JOSHUA 15:13 - Hawa Naga Bible 2001

¹³ Yehowa rueq nvr tueq rulc rv-ngvlc Yoshua rueq Yuda phvnx wawc Jephunne saz Kaleb muex Yuda mungx wawc wvyvmc kuex kuq tueq. Piq rueq Anak waz Arba rueq guimz yaq Hebron ghaqyungx kuex lvp tueq.

ASII LAKDAP Bible (BSI)

¹³ Tatiwe raq Joshua ma aming kuqtaq kra phanphan, Juda phan rii hiqshong achumkuq kiiwa, Jephunne se Kelib miimin hiq ka hongshi chumkuqto. Apaiq kiimin Juda phan wa. Apaiq rii hiqshong ka Hebron chela chumkuqto. Hebron chela ka man na Anak ma awe Arba hiqshong riito.

JOSHUA 15:13 Referencias Cruzadas

RAPHA HIQWA LAK 13:18

Kvkhoc rvtueq Abram kuex piq jerak tvhttot vtueq Hebron ghaq hong Mamre wawc vsawc pulx jungx kemz yaq hep nuex luiuz kaz vtueq jerak tec ruiux httax tueq, kvruex baung kvyuq Yehowa muex shomrawx tvhungx taq tueq.

RAPHA HIQWA LAK 23:2

Piq kuex Kanaan mungx Hebron ghaq maq thueyc kaz vtueq Abraham kuex yonzyex khoar tueq.

2 SAMUEL 2:1

Kvruex yimaq, Dawid rueq Yehowa muex ngoc, “Ngaz kuex Yuda ghaq htenc wawc ghaqshiz shiz nuex kaz vtueq guimz lawc kay juing haz?” ngoz tueq wiz tueq. Yehowa rueq, “Quex,” ngoz tueq tvralc tueq. Dawid rueq, “Mruex ghaq nuex lac?” ngoz tueq wiz tueq. Yehowa rueq, “Hebron,” ngoz tueq jungx tueq.

1 KAÜWA WERAÜ 6:56

Kvruex ghaqyungx wawc wuik vnax htenc nuiyc miqghaq htenc kuex Jephunne saz Kaleb muex htvp htaz kuq tueq.

2 KAÜWA WERAÜ 11:10

Zora, Aijalon nuiyc Hebron ghaq htenc rvtueq.

WEAWEA 13:30

Yuq muinz Kaleb rueq Moshe khaungkac nuex kvbot nyvnx yaq jix hez kvmac ngoc, “Naungshiq rueq kvruex mungx kuex majuiuc dvyx khvt kaz vtueq lvp kaz ix; naunghez rueq kvruex mungx kuex khvt taungx lot juing hungc vlaungc vhttax,” ngoz tueq jungx koq tueq miq htenc kuex tvsuingx gay tueq.

JOSHUA 11:21

Kvtanc jauz Yoshua kuex kaz vtueq Anakim ngoz tueq kvmuingc yaq miq htenc httax yaq kuz hong wawc muinz, Hebron, Debir, Anab ghaqyungx wawc muinz, Yuda nuiyc Israel kuz hong htenc wawc lotlaz muinz tvbac gay tueq. Tsuingshiq nuiyc tsuingshiq ghaqyungx htenc kuex Yoshua rueq tvmaq jup tvbac gay tueq.

JOSHUA 20:7

Kvkhoc rvtueq tsuinghez rueq Yodan ruilx maq shalx nyuip kox Naphtali kuz ghaq Galile hong wawc Kadesh nuex muinz; Ephraim kuz ghaq wawc Shekhem nuex muinz; Yuda kuz ghaq wawc Hebron htenc kuex httauk taq tueq.

JOSHUA 21:11

Tsuingshiq rueq Arba ghaqyungx ngoz yaq (Anak waz muingc vruingc taq Arba) majuiuc Hebron ngoz tueq muingc yaq Yuda kuz hong wawc ghaqyungx nuiyc kvruex tvroz wawc suiux vmanx remc juing ghaq kuex kuq tueq.

PHOWEBI 1:10

Tsuingshiq rueq Kiriat Arba ngoz yaq Hebron ghaq nuex httax jix Kanaan miqsaz kvmuinz khvt kaz tueq. Kvruex hong nuex httaz jix Sheshai, Ahiman nuiyc Talmai waruiuz htenc kuex khvt taungx gay tueq.

PHOWEBI 1:20

Moshe rueq nvr tueq rulc rv-ngvlc Kaleb muex Hebron ghaq kuex kuq tueq. Piq rueq Anak suiuz vsaz hez wawc waruiuz thuimx kuex yurc gay tueq.

1 SAMUEL 30:14

Nuiyhez rueq Yuda mungx ghaqyaz kox nuex httax yaq Kerethi hong nuiyc Kaleb waruiuz hez ghaq hong kuex khvt vtueq Ziklag ghaq kuex wvr maq jauk gay shec tiq,” ngoz tueq jungx tueq.

1 SAMUEL 30:31

nuiyc Hebron ghaq wuinz htenc muex muinz tvgurc kuq tueq. Piq nuiyc piq miq htenc khuemx shamx wvnc tueq baung htenc lotlaz nuex muinz tvgurc kuq tueq.