JEREMIA 18:20 - Hawa Naga Bible 2001

²⁰ Vhvlx kuex vbac maq tvyez mvy yaq haz? Tsuingshiq rueq ngvy tvdvy gay muex ghaqkhurx htuz wuez yaq. Tsuingshiq kuex mthuinz khvy maq ruez gay muq juing, tsuingshiq pumz phuix laung ngaz kuex mnoz kox nuex yvmx khoc tvtay jungc kay juing lac kuex rvwvl kuq koq.

ASII LAKDAP Bible (BSI)

²⁰ Riita ahea jaqsham ka abi jaqsham maq songke chang dea sha? Shatmaq tsangshiq raq ngi tiidea miitu thiikho thuto. Ümtsan na tiitsanglaq, ngi raq tsangshiq miitu ümtinkhan wa ümniima chongkang ira. Ümniiraq tsangshiq ka ümtsankhiq tsi ma mo tiiho maü chang miitu achu jaükuqkang.

JEREMIA 18:20 Referencias Cruzadas

YOBA 6:27

Nuimshiq rueq nojix sahez kuex nuimdax tvyaungc muex hangchac maq toc wuez ruiux, nuimshiq kungjix htenc kvmuinz shaung phauk vshuinx!

Tvtsvmc 106:23

Tishox vpiq rueq vpiq miqsaz htenc tvbac gay tvkoc jungx tueq nuex vpiq rueq vthvl taq nvrc waz Moshe kuex jvp vtueq tsuingshiq kuex tvbac tac gay muq juing vpiq thuinkhvy kuex tvgawx laq tueq.

Tvtsvmc 119:95

Layx bac jix htenc rueq ngvy thvy tvkoc bvmc wuez yaq, yuq muinz mtvrac htenc kuex ngvy thuinz maq rvwvl vshaungx.

Tvtsvmc 35:12

Tsuingshiq rueq vhvlx yauk shuimc laung nuex, honc vbac maq ngaz muex tvyez wuez yaq, ngvy thuinz htumx yaq.

Tvtsvmc 35:7

Yvmx muinz rungx rax muq nuex tsuingshiq rueq ngvy tvkoc bix kuex tsvnc vtueq, ngvy lvp tvkoc ghaqkhurx thuiuz hvlc htuz taq tueq.

Tvtsvmc 38:20

Vhvlx tvkoc honc vbac yez kuy jix htenc kuex vlvmx yauk shuimc kuex ngaz rueq tvyaq shuimx vshaungx ningkhvnc nuex, ngaz muex khawx lvlx wuez yaq.

Tvtsvmc 57:6

Ngvy ralx htenc rueq ngvy lvp muex lvmz nuex jak kuex juinc shec tueq; ngaz kuex kuilc daz rvhumc vtaungx. Ngvy lvmx nuex tsuingshiq rueq htawkhurx htuz taq shec tueq, yuq muinz tsuingshiq dvyx kvyuq dvy wvnc wuez tueq.

Tvtsvmc 7:15

Yuq muinz tsuingshiq kuex vganc jix tvkoc bix vtsvnc shec kvyuq, tsuingshiq shauk pumz dvyx buinc wuez yaq.

TAKSU LAK 17:13

Vhvlx httungx muex vbac maq htuimz kuq ruiux yuq, vbac kuex m-yuimx wawc mkaq muinz tvdung gay lot shuiux rvmuq.

TAKSU LAK 26:27

Miq tvmanc tvkoc bix tsvnc jix htenc kuex tsuingshiq shauk pumz dvyx kvyuq kvkhvrc wuez tuex. Miq htauk nuex ghaq tvkuimc kuy jix waz kuex piq dvyx kv-phiq wvnc tuex.

THARC TVLUINGC 10:8

Ghaqkhurx htoay jix waz kuex, ghaqkhurx kvyuq htuip yaq; palx ruk httak jix waz muinz puiuc rueq kauk yaq.

JEREMIA 11:14

Yeremia lex, vruex miq htenc kvhttungx ngvy kox wawc vjux nauk thoz kaz, ngvy kox wawc nauk kvpiq nvyx thoz kaz. Tsuingshiq kuilc daz rvhumc tuex nuex romc kuy tvkoc ngaz gvl ruiux yuq, tsuingshiq kvjaz kuex ngaz rueq tay kuq shaungx rvmuq,” ngoz tueq jungx tueq.

JEREMIA 14:20

Yehowa lex, nuiyshiq kuex mnoz muex yaq tiq; nuiyshiq miqmac rueq vyaq gay mvrax nuiyc nuiyshiq jix vwaz tamx mvrax htenc kuex kvjungc vtix.

JEREMIA 15:1

Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

JEREMIA 17:18

Ngaz muex guirguenz yaq hez muex yvlc svy tvrvhumc shuiuz, yuq muinz Yehowa lex, ngaz kuex tvjungx shec koq. Tsuingshiq kuex kvhiz juing phvnx maq tvmvrc kuq shuiuz; yuq muinz ngaz muex nauk tvhiz sungx vkueq. Tsuingshiq htauk nuex vkuilc vdaz tvhttuiuc vtueq tsuingshiq kuex tvsawc ric tvbunx gay shuiuz.

JEREMIA 18:19

Kvkhoc rvtueq ngaz rueq, “Yehowa lex, ngaz rueq yvmx lac jungx vshaungx tay kuq koq, ngaz muex ralx yaungx yaq hez rueq ngvy lvmz nuex seng vtueq yvmx lac jungx yaq nguinx kuex tay shuiuz.

JEREMIA 18:22

Honc tvsvmz kuy vguez maq, tsuingshiq yuimx kuex httak gay tvkoc tvrac vguez miq phungc shiz kuex tvkaz shuiuz, tsuingshiq kuex tvkawc yawc vtueq tsuingshiq kuex tvkhoar sez shuiuz. Tsuingshiq rueq ngvy lvp tvkoc bix nuiyc ngvy tvhtuip tvkoc ghaqkhurx kuex htuz taq tueq.

JEREMIA 27:18

Mkhoc shoc maq tsuinghez kuex vsuing shvmmax bix nuiyc ngvy bomjungc lvp tay jix hez ngoz ruiux kuex, Shomc Yuimx nuiyc hokhvmx hoc wawc tsak vnyvmx kuex Babelon nuex lvmz wvnc lot muq tvkoc ngaz, Tvphaungc Tvsuip Yehowa kox wawc tsuingshiq rueq mthoz phueq,” ngoz tueq jungx tauk.

JEREMIA 5:26

“Ngvy miqsaz nuex layx bac jix htenc httax yaq; tsuingshiq kuex phix nuex wushawx tvmanc jix hez rueq ikhoc miq lvp tvkoc tsuingshiq rueq bvmc vtueq khuyx yaq.

JEREMIA 7:16

Yehowa rueq, “Yeremia lex, kvruex miq hez tvkoc vjux nauk thoz kaz. Tsuingshiq tvkoc nauk guyc kaz, nauk kvmenc jenc thoz kaz; ngaz muex nauk tvtay vkueq, ngaz rueq mnoz muex tay kuq phaungx rvmuq.

AJONJÜ 3:59

Ngvy khawc lvlc vyaq yauk shuimc kuex mnoz rueq tuiuz vtueq; ngvy tvkoc vlvmz phox kuq phux.

John 10:32

Yesu rueq tsuingshiq muex, “Ngaz rueq shuimc tvkoc Iwaz rueq ngaz muex kuq phuex vhvlx yauk shuimc paunghvlc kuex nuimshiq htumc nuex ngaz rueq shuimx wvnc tauk; kvruex yauk shuimc htenc kvwawc mruex phvnx ningkhvnc nuex lac ngaz kuex lung maq tuip gay dvnc vphuinx?” ngoz tueq wiz tueq.

John 15:25

Vkhoc shuiuc yaq lvmz kuex tsuingshiq Tvrac luik nuex, ‘Mvrax vguez yuq muinz tsuingshiq rueq ngaz kuex shuiuc pac wuez yaq,’ ngoz tueq wuiyq shec tueq kuex hungx wvnc tvkoc rvtueq.

1 SAMUEL 19:4

Yonathan rueq Dawid muex tvtsvmc kvmc yaq lvmx maq Sholu muex ngoc, “Jiyungx waz lex, mnvrc waz Dawid muex vshuimc nauk tvyaq kaz. Piq rueq mnoz muex mkaq muinz vshuimc tvyaq muq doc; kvkhoc vyaq yauk shuimc tvraung, piq rueq shuimx yaq phvnx ruip saz mnoz muex romc kuy lvmz yunghvlc httax yaq.