JOSHUA 6:4 - Hawa Naga Bible 2001

⁴ Shomc waz mvshix rueq bolic vphuq phuq shuimx ruiux Bomkhvrc Jep max kvyuq kay rax. Raungx mvshix raungnuiyq shomc waz bix rueq bolic kuex tuimz ruiux mnoz nuiyc nolaungx bix rueq ghaqyungx kuex lauk mvshix tvroz komc wuez rax.

ASII LAKDAP Bible (BSI)

⁴ Tongshong Tek khaki na, ramwebi wemiishi, tsangshiq jaq na lerong chü achhuq chhuq shamraq chhaq maq, riikong riikong khum chang. Ramiishi ranaiq na, ümsengi srea nolabi thun shea laüta, ramwebi min nongshnong maq chela tro na jang miishi tro khum chang. Kra akhing na ramwebi riika tsangshiq lerong kra tsü raüta khum chang.

JOSHUA 6:4 Referencias Cruzadas

RAPHA HIQWA LAK 2:3

Kvkhoc raungx mvshix raungnuiyq tvdungc sungc yauk shuimc tvlot httvr tueq ningkhvnc nuex, Tishox rueq kvruex raungnuiyq kuex ruimruimx kuq ruiux, htep raungnuiyq muex tvyaungc tueq.

1 HOKHVMX 18:43

Piq rueq piq nvrc waz muex ngoc, “Svmuktvrax httax yaq kox kvyuq lawc shuiuz,” ngoz tueq. Vnvrc waz rueq lawc kaz ruiux yek waung vtueq, “Ngaz rueq yvmx muinz khiz mauk,” ngoz tueq. Eliya rueq lauk mvshix nuex httuiuc laz lawc kay tvkoc nvr tueq.

2 HOKHVMX 5:10

Elisha rueq kvruex waz kox nuex nvrc waz washiz tvkaz vtueq, piq pumz kuex Yodan Ruilx nuex lauk mvshix mkvhoalc kaz kueq, ngoz ruiux piq thuiuz vsac kuex hvlx tuex ngoz tueq tvjungc kaz tueq.

2 HOKHVMX 5:14

Kvkhoc rvtueq Naman kuex Yodan ruilx nuex svt kaz vtueq piq muex Elisha rueq jungx tueq rulc rv-ngvlc lauk mvshix piq pumz kuex yuix nuex thuimc koq tueq, tvdawk raungx tvhvlc gay rvhumc tueq. Piq gvnz kuex nosaz gvnngvmx ikhoc yaungx wvnc tueq.

2 KAÜWA WERAÜ 13:12

Tishox vpiq kuex naungshiq walaungx rvtueq vpiq shomc waz bix muinz bolic htenc tauk raz tueq vruex yuq httax yaq ningkhvnc nuex, bolic tuimc tvkoc tvyoalc yoalx httax yaq nuiyc nuimshiq kuex khvt tvkoc nuiyshiq kuex gvl yaq. Kvkhoc rvtueq Israel miqsaz htenc lex, Yehowa nuimshiq jix vwaz tamx Tishox kuex nauk khvt kaz! Nuimshiq rueq taungx lot shuinx rvmuq!”

2 KAÜWA WERAÜ 20:17

Nuimshiq rueq vruex rvlungc rv-khvt kuex khvt rac muq. Jvp juing lvmz vtueq dvyx bvmc wuez shuinz; Yehowa rueq nuimshiq muex taungx wvnc lvmz kuq kv-phuinx kuex khiz shuinx. Yuda nuiyc Yerusalem miqsaz htenc lex, nauk ruingraung kaz, rvmuq ngoz ruiux nauk hiz kaz. Khvt kaz kuinz, Yehowa kuex nuimshiq rulc vdvmz httax tuex!” ngoz tueq jungx tueq.

2 KAÜWA WERAÜ 20:19

Lewi miqsaz Kohat nuiyc Kora taungx htenc kuex jvp wuez vtueq Yehowa Israel Tishox muex hung vtueq tvtsvmc shix wuez tueq.

2 KAÜWA WERAÜ 20:21

Mungx miqsaz htenc rulc rvjungc phvnc lot vtueq vshic vngoyc thenc jix kuex vraungc vraq raungnuiyq tsuingshiq rueq svmx ruiux yaq hungluz htenc kuex svmx ruiux, nolaungx bix khaungkac nuex kaz wvnc vtueq, “Yehowa muex tvtsvmc wuez shuinz! Vpiq lungwawc kuex pattup httax yaq!” ngoz tueq shic ngoyc tvkoc tsuingshiq muex nvr tueq.

YOBA 42:8

Majuiuc manx pung mvshix rac khelbuenx pung mvshix kuex Yoba kox nuex lvmz laq vtueq, kvruex maq nuimshiq tvkoc shomc nawk juing tvyaungc vtueq shomc kuq shuinz. Kvkaq Yoba rueq nuimshiq tvkoc vjux thoz kuq kv-phuinx, ngaz rueq muinz piq vjux thoz bomc kuex tay kuq phaungx, nuimshiq yaq tuit mvrax rulc rv-ngvlc ngaz rueq murx tvgurc mauk. Nuimshiq kuex piq rueq shuimx wvnc tueq ikhoc ngvy lvmz kuex vlvmx khauk khauk jungx muit rvtuit,” ngoz tueq jungx tueq.

ISAIA 27:13

Kvruex raungnuiyq httuiuc tuex nuex, Asiria nuiyc Ejip mungx nuex thuq wvnc rvhumc jix Israel miqsaz lotlaz kuex tvyez gvlc tvkoc bolic tuimz shuex. Tsuingshiq kuex Yehowa vsawc ghaq luimx htauk wawc Yerusalem nuex vpiq muex nawk palx kaz wuez tuex.

LEWI 14:16

yaukkeq kox yaukshix maq vpuiz tix kvyuq thuimc vtueq, Yehowa khaungkac nuex lauk mvshix buit rax.

LEWI 4:6

Piq yaukshix kuex tvguiy kvyuq thuimc vtueq vsawc baung tuk juing vjuinx khvymvnz max kvyuq tvguiy maq lauk mvshix mbuit shueq.

JEKERIA 4:2

Piq rueq, “Mnoz rueq yvmx lac khiz tonx?” ngoz tueq wiz phuex. Ngaz rueq, “Kuimshawx maq vtvhungx wvrkok tochuing vshiz khiz tauk. Kvruex htauk kvyuq vpuiz tix htawc juing wanc vshiz httax yaq. Wvrkok tochuing nuex wvrkok mvshix httax ruiux, vshiz maq vshiz nuex wvr tvsauz juing mvshix tvkoc baung htenc kuex httax yaq.

JEKERIA 4:6

Raungkamx waz rueq Yehowa kox wawc vruex bomjungc kuex Zerubabel muex kuy tvkoc ngaz muex vkhoc jungx phuex: “Mnoz kuex nolaungx bix hungc maq muinz rvmuq, mhungc vlaungc maq muinz rvmuq, yuq muinz ngvy siyac maq jix taungx wvnc shuiux.

WEAWEA 23:1

Balam rueq Balak muex ngoc, “Vyuq shomrawx mvshix tvhungx shuiuz, manx pung mvshix nuiyc khelbuenx pung mvshix rac lvmz wvnc loq,” ngoz tueq jungx tueq.

JOSHUA 6:3

Mnoz nuiyc nolaungx bix htenc rueq nuiyq shiz nuex laukshiz tvroz vtueq, raungx tvruk tup ghaqyungx kvruex tvroz khuemc rax.

JOSHUA 6:5

Kvruex yimaq tsuinghez rueq bolic kuex vthuic vluz maq tuimz ruiux yuq, kvruex thuic kuex tay rac miq htenc kuex yunghvlc maq rex ruiux yuq, ghaqyungx palx ruk htenc kuex rul wvnc tuex. Kvruex yimaq nolaungx bix htenc kuex miqmac max kox tvhtaz nuex nyuip wvnc wuez rax,” ngoz tueq jungx tueq.

Revelation 1:20

Ngvy yauk yaukkeq kox nuex mnoz rueq khiz vshuiux ruiysuiyq poz mvshix nuiyc kuimshawx wvrkok mvshix vhttuiyq vpuiuc vruex shec vlvmx kuex vkhoc rvtueq: ruiysuiyq mvshix kuex phungc mvshix bvmc jix raungkamx waz mvshix ngoc rvtueq, wvrkok mvshix kuex phungc mvshix ngoc rvtueq.

Revelation 1:4

Ngaz Yohan rueq Asia mungx hong nuex httaz jix phungc mvshix muex luik wuiyq tvwvnc vphaungx. Majuiuc pat, mvnnuex pat, yix maq pat nuex muinz httax hvt dvyx httax yaq Tishox kox wawc muinz, vpiq hoc daungraungc khaungkac nuex httax yaq siyac mvshix kox wawc muinz,

Revelation 10:3

hangsic thuic ikhoc yunghvlc maq guyc yaq. Piq guyc koq tueq raungmuk lauk mvshix maq tvralc tueq.

Revelation 15:1

Kvruex yimaq raungmungx nuex vjungc lot miq yungx vtueq vwangc juing romzyac phvnx shiz kuex ngaz rueq khiz tauk. Kvruex romzyac kuex thuimkux phvnx mvshix shuimx yaq raungkamx waz mvshix rvtueq, Tishox thuinkhvy kuex vtvsuip tvlot gay vlvmz tvkhic muinz rvtueq.

Revelation 15:7

Kvmaq ngvmx saz kuiux bvlic wawc vshiz rueq pattup pat-sac tvraungx httax yaq, Tishox thuinkhvy mvrc yaq kuimshawx pantuimz mvshix kuex raungkamx waz mvshix muex kuq tueq.

Revelation 16:1

Kvmaq raungkamx waz mvshix muex shomc yuimx mungx wawc thuic tvruingc yunghvlc maq jungx yaq kuex: “Kaz vtueq Tishox thuinkhvy kok mvshix kuex ghaq htauk kvyuq ruiuc gay shuinz!” ngoz tueq kuex ngaz rueq tay tauk.

Revelation 5:1

Hoc daungraungc htauk nuex ngaungc jix waz vpiq yaukkeq kox nuex luik tul kuex ngaz rueq khiz tauk; kvruex luik tul kuex tvsik mvshix maq wung ruiux, samx wvguip nuex luik htenc kuex wuiyq taq tueq.

Revelation 5:6

Kvruex yimaq Khelbuenx Saz kuex vtvraungx ngvmx saz bvlic nuiyc walaungx bix hvlwvl nuex httax yaq hoc daungraungc mungx nuex jvp yaq kuex ngaz rueq khiz tauk. Vpiq kuex shomc kuy tvkoc vthvt gay Khelbuenx Saz rulc rv-ngvlc yaq, vpiq kuex vrungx mvshix vmuik mvshix httax yaq. Kvruex kuex mungkawx lotlaz nuex Tishox rueq vtvkaz siyac mvshix rvtueq.

Revelation 8:2

Kvruex yimaq Tishox khaungkac nuex jvp yaq raungkamx waz mvshix kuex ngaz rueq khiz tauk, tsuingshiq muex bolic mvshix kuq tueq.

Revelation 8:6

Kvruex yimaq bolic shuimc jix raungkamx waz mvshix rueq bolic tuimc tvkoc tvyoalc tvhungx wuez tueq.