JOSHUA 9:1 - Hawa Naga Bible 2001

¹ Yodan ruilx maq shalx nyuip kox wawc kuz htenc, kuz yaz htenc, ghaqkhux kox Lebanon kanx nuex httuiuc laz luz yaq Svmuktvrax Mediteranean kawx htenc guimz yaq Hitti, Amori, Kanaan, Perizi, Hiwi nuiyc Jebusi phvnx hokhvmx bix htenc kuex Israel miqsaz rueq taungx wvnc tueq thaungc tay wuez tueq.

ASII LAKDAP Bible (BSI)

¹ Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.

JOSHUA 9:1 Referencias Cruzadas

2 SAMUEL 24:7

Kvruex yimaq tsuinghez kuex ghaqyaz kox ghaq palx ruk yoalx Tire ghaqyungx, Hiwi nuiyc Kanaan miqsaz htenc httax yaq ghaqyungx htenc nuiyc tvsuip nuex Yuda mungx ghaqyaz kox nuex httax yaq Bersheba nuex httuiuc laz khuemx kaz tueq.

DUNGWVNC 23:23

Ngvy raungkamx waz kuex nuimshiq khaungx tvmax nuex kaz vtueq, piq rueq nuimshiq kuex Amori, Hitti, Perizi, Kanaan, Hiwit nuiyc Jebusi miqsaz httax yaq mungx kvyuq tvshvlx wvnc phaungx, ngaz rueq tsuingshiq kuex tvbac gay shaungx.

DUNGWVNC 23:31

Ngaz rueq nuimshiq ghaq vraungx ghaqruiy kuex Yuix Shawx Jumx maq Svmuktvrax Mediteranean nuex httuiuc laz, kumtsvy tvnx maq Euphrat Ruilx nuex httuiuc laz kuq phaungx. Kvruex mungx wawc miq htenc kuex ngaz rueq nuimshiq muex kuq phaungx luimc vkawc maq tsuingshiq kuex yurc gay shuinx.

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 34:11

Majuiuc raungnuiyq ngaz rueq mnoz muex kuq phaungx tvrac htenc kuex phvnx shuinz. Ngaz rueq nuimshiq kay juing lvmx wawc Amori, Kanaan, Hitti, Perizi, Hiwit nuiyc Jebusi miqsaz htenc kuex yurc gay shaungx.

WEAWEA 13:29

Amalek miqsaz htenc kuex kvruex mungx ghaqyaz kox nuex httax yaq, Hitti, Jebusi nuiyc Amori miqsaz htenc kuex kuz vkanx htenc nuex httax yaq, Kanaan miqsaz kuex Mediteranean yuix kawx nuex nuiyc Yodan ruilx kawx tv-phvnc htenc nuex httax wuez yaq,” ngoz tueq jungx tueq.

WEAWEA 34:6

“Shalx nyuip kox ghaqruiy kuex Mediteranean kawx maq ruiy rax.

TRI CHONGKE 1:7

Kvkhoc rvtueq jerak kuex httak gay ruiux kvhttot kaz wvnc kuinz. Amori phvnx httax yaq kuz hong nuiyc kvruex hep nuex httax yaq ghaq hong rvtueq Yodan warc tvnx kuz hong nuiyc tvnx hong htenc, ghaqyaz kox hong nuiyc Mediteranean kox htenc kvyuq kaz wuez kuinz. Kanaan mungx nuex kaz wuez kuinz, kvmaq Lebanon Kanx kuex yanz laq vtueq Euphrat Ruilx nuex httuiuc laz kaz wuez kuinz.

TRI CHONGKE 3:25

Yehowa lex, ngaz muex Yodan Ruilx kuex tvyanz vtueq kvkox ral nuex httax yaq ghaqpuiz ghaqwanx vhvlx mungx muinz, vsvp waq kuz hong nuiyc Lebanon Kanx kvmuinz khic lvp tvkoc kuq koq,’ ngoz tueq kvmenc jenc thoz tauk.

TRI CHONGKE 4:49

Yodan Ruilx maq shaldungc kox hong lotlaz vlomx maq raz tueq ghaqyaz kox Yuix Maungx Jumx nuex httuiuc laz, shaldungc kox Pisga Kanx yaz nuex httuiuc laz yungx yaq.

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

JOSHUA 1:15

Yehowa nuimshiq Tishox rueq vkuq Yodan Ruilx maq shalx nyuip kox mungx kuex khvt lvp wvnc shuex nuex httuiuc laz tsuingshiq muex romc kuy rax. Israel phvnx lotlaz muex kvwungx juing tvhungx kuq shec vtueq jix nuimhez kuex yek waung vtueq Yehowa nvrc waz Moshe rueq nuimshiq muex kuq shec tueq Yodan Ruilx maq shaldungc kox mungx kvyuq httax waung tuinx,” ngoz tueq jungx tueq.

JOSHUA 1:4

Nuimshiq mungtan ghaqruiy kuex ghaqyaz kox kumtsvy tvnx maq ghaqkhux kox Lebanon Kanx htenc nuex httuiuc laz, shaldungc kox Euphrat Ruilx maq Hitti mungx kuex yanz wvnc vtueq shalx nyuip kox Svmuktvrax Mediteranean nuex httuiuc laz rvtuex.

JOSHUA 10:23

Tsuinghez rueq kvruex lungshaung kuex daz vtueq Yerusalem, Hebron, Jarmut, Lakhish, nuiyc Eglon wawc hokhvmx htenc kuex tvdung vtueq,

JOSHUA 11:17

Ghaqyaz kox Edom ghaq hep Halak Kanx maq ghaqkhux kox Hermon Kanx maq ghaqyaz kox Lebanon warc tvnx wawc Balgad ghaq nuex httuiuc laz yungx yaq. Yoshua kuex kvruex yuq httaz jix hokhvmx bix rulc loayc hvlc rv-khvt tueq, yuq muinz piq rueq kvruex hez htenc kuex lotlaz lvp vtueq thvt gay tueq.

JOSHUA 13:5

Gebali miqsaz ghaqphux, shaldungc kox nuex httax yaq Lebanon ghaqphux lotlaz, Hermon Kanx maq ghaqyaz kox wawc Balgad maq Harmat Kanx hvlwvl nuex httuiuc laz httax yaq doc.

JOSHUA 22:4

Majuiuc kuex vpiq rueq bomkhvmc kuq kv-phuinx rulc rv-ngvlc, Yehowa nuimshiq Tishox rueq nuimshiq phvnx vmaq Israel miqsaz muex nomic shex kuq tueq. Kvkhoc rvtueq Yehowa nvrc waz Moshe rueq kuq shec kv-phuinx Yodan ruilx maq shaldungc kox wawc nuimshiq tvkoc lvp taq shec tuit ghaq vraungx wawc yuimx kvyuq yek waung wuez kuinz.

JOSHUA 23:4

Ngaz rueq khvt taungx wvnc tauk shaldungc kox Yodan Ruilx maq shalx nyuip kox svmuktvrax Mediteranean nuex httuiuc laz httax yaq miqphvnx lotlaz nuiyc kvjungx yaq miqphvnx htenc ghaq vraungx kuex nuimshiq phvnx vmaq rueq lvp wvnc tvkoc ngaz rueq ruiy kuq shex phaungx shex.

JOSHUA 24:11

Nuimshiq rueq Yodan ruilx kuex yanz wvnc vtueq Yerikho nuex httuiuc kaz tuit. Amori, Perizi, Kanaan, Hitti, Girgashi, Hiwi nuiyc Jebusi miqsaz htenc rueq ruez tueq ikhoc Yerikho miqsaz rueq nuimshiq kuex khvt tueq. Yuq muinz ngaz rueq tsuingshiq kuex nuimshiq muex lotlaz tvtaungx gay phaungx.

JOSHUA 3:10

Nuimhez kvtenc kaz wvnc ruiux yuq, vpiq rueq Kanaan, Hitti, Hiwi, Perizi, Girgashi, Amori, nuiyc Jebusi phvnx htenc kuex vsuing yurc gay shuex.

JOSHUA 3:17

Miq htenc rueq yanz wvnc lot tueq nuex httuiuc laz Yehowa Bomkhvrc Jep pic jix shomc waz bix kuex Yodan ruilx yvmc nuex yuix muinz vguez httuiz rok rok hvlc ghaq nuex jvp wuez tueq.

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 6:27

Yehowa kuex Yoshua rulc vdvmz httax yaq ningkhvnc nuex piq muingc jungc kuex wvmungx tuimx nuex yungx wvnc tueq.

JOSHUA 9:7

Yuq muinz Israel miqsaz rueq, “Nuimhez nuiyc nuiyshiq kuex yvmx ningkhvnc nuex lac bomkhvmc rvtvy tix? Nuimhez kuex vnyek vyuq httaz jix rvtuit shvmx,” ngoz kuq tueq.