raü min, ümkam tsantsii ka pharangrang maq thü wan ruq riilaq. Chamchao litkot ümtinkhan wa saü tlaq, kra nin wan ruq maq silaq. Tsütsa Ahea chongketi, maiqshaq weshi nguta kamto maq silaq. Shiikeawe jaqshi, maiqshaq ashi nguta kamto maq silaq.

Philemon 1:1

Ngi, Paul, Khristo Jesuq miitu phaqtek na siti we kiimaq naphuno we Timothi raq-- Naphunowe kiimaq kongshi maq jaqshamdamti Philemon ma,

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

Revelation 2:1

“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.