JOSHUA 9:25 - Hawa Naga Bible 2001

²⁵ Majuiuc nuiyshiq kuex mluimc vkawc mungx nuex shex rvtix; mnoz rueq tvmaung vshuiux vlvmz kuex tv-phvnc nuiyshiq kuex ruez koq,” ngoz tueq tvralc tueq.

ASII LAKDAP Bible (BSI)

²⁵ Riita, ümchaü min, naishiq ka ümjaq khon mong niishe. Ümniiraq jamlai wa ahea nguta tiima tlaü kra phan phan klolaq.”

JOSHUA 9:25 Referencias Cruzadas

RAPHA HIQWA LAK 16:6

Abram rueq, “Piq kuex mdax nyuiuz rvtueq ningkhvnc nuex m-yauk khung nuex httax yaq; mnoz rueq piq kuex mkhoc ruez roc ruiux ruez shuiuz,” ngoz tueq tvralc tueq. Kvkaq Sarai rueq Hagar kuex guirguenz laq koq tueq piq kuex vyuz rvwvnc tueq.

2 SAMUEL 15:26

Yuq muinz vpiq rueq ngaz kuex raungc raq muq ngoz ruiux muinz, yvmx rac muq, vpiq rueq vroc ngaz kuex mruez gay phueq,” ngoz tueq jungx tueq.

2 SAMUEL 24:14

Dawid rueq, “Ngaz kuex thuinz nuex rvwvlc paung kaz vtaungx! Yuq muinz miq rueq murx tvgurc kuex ngaz rueq roc mauk. Yehowa vpiq pumz maq nuiyshiq muex murx mtvgurc phueq, yvmx khoc lac ngoz ruiux lec vpiq kuex menjenc thuinz vhttax waz rvtueq,” ngoz tueq tvralc tueq.

2 HOKHVMX 10:5

Kvkhoc rvtueq hokhvmx hoc nuex shunshvlc jix vyungx vlaungx waz nuiyc ghaqyungx shunshvlc jix walaungx waz muinz, ghaqyungx wawc walaungx bix nuiyc hokhvmx sahez muex shuimc lvmc kuy jix hez rueq muinz vdvmz nuex Jehu muex vkhoc bomjungc tvjungc tueq: “Nuiyhez kuex mnvrc waz hez rvtiq, mnoz rueq jungx shuiux rulc rv-ngvlc shuimc tvkoc tvyoalc hvt maq httax vtix. Yuq muinz vganc ukhaq muinz hokhvmx muex tvyaungc shix rvmuq; mnoz rueq tvmaung shuiux vhvlx pinhtumc kvmuinz shuimx kaz shix,” ngoz tueq.

ISAIA 47:6

Ngaz kuex ngvy miqsaz htenc muex khaq vtueq; ngvy miqsaz rvmuq shex ikhoc tvyaungc wvnc tauk: Ngaz rueq tsuingshiq kuex mnoz luimc vkawc khung nuex taq gay tauk, mnoz rueq tsuingshiq muex menjenc thuinz vguez; nyuiuz waz rulx muex doc muinz batac hvlc rvtoq.

JEREMIA 26:14

Ngvy tvkoc kuex, m-yauk mungx nuex httax yaq! Nuimhez rueq tvrac vlvmz nuiyc vlvmz rvkhauk laz tvmaung shuinx kvkhoc ruez kuit.

JEREMIA 38:5

Hokhvmx Zedekia rueq, “Vhvlx pinhtumc, piq kuex nuimshiq rueq vroc ruez shuinz; ngaz rueq tvwanc lot mauk,” ngoz tueq tvralc tueq.

Matthew 11:26

Rvtueq, Iwaz lex, vkhoc yaungx wvnc tueq kuex mthuinz roc rulc rv-ngvlc rvtueq.

JOSHUA 9:26

Kvkhoc rvtueq Yoshua rueq vkhoc ruez tueq: piq rueq tsuingshiq muex tvkhup wungx kuq vtueq tsuingshiq kuex Israel miqsaz muex tvthvt gay muq.

PHOWEBI 10:15

Yuq muinz Israel miqsaz rueq Yehowa muex ngoc, “Nuiyshiq rueq mvrax yaq gay tiq. Mnoz thuinroc ruez koq, yuq muinz majuiuc kejux maq nuiyshiq kuex palc wvnc loq,” ngoz tueq jungx tueq.

PHOWEBI 8:15

Kvruex yimaq Gideon kuex Sukkot ghaq wuinz kox nuex kaz vtueq, “Nuimshiq rueq ngaz muex romc kuy tvkoc khawx phuinx iruex tvtsuingc wuez vshuinx haz? Zeba nuiyc Zalmunna kuex max lvp doc ningkhvnc nuex, hunnyex khuemx yaq ngvy nolaungx bix htenc muex phuiuz vsvy kuq miq ngoz tueq ngoz wuez tuit. Vhvlx! Kvruex wanueyc kuex vyuq httax yaq,” ngoz tueq jungx tueq.

1 SAMUEL 3:18

Kvkhoc rvtueq Samuel rueq yvmx muinz httuiyq puiuc muq maq piq muex phvnx ruip saz kuex jungx kuq tueq. Eli rueq, “Vpiq kuex Yehowa rvtueq; vpiq muex vhvlx pinhtumc kuex mruez shueq,” ngoz tueq jungx tueq.