JEREMIA 18:21 - Hawa Naga Bible 2001

²¹ Yuq muinz majuiuc, Yehowa lex, tsuingshiq sahez kuex rvmc muex tvthueyc gay shuiuz; tsuingshiq kuex ralx rvlungc nuex mthvt gay shueq. Tsuingshiq muex nox tvlvp muq maq mvntix nyuiuz muex tvyaungc shuiuz; miqwaz rulx vthuiuz rueq thueyc vtueq yalxrox bix kuex ralx lungc nuex mthueyc kueq.

ASII LAKDAP Bible (BSI)

²¹ Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 18:21 Referencias Cruzadas

2 KAÜWA WERAÜ 36:17

Kvkhoc rvtueq Yehowa rueq tsuingshiq kuex khvt kay tvkoc Babelon hokhvmx waz kuex tvkaz tueq. Hokhvmx waz rueq Shomc Yuimx mungx nuex httax yaq Yuda yalxrox bix nuex httuiuc laz thvt gay tueq. Piq rueq nyuiuz waz, nosaz, miqwaz yalxjuik, vthuiuz vsac jix, miq hvlx jix, ukhaq muex muinz menjenc muq. Tishox rueq tsuingshiq lotlaz kuex piq yauk nuex lekuq gay tueq.

Tvtsvmc 63:10

Tsuingshiq kuex ralx khvt thvy gay rvhumc wuez tuex, tsuingshiq shauk gvnz htenc kuex shoalx rueq phauk gay wuez shuex.

Tvtsvmc 63:11

Piq muex Tishox rueq tvtaungx kuy ningkhvnc nuex, hokhvmx waz kuex kokez tuex. Tishox muingc maq bomkhvmc tvy jix htenc rueq vpiq muex tvtsvmc wuez shuex, yuq muinz vrot vkaq jungc jix nuix htenc kuex vhttuiuq gay rvhumc tuex.

DUNGWVNC 22:24

Ngvy thuinkhaq vtueq nuimshiq kuex ralx nuex tvthueyc gay phaungx. Kvkaq nuimshiq taungnyuiuz hez kuex mvntix nyuiuz tamx yaungx vtueq, nuimshiq suiuz vsaz hez muinz nox jix sahez muex yaungx tuex.

ISAIA 13:18

Tsuingshiq laq nuiyc laqsvnz htenc maq yalxrox rulx kuex thvt gay shuex. Tsuingshiq rueq noshawx sahez muex menjenc thuinz tvkhic kuq shuex rvmuq, nosaz rulx muex muinz menjenc shuex rvmuq.

ISAIA 9:16

Kvruex hez muex lvmx shvlc jix hez rueq lvmx vyaq kuex tvkhic vtueq thuinz tvmvruz raung kuq yaq.

ISAIA 9:17

Kvkhoc rvtueq Taungjix rueq yalxrox waz washiz muinz tvdung gay shuex rvmuq, nojix saz tamx nuiyc mvntix nyuiuz tamx muex muinz menjenc shuex rvmuq, yvmx khoc lac ngoz ruiux lec miq lotlaz kuex tishox vguez, layx bac nuiyc tsuingshiq kvjak tuex ruip rawx kuex vshuy vshac kvjaz dvyx rvtueq. Kvkhoc rvtueq Yehowa vpiq thuinkhvy kuex htumx muq, murx tvgurc muex vyauk kuex tenz hvt dvyx.

JEREMIA 12:3

Yuq muinz, Yehowa lex, mnoz rueq ngaz tuiuz yaq; ngaz rueq yvmx lac ruez vshaungx nuiyc ngaz rueq mnoz muex mtanc lac lungwawx vphaungx kuex mnoz rueq khiz yaq. Vruex layx bac miqsaz htenc kuex vthvy gay tvkoc tulx laq yaq khelbuenx ikhoc tulx laq shuiuz; tsuingshiq kuex thvt gay ruiux vkhing htvp htaz shec toq nuex httuiuc laz tsuingshiq kuex bvmc shuiuz.

JEREMIA 14:16

Tsuinghez rueq jungx yaq kvjaz kuex tay vtueq phvnc jix miqsaz kuex kvkhoc thvy gay rvhumc tuex. Tsuinghez maungx htenc kuex Yerusalem ghaq lvmx laungx htenc nuex tuip gay rvhumc vtueq, tsuinghez luip jix miq vshiz muinz httax tuex rvmuq. Vruex lvmz tsuingc taungnyuiuz tamx tsuingc sahez miqwaz yalxjuik sahez nuex yaungx wvnc tuex. Tsuingshiq honc vbac mauk kuex ngaz rueq tsuingshiq muex kuq shaungx,” ngoz tueq jungx tueq.

JEREMIA 15:7

Ngaz rueq mnoz kuex mungtan wawc miqghaq htenc nuex raungguil nuex pvnc gay yaq wekkhix ikhoc tuip gay phaungx. Ngvy miqsaz lex, ngaz rueq mnoz tvbac gay phaungx, mlayx vbac kuex mnoz rueq httvr muq ningkhvnc nuex msahez kuex ngaz rueq thvt gay tauk.

JEREMIA 15:8

Mmungtan wawc mvntix nyuiuz tamx kuex svmuktvrax kox wawc kumtsvy phungc htauk nuex muinz vpaung. Ngaz rueq m-yalxrox bix kuex tsuingshiq yalxrox baunglaung thvt gay ruiux tsuingshiq nyuiuz hez kuex yonzyex tvrvhumc wuez shaungx. Tsuingshiq kuex huingc rvhek maq tvkawc yawc vtueq rvwvlc thamx yec tvrvhumc tauk.

JEREMIA 50:30

Kvkhoc ningkhvnc nuex kvruex wawc yalxrox bix htenc kuex ghaqyungx lvmx nuex thvy gay rvhumc tuex, kvruex wawc nolaungx bix kuex kvruex raungnuiyq tvbac gay rvhumc tuex. Ngaz, Yehowa rueq jungx tauk.

JEREMIA 9:21

Vthueyc kuex naungshiq katvnc puc maq tvpuc vtueq naungshiq hoc nuex nyuip waung tueq; nosaz rulx kuex lvmx laungx htenc nuex yalxrox bix kuex kat vjez baung htenc nuex jumz gay shec tueq.

AJONJÜ 1:15

“Taungjix rueq ngvy kox wawc hungc vlaungc httax hvlc nolaungx bix lotlaz muex nueykuic rvyaq; Vpiq rueq ngvy yalxrox bix kuex tvbac gay tvkoc nolaungx bix kuex tvkaz tueq. Vpiq rueq ngvy miqsaz htenc kuex svpiq nuiuz juing wawc svpiq thuey htenc ikhoc nyet nuiuz gay phuex.

AJONJÜ 5:3

Nuiyshiq muex vwaz tamx kuex ralx rueq thvt gay wuez tueq, majuiuc nuiyshiq muex vnyuiuz tamx kuex mvntix nyuiuz muex yaungx wuez yaq.

EJEKIEL 16:38

Ngaz rueq mnoz kuex miqwaz senc wvnc nuiyc miq thvy gay ningkhvnc nuex vphoc rv-phaungx; ngvy thuinkhaq vtueq thuinkhvy phuk ruiux, mnoz muex murx tvgurc vtueq thvt gay phaungx.

EJEKIEL 22:25

Tsuingshiq walaungx bix kuex vhuk raz tueq ngvmx htenc puinz kauk gay yaq hangsic htenc ikhoc rvtueq. Tsuingshiq rueq miq htenc kuex thvt gay ruiux, kuimphox nuiyc tsak vnyvmx htenc kuex taungx shuex tanc khvnc lvmz wvnc yaq, tsuingshiq rueq miq thvy ningkhvnc nuex mvntix nyuiuz hez paung yaq.

AMO LUIK DVP (AMOS) 4:10

“Ejip mungx nuex ngaz rueq vtvkaz thuimkux mac vtsac ikhoc nuimshiq htauk nuex muinz ngaz rueq tvkaz tauk. Nuimshiq yalxrox bix kuex ralx khvt nuex ngaz rueq thvt gay tauk, nuimshiq mvre htenc muinz ngaz rueq lvmz gay tauk. Nuimshiq jerak htenc kvyuq maungx nvmc thuingc maq nuimshiq khuiz nuex tvhttuiuc kuq tauk. Kvkhoc rvyruiux nuimshiq kuex ngaz kox nuex yek waung muit.

TRI CHONGKE 32:25

Ralx rvkhvt kuex lvmx laungx nuex vthueyc vmvy tvyaungc yaq; vkvhiz juing phvnx kuex yuimx htenc nuex kvwungc tuex. Yalxtux yalxrox bix htenc thueyc wvnc wuez tuex; noshawx sahez nuiyc nyuiuz waz likawx htenc thueyc wvnc wuez tuex.

2 Timothy 4:14

Yanx jek jix jek waz Alesander rueq ngaz muex pinhtumc tvgvrc tsvrc kuq phuex, piq rueq shuimx wvnc tueq rulc rv-ngvlc Taungjix rueq piq muex yez kuq shuex rvtueq.

1 SAMUEL 15:33

Samuel rueq, “M-yaung muex vnyuiuz hez paunghvlc muex vsaz hez kuex tvsumx gay tueq ikhoc, majuiuc m-nyuiuz muex muinz vsaz tvsumx gay tueq nyuiuz muex tvyaungc shuex,” ngoz tueq jungx tueq. Piq rueq Gilgal wawc shomrawx khaungkac nuex Agag kuex tvhtaq tvruk jumz gay tueq.