JOSHUA 6:5 - Hawa Naga Bible 2001

⁵ Kvruex yimaq tsuinghez rueq bolic kuex vthuic vluz maq tuimz ruiux yuq, kvruex thuic kuex tay rac miq htenc kuex yunghvlc maq rex ruiux yuq, ghaqyungx palx ruk htenc kuex rul wvnc tuex. Kvruex yimaq nolaungx bix htenc kuex miqmac max kox tvhtaz nuex nyuip wvnc wuez rax,” ngoz tueq jungx tueq.

ASII LAKDAP Bible (BSI)

⁵ Kiijiishe, tsangshiq raq lerong ka adam na tiihong raüta dang alu maq tsü chang. Namshiq raq kra tairi, maiqwere tarü raq tiihong lanta gitrang ratlo. Kra raüla, chela tro wa ruk ka wiita mithamki. Kiijiishe nolabi kunli ka chela mong na phongtsok she khat wan chang.”

JOSHUA 6:5 Referencias Cruzadas

DUNGWVNC 19:19

Bolic thuic muinz yunghvlc yungx wvnc tueq. Moshe rueq tvtay jungx koq tueq, Tishox rueq raungmuk ikhoc tvralc tueq.

ISAIA 25:12

Vpiq rueq Moba nolaungx ghaqshungc johvlc palx ruk htenc kuex tvbac gay ruiux ghaq nuex tvrul gay shuex.

ISAIA 30:25

Nuimshiq ralx htenc kvruex nolaungx ghaqshungc htenc kuex httak gay rvhumc ruiux, tsuingshiq miq htenc thvy gay rvhumc tuex raungnuiyq kvkaq, ghaqluimx tek nuiyc kanx tek maq yuix saz ruilx htenc dung kaz wvnc tuex.

JEREMIA 50:15

Ghaqyungx tvroz lotlaz nuex ralx lungc muex ramc shuinz! Majuiuc Babelon mungx kuex maq tueq shex. Kvruex ghaq palx ruk htenc rul wvnc vtueq kvhttak bunx tueq. Ngaz rueq Babelon miqsaz kuex phuiuq lvmz vshaungx ningkhvnc nuex, nuimshiq rueq muinz phuiuq lvmz shuinz, tsuingshiq rueq vganc jix htenc muex ruez tueq kvkhoc tsuingshiq kvmuinz ruez shuinz.

Hebrews 11:30

Kvmluimx vtueq Israel miqsaz htenc rueq Yerikho kuex raungx mvshix tvroz komc koq tueq, ruk vpalx htenc kuex lotlaz kvhttak kvrunx wvnc tueq.

JOSHUA 6:16

Lauk mvshix ngoc yaungc tvroz yaq nuex, shomc waz bix rueq bolic tuimz khvmkhvmz nuex Yoshua rueq miq htenc muex vrec tvkoc nvr tueq, piq rueq, “Yehowa rueq nuimshiq muex ghaqyungx kuex kuq kv-phuinx shex!

JOSHUA 6:20

Kvruex yimaq shomc waz bix rueq bolic tuimz tueq rulc rv-ngvlc miq htenc kuex rex ruingx rex wuez koq tueq ghaqyungx palx ruk kuex rul wvnc tueq. Nolaungx bix htenc lotlaz miqmac kvhtaz maq nyuip ruingx raz tueq ghaqyungx kuex khvt lvp gay tueq.

JOSHUA 6:4

Shomc waz mvshix rueq bolic vphuq phuq shuimx ruiux Bomkhvrc Jep max kvyuq kay rax. Raungx mvshix raungnuiyq shomc waz bix rueq bolic kuex tuimz ruiux mnoz nuiyc nolaungx bix rueq ghaqyungx kuex lauk mvshix tvroz komc wuez rax.

JOSHUA 6:6

Yoshua rueq shomc waz hez kuex gvl vtueq tsuinghez muex ngoc, “Bomkhvrc Jep kuex pix shuinz, nuimhez wawc miq waz mvshix rueq bolic kuex shuimx vtueq max nuex kaz kuinz,” ngoz tueq.

PHOWEBI 20:37

Kvruex miq hez kuex Gibea ghaq nuex htat htat yuz wvnc vtueq, kvruex ghaqyungx mungx kvyuq miq kuex rv-phvlc nyanc ruiux miq ruip rawx kuex thvt gay tueq.

1 SAMUEL 17:20

Dawid kuex raungnvp kvyix raungnvp samaq kvtenc vtueq, khelbuenx htenc kuex miq vganc washiz muex lekuq shec ruiux, Jese rueq piq muex jungx kuq tueq rulc rv-ngvlc phuiuz vsvy kuex gurx laq vtueq kaz wvnc tueq. Israel miqsaz htenc rvhttec jvp ruiux ralx lungc juing nuex kaz wvnc vtueq rvguyc ramc thuiyc yaq nuex, Dawid kuex jerak nuex nyuip waung tueq.

1 SAMUEL 17:52

Israel nuiyc Yuda miq htenc kuex vhtaq maq vguyc kvruex hez yix nuex yurc wvnc vtueq Gad nuiyc Ekron palx kaluix nuex httuiuc laz yurc khvt tueq. Philistin miqsaz vphiz vshuz rvhumc jix htenc muinz Shaaraim maq Gad nuiyc Ekron nuex httuiuc laz lvmx wvlex nuex thueyc tueq.

1 SAMUEL 4:5

Bomkhvrc Jep httuiuc kaz koq tueq Israel miqsaz kuex kokez vtueq ghaq tvbex laz yunghvlc maq guyc tvruingx tueq.