JOSHUA 15:11 - Hawa Naga Bible 2001

^11-12 Kvmaq Ekron maq ghaqkhux kox kanx hong nuex kaz vtueq Shikkeron nuex kvroz wvnc vtueq, Bala Kanx kuex yanz wvnc ruiux Jamnia nuex tiq rvtueq, shalx nyuip kox wawc ghaqruiy kuex Svmuktvrax Mediteranean nuex suip tueq. Yuda taungx hez htenc kuex vruex ghaqruiy mungx nuex httax wuez yaq.

ASII LAKDAP Bible (BSI)

¹¹ Kriimiishe hiqrai ka Ekron kin maq shekhu nünü kiiniishe rai wanto. Raüta Shikkeron chela nünü kiiniishe rai wanto. Raüta Baala Pum kra jin saq rai wanto. Raüta Jamnia chela kiiniishe rai wanto. Kriimaq rai wan raüta. Mediterenian Khamjong kii kiiniishe tiisup wanto.

JOSHUA 15:11 Referencias Cruzadas

2 HOKHVMX 1:16

piq muex ngoc, “Vruex kuex Yehowa rueq vjungx bomc rvtueq: ‘Israel mungx nuex mnoz rueq wiz muex tishox vganc vguez rvtueq haz, Ekron tishox Baalzebub muex wisoz kay tvkoc kamx waz hez kuex mnoz rueq tvkaz toq ningkhvnc nuex, mnoz thuiuz vsac kuex hvlx kaz tuiux rvmuq; mnoz kuex vthueyc rvtuiux!’ ngoz tueq jungx yaq,” ngoz tueq.

2 HOKHVMX 1:6

Tsuinghez rueq, “Nuiyhez muex yek waung wuez kuinz ngoz tueq jungc jix miq washiz rulc rvhumc vtueq, Yehowa rueq mnoz muex jungx tueq, ‘Ekron tishox Baalzebub muex wiz tvkoc mnoz rueq yvmx ngoz tueq lac kamx waz hez kuex tvkaz tonx? Israel mungx nuex tishox vguez shex ngoz tueq nuimshiq rueq tvmaung ningkhvnc nuex haz? Mnoz thuiuz vsac kuex hvlx kaz yek tuiux rvmuq; mnoz kuex vthueyc rvtuiux!’ ngoz tueq mnoz muex jungx shuiuz,” ngoz tueq tvjungc wvnc phuex.

2 KAÜWA WERAÜ 26:6

Uzia rueq Philistin miqsaz kuex khvt kaz tueq. Piq rueq Gad, Jamnia nuiyc Ashdod ghaqyungx palx ruk htenc kuex httak gay ruiux, Ashdod ghaq hep wawc ghaqyungx htenc kuex palx ruk ruk ruiux Philistin mungx wawc kvjungx yaq htenc kuex tec taq tueq.

WEAWEA 34:6

“Shalx nyuip kox ghaqruiy kuex Mediteranean kawx maq ruiy rax.

JOSHUA 15:10

Bala maq shalx nyuip kox nuex tvkomc wvnc vtueq, Edom kuz hong nuex tiq rvtueq, Jearim Kanx (rvmuq ngoz ruiux Kesalon), maq ghaqkhux kox nuex kaz vtueq Bet Shemesh nuex svt kaz ruiux Timna yanz laq tueq.

JOSHUA 15:45

Kvmaq hulawx Ekron nuiyc kvruex tvroz wawc miqghaq nuiyc kez htenc,

JOSHUA 15:9

Ekvmaq raz tueq Nephtoa yuix saz Ruilx nuiyc Ephron Kanx hep wawc ghaqyungx htenc kuex yanz wvnc vtueq Bala (rvmuq ngoz ruiux Kiriat Jearim) nuex kvroz wvnc tueq,

PHOWEBI 1:18

Yehowa rueq Yuda miqsaz muex romc kuq tueq, tsuinghez rueq kuz hong kuex khvt lvp wvnc tueq. Yuq muinz tsuingshiq kuex Gaza nuiyc kvruex wawc ghaq hong, Ashkelon nuiyc kvruex wawc ghaq hong, Ekron nuiyc kvruex wawc ghaq hong htenc kuex khvt taungx muq doc. Kvruex wawc miq htenc kuex svmuktvrax kawx nuex httax tueq, tsuingshiq nuex yanx renc htenc httax yaq, kvkhoc rvtueq Yuda miqsaz rueq kvruex hez kuex yurc gay lot muq.

1 SAMUEL 17:52

Israel nuiyc Yuda miq htenc kuex vhtaq maq vguyc kvruex hez yix nuex yurc wvnc vtueq Gad nuiyc Ekron palx kaluix nuex httuiuc laz yurc khvt tueq. Philistin miqsaz vphiz vshuz rvhumc jix htenc muinz Shaaraim maq Gad nuiyc Ekron nuex httuiuc laz lvmx wvlex nuex thueyc tueq.

1 SAMUEL 5:10

Kvkhoc rvkoq tueq tsuingshiq rueq vganc Philistin ghaqyungx rvtueq Ekron nuex Bomkhvrc Jep kuex taq gay kaz tueq; yuq muinz kvruex yuq httuiuc kaz koq tueq miq htenc rueq, “Nuiyshiq lotlaz thvy gay muex ngoz tueq Israel Tishox Bomkhvrc Jep kuex tsuingshiq rueq lvmz laq ruex,” ngoz tueq guyc tvruingx wuez tueq.

1 SAMUEL 5:8

Kvkhoc rvtueq tsuingshiq rueq kamx waz bix kuex tvkaz ruiux Philistin hokhvmx waz bv-ngac tvtuimx gvl vtueq tsuinghez muex, “Israel Tishox Bomkhvrc Jep kuex naungshiq rueq yvmx khoc lac rvshix?” ngoz tueq wiz tueq. Tsuinghez rueq, “Gad ghaq nuex taq kaz kuinz,” ngoz tueq tvralc koq tueq; tsuingshiq rueq muinz Philistin ghaqyungx rvtueq Gad ghaq nuex taq kaz tueq.

1 SAMUEL 7:14

Philistin miqsaz rueq guimz yaq Ekron nuiyc Gad hvlwvl wawc ghaqyungx lotlaz kuex Israel muex yez kuy gay ningkhvnc nuex, Israel rueq kungkhux wawc piq ghaq vraungx htenc lotlaz lvp wvnc yek tueq. Israel miqsaz nuiyc Kanaan miqsaz hvlwvl nuex muinz nomic lvmx taq shec tueq.